പ്രധാനമന്ത്രിയുടെ സ്വത്ത് വിവരങ്ങൾ പുറത്ത്; കൈയിലുള്ളത് വെറും 38750 രൂപ മാത്രം

ആസ്തി വിവരങ്ങൾ ഇങ്ങനെ

പ്രധാനമന്ത്രിയുടെ മൊത്തം ആസ്തി 2.5 കോടിയുടേതാണ്. ​ഗുജറാത്തിലെ ​ഗാന്ധിന​ഗറിലുള്ള വീടും മറ്റ് സ്വത്തുക്കളുമുൾപ്പെടയുള്ള ആസ്തിയാണിത്. അഹമ്മദാബാദിൽ അദ്ദേഹത്തിന് സ്വന്തമായി ഭൂമിയുണ്ട്. 2002 ഒക്ടോബറിൽ വാങ്ങിയതാണിത്. ഇതിന്റെ ഇപ്പോഴത്തെ വിപണിമൂല്യം 1.1 കോടി വരുമെന്നാണ് വിലയിരുത്തൽ.

ഫിക്സ‍ഡ് ഡിപ്പോസിറ്റ്

എസ്ബിഐയിൽ 1.27 കോടിയുടെ ഫിക്സഡ് ഡിപ്പോസിറ്റാണുള്ളത്. ഈ നിക്ഷേപമാണ് ഇദ്ദേഹത്തിന്റെ സമ്പാദ്യങ്ങളിൽ ഏറ്റവും വലുത്. എന്നാൽ നിലവിൽ കൈയിൽ ആകെയുള്ള തുക 38750 രൂപയാണ്.

മറ്റ് നിക്ഷേപങ്ങൾ

ടാക്സ് സേവിംഗ്സ് ഇൻഫ്രാ ബോണ്ടുകളിൽ 20,000 രൂപയും നാഷണൽ സേവിം​ഗ്സ് സർട്ടിഫിക്കറ്റിൽ 7.61 ലക്ഷവും എൽഐസി പോളിസികളിൽ 1.9 ലക്ഷവും പ്രധാനമന്ത്രിനിക്ഷേപം നടത്തിയിട്ടുണ്ട്. സേവിം​ഗ്സ് ബാങ്ക് അക്കൗണ്ടിലെ ബാലൻസ് 4143 രൂപയാണ്.

ആസ്തിയിൽ വർദ്ധനവ്

നരേന്ദ്ര മോദിയുടെ ആസ്തികളിൽ കഴിഞ്ഞ അഞ്ച് വർഷം കൊണ്ട് 52 ശതമാനത്തിന്റെ വർദ്ധനവുണ്ടായെന്നാണ് സത്യവാങ്മൂലത്തിലെ കണക്കുകൾ വ്യക്തതമാക്കുന്നത്. മോദിയുടെ ജംഗമ സ്വത്തുക്കൾ 2014 ൽ നിന്ന് 2019 ലേക്ക് എത്തിയപ്പോൾ 114.15 ശതമാനമാണ് വർദ്ധിച്ചത്. 2014 ൽ 65.91 ലക്ഷം രൂപ മൂല്യമുള്ള ജംഗമസ്വത്താണ് ഇദ്ദേഹത്തിന്റെ പേരിൽ ഉണ്ടായിരുന്നത്.

ആഭരണങ്ങൾ

പ്രധാനമന്ത്രിക്ക് സ്വന്തമായി വാഹനമില്ല. 45 ഗ്രാം തൂക്കം വരുന്ന, 1.13 ലക്ഷം രൂപ വിലമതിക്കുന്ന നാല് സ്വർണ മോതിരങ്ങൾ അദ്ദേഹത്തിനുണ്ട്.