പാചകവാതക വില നൂറ് രൂപ കുറയും

രാജ്യാന്തര വിപണിയില്‍ നിരക്കുകള്‍ കുറഞ്ഞതിന്റെ ഭാഗമായി സബ്‌സിഡിയില്ലാത്ത പാചകവാതകത്തിന്റെ വില 100 രൂപ കുറയും. സബ്‌സിഡിയില്ലാത്ത ഗ്യാസ് സിലിണ്ടറിന് 737 രൂപ 50 പൈസയായിരുു വില. ഇ്ന്ന് മുതല്‍ ഇത് 637 രൂപയായി കുറയും. സബ്‌സിഡിയുളള സിലിണ്ടറുകളുടെ വില 495.35 രൂപയായി കുറയും. സബ്‌സിഡി തുകയായ 142 രൂപ 65 പൈസ ഉപഭോക്താക്കളുടെ അക്കൗണ്ടിലേക്ക് കേന്ദ്രസര്‍ക്കാര്‍ ട്രാന്‍സ്ഫര്‍ ചെയ്യും.

എസ്ബിഐയുടെ റിപ്പോ ലിങ്ക്ഡ് ഭവന വായ്പ

എസ്ബിഐയുടെ റിപ്പോ ലിങ്ക്ഡ് ഭവന വായ്പ ഇന്ന് മുതല്‍ ലഭ്യമാകും. റിസര്‍വ് ബാങ്കിന്റെ റിപ്പോ നിരക്കുമായി റിപ്പോ ലിങ്ക്ഡ് ഭവന വായ്പയുടെ പലിശനിരക്കിനെ നേരിട്ട് ബന്ധിപ്പിക്കും. അതുകൊണ്ടു തന്നെ റിസര്‍വ് ബാങ്ക് റിപ്പോ നിരക്കിലെ മാറ്റങ്ങള്‍ ഭവനവായ്പയുടെ പലിശയിലും പ്രതിഫലിക്കും.

ആര്‍ടിജിഎസ്, നെഫ്റ്റ് ഇടപാടുകള്‍

ആര്‍ടിജിഎസ്, നെഫ്റ്റ് ഇടപാടുകള്‍ക്ക് ബാങ്കുകളില്‍ നിന്ന് ഈടാക്കിയിരുന്ന അധിക ചാര്‍ജ് ആര്‍ബിഐ എടുത്തുകളഞ്ഞിരുന്നു. ഈ തീരുമാനം ഇന്ന് മുതല്‍ നടപ്പാകും. പകരം ഉപഭോക്താക്കളില്‍ നിന്ന് ഓണ്‍ലൈന്‍ ഇടപാടുകള്‍ക്ക് ഈടാക്കുന്ന ഫീസ് ബാങ്കുകള്‍ കുറയ്ക്കും. ഡിജിറ്റല്‍ ഇടപാടുകള്‍ പ്രോത്സാഹിപ്പിക്കുതിന്റെ ഭാഗമായാണ് ഈ പരിഷ്‌ക്കാരം.

വിമാനയാത്രയ്ക്ക് ചെലവേറും

വിമാനയാത്രക്കാരില്‍ നിന്ന് ഈടാക്കുന്ന ഏവിയേഷന്‍ സെക്യൂരിറ്റി ഫീസ് ഇന്ന് മുതല്‍ കൂടും. ഇത് 130 രൂപയില്‍ നിന്ന് 150 രൂപയാണ് വര്‍ധിക്കുക. അതുകൊണ്ടുതന്നെ യാത്രാച്ചെലവ് കൂടും. അന്താരാഷ്ട്ര വിമാനയാത്രകള്‍ക്ക് അടുത്ത മാസം മുതലാണ് വര്‍ധനവ് പ്രാബല്യത്തില്‍ വരിക.

പേടിഎം സേവനങ്ങള്‍ക്ക് ഇന്ന് മുതല്‍ ചെലവേറും

മെര്‍ച്ചന്റ് ഡിസ്‌കൗണ്ട് റേറ്റുകള്‍ (എംഡിആര്‍) ഉപഭോക്താക്കള്‍ നേരിട്ട് വഹിക്കേണ്ടിവരുന്നതോടെ ഡിജിറ്റല്‍ പണമിടപാട് കമ്പനിയായ പേടിഎമ്മിന്റെ സേവനങ്ങള്‍ക്ക് ഇന്ന് മുതല്‍ ചെലവേറും. ഡിജിറ്റല്‍ ഇടപാടുകള്‍ക്ക് ബാങ്കുകളും കാര്‍ഡ് കമ്പനികളും ഈടാക്കുന്ന തുകയാണ് എംഡിആര്‍. ഇതുവരെ പേടിഎം ഉപഭോക്താക്കളില്‍ നിന്നും ഈ തുക ഈടാക്കിയിരുന്നില്ല.

ചെറുകിട സമ്പാദ്യപദ്ധതികളുടെ വരുമാനം കുറയും

പിപിഎഫ്, എന്‍എസ്‌സി ഉള്‍പ്പെടെയുളള ചെറുകിട സമ്പാദ്യപദ്ധതികളുടെ പലിശനിരക്കില്‍ സര്‍ക്കാര്‍ 0.1 ശതമാനത്തിന്റെ കുറവ് വരുത്തി. ഈ സാമ്പത്തികവര്‍ഷം ജൂലൈ -സെപ്തംബര്‍ പാദത്തിലെ പലിശനിരക്കിലാണ് കുറവ് വരുത്തിയിരിക്കു്ന്നത്.