ഓസ്‌ട്രേലിയൻ ജോലി സ്വപ്നങ്ങൾക്ക് മങ്ങലേൽക്കുന്നു; കുടിയേറ്റക്കാരെ വെട്ടിക്കുറച്ച് ഓസ്‌ട്രേലിയ

കണക്കുകൾ

ട്രഷറി ഡിപ്പാർട്ട്‌മെന്റ് പുറത്തിറക്കിയ ഓസ്‌ട്രേലിയൻ ഇക്കണോമിക് ആന്റ് ഫിസ്കൽ അപ്‌ഡേറ്റ് റിപ്പോർട്ടിൽ അന്താരാഷ്ട്ര യാത്രാ നിയന്ത്രണങ്ങളും വിസ അപേക്ഷാ നടപടികളിലെ കാലതാമസവും ഓവർസീസ് മൈഗ്രേഷനെ സാരമായി ബാധിക്കുമെന്ന് വ്യക്തമാക്കുന്നു. കുടിയേറ്റക്കാരുടെ എണ്ണം 2018-19 ലെ 232,000 ൽ നിന്ന് 2019-20 ൽ 154,000 ആയും 2020-21 ൽ 31,000 ആയും കുറയുമെന്ന് കണക്കാക്കപ്പെടുന്നു.

ഇന്ത്യക്കാർക്ക് തിരിച്ചടി

ഓസ്‌ട്രേലിയയിലെ ഇന്ത്യൻ കമ്മ്യൂണിറ്റിയിൽ 700,000 ആളുകൾ ഉൾപ്പെടുന്നു. ഓസ്‌ട്രേലിയയിലേക്ക് കുടിയേറുന്നവരിൽ ഏറിയ പങ്കും ഇന്ത്യക്കാരാണ്. ഓസ്‌ട്രേലിയൻ സർവകലാശാലകളിൽ ഏകദേശം 90,000 ഇന്ത്യൻ വിദ്യാർത്ഥികൾ പഠിക്കുന്നുണ്ട്. മഹാമാരി കാരണം സ്വദേശത്തും വിദേശത്തും ഇത് വ്യാപിക്കുന്നത് തടയാൻ സ്വീകരിച്ച നടപടികൾ കാരണം ഭാവിയിലെ കുടിയേറ്റ നില വളരെ അനിശ്ചിതത്വത്തിലാണ്.

കൊവിഡ് പ്രതിസന്ധി

2020 മാർച്ചിൽ സർക്കാർ അന്താരാഷ്ട്ര യാത്രാ നിരോധനം നടപ്പാക്കിയിരിന്നു. സന്ദർശകരുടേയും താൽക്കാലിക മൈഗ്രേഷൻ വിസകളുടേയും വരവ് ഇത് തടഞ്ഞു, ഓസ്‌ട്രേലിയൻ പൗരന്മാരെയും സ്ഥിരവാസികളെയും ഓസ്‌ട്രേലിയയിൽ നിന്ന് പുറത്തു പോകുന്നതിൽ നിന്നും തടഞ്ഞു. കഴിഞ്ഞ വർഷം ഡിസംബറിൽ ചൈനയിലെ വുഹാൻ നഗരത്തിൽ ആരംഭിച്ച കൊവിഡ്-19, ആഗോള സമ്പദ്‌വ്യവസ്ഥ കടുത്ത സാമ്പത്തിക മാന്ദ്യത്തിലേയ്ക്കാണ് നയിച്ചു കൊണ്ടിരിക്കുന്നത്.