ഇന്ന് ബാങ്ക് പണിമുടക്ക്: നെറ്റ് ബാങ്കിം​ഗും എടിഎമ്മും പ്രവ‍ർത്തിക്കുമോ?

ഡിജിറ്റൽ ഇടപാടുകൾ പ്രവർത്തിക്കുമോ?

നവംബർ 26 ലെ പണിമുടക്ക് ഡിജിറ്റൽ ഇടപാടുകളെ ബാധിക്കില്ല. കൂടാതെ ഉപയോക്താക്കൾക്ക് നെറ്റ്ബാങ്കിംഗ് അല്ലെങ്കിൽ മൊബൈൽ ബാങ്കിംഗ് വഴി ഇടപാടുകൾ നടത്താം. നിങ്ങൾക്ക് എടിഎമ്മുകളിൽ നിന്ന് പണം പിൻവലിക്കുകയും ചെയ്യാം.

പണിമുടക്ക് നടത്തുന്നത് എന്തിന്?

കേന്ദ്രസർക്കാരിന്റെ തൊഴിൽ വിരുദ്ധ നയങ്ങൾക്കെതിരെയാണ് ബാങ്കുകൾ പണിമുടക്ക് നടത്തുന്നത്. സർക്കാരിന്റെ തൊഴിൽ വിരുദ്ധ നയങ്ങളിൽ പ്രതിഷേധിച്ച് കേന്ദ്ര ട്രേഡ് യൂണിയനുകൾ ആഹ്വാനം ചെയ്ത നവംബർ 26 ന് നടക്കുന്ന ഏകദിന പണിമുടക്കിൽ പങ്കു ചേരുമെന്ന് ഓൾ ഇന്ത്യ ബാങ്ക് എംപ്ലോയീസ് അസോസിയേഷൻ (എ.ഐ.ബി.ഇ.എ) ചൊവ്വാഴ്ച അറിയിച്ചു.

തൊഴിൽ നിയമങ്ങളിലെ മാറ്റം

ഭാരതീയ മസ്ദൂർ സംഘമൊഴികെ പത്ത് കേന്ദ്ര ട്രേഡ് യൂണിയനുകൾ രാജ്യവ്യാപകമായി പൊതു പണിമുടക്ക് ആചരിക്കും. ലോക്സഭ അടുത്തിടെ നടന്ന സെഷനിൽ മൂന്ന് പുതിയ തൊഴിൽ നിയമങ്ങൾ പാസാക്കിയിരുന്നു. കോർപ്പറേറ്റുകളുടെ താൽപ്പര്യാർത്ഥം പ്രവർത്തിക്കുന്ന ‘ഈസി ഓഫ് ബിസിനസ്' എന്ന പേരിൽ നിലവിലുള്ള 27 നിയമങ്ങൾ പൊളിച്ചുമാറ്റി. ഇക്കാരണങ്ങളാണ് പണിമുടക്ക് ആഹ്വാനം ചെയ്യാൻ കാരണം.

ഏതൊക്കെ ബാങ്കുകൾ അടയ്ക്കും?

സ്റ്റേറ്റ് ബാങ്ക് ഓഫ് ഇന്ത്യയും ഇന്ത്യൻ ഓവർസീസ് ബാങ്കും ഒഴികെയുള്ള മിക്ക ബാങ്കുകളെയും എ.ഐ.ബി.ഇ.എ പ്രതിനിധീകരിക്കുന്നുണ്ട്. വിവിധ പൊതു, സ്വകാര്യ മേഖല ബാങ്കുകളിൽ നിന്നുള്ള നാല് ലക്ഷം ബാങ്ക് ജീവനക്കാരും ചില വിദേശ ബാങ്കുകളും സംഘടനയിൽ അംഗങ്ങളാണ്.

മറ്റ് ആവശ്യങ്ങൾ

ബാങ്ക് സ്വകാര്യവൽക്കരണത്തിനെതിരായ എതിർപ്പ്, ഔട്ട്‌സോഴ്‌സിംഗിനും കരാർ സംവിധാനത്തിനും എതിരായ എതിർപ്പ്, മതിയായ നിയമനം, വൻകിട കോർപ്പറേറ്റ് വീഴ്ച വരുത്തുന്നവർക്കെതിരെ കർശന നടപടി, ബാങ്ക് നിക്ഷേപത്തിന്റെ പലിശ നിരക്ക് വർദ്ധിപ്പിക്കൽ, സേവനം കുറയ്ക്കൽ തുടങ്ങിയ ആവശ്യങ്ങളിലും നവംബർ 26 ന് ബാങ്ക് ജീവനക്കാർ ശ്രദ്ധ കേന്ദ്രീകരിക്കുമെന്ന് യൂണിയൻ അറിയിച്ചു.