സൗജന്യ കോളും പ്ലാൻ വാലിഡിറ്റിയും ഉയർത്തി ബിഎസ്എൻഎൽ

ദില്ലി; പ്രീപെയ്ഡ് ഉപയോക്താക്കള്‍ക്ക് സൗജന്യ വാലിഡിറ്റി പ്രഖ്യാപിച്ച് ബിഎസ്എൻഎൽ.ഏപ്രില്‍ ഒന്നിനോ അതിനുശേഷമോ കാലാവധി അവസാനിച്ചവര്‍ക്കാണ് ആനുകൂല്യം. ഇതിനുപുറമെ, എല്ലാവര്‍ക്കും 100 മിനിറ്റ് കോളിംഗ് ആനുകൂല്യവും ലഭിക്കും.
കുറഞ്ഞ വരുമാനമുള്ള വരിക്കാരുടെ പ്രയോജനത്തിനായി ബിഎസ്എന്‍എല്‍ നിരവധി ദീര്‍ഘകാല പ്ലാനുകളും അവതരിപ്പിച്ചിട്ടുണ്ട്.

പ്ലാൻ വൗച്ചർ 106, 107 ന് 100 മിനിറ്റ് കോളിംഗും 100 ദിവസത്തെ വാലിഡിറ്റിയും ഉള്ള 3 ജിബി ഡാറ്റയും വാഗ്ദാനം ചെയ്യുന്നു.ബിഎസ്എന്‍എല്‍ ട്യൂണ്‍സ് ആദ്യ 60 ദിവസത്തേക്കും ലഭിക്കും.
പ്ലാൻ വൗച്ചർ 197 ന് 18 ദിവസത്തേക്ക് പരിധിയില്ലാത്ത കോളിംഗ്, 2 ജിബി / പ്രതിദിന ഡാറ്റ, 180 ദിവസത്തെ മുഴുവന്‍ കാലാവധി വാഗ്ദാനം ചെയ്യുന്നു. 100 എസ്എംഎസ് / പ്രതിദിനം, ബിഎസ്എന്‍എല്‍ ട്യൂണുകളും, സിംഗ് സംഗീത ഉള്ളടക്കവും 18 ദിവസത്തേക്ക് നല്‍കും.

പ്ലാൻ വൗച്ചർ 397- 60 ദിവസത്തേക്ക് പരിധിയില്ലാത്ത കോളിംഗ്, 2 ജിബി / പ്രതിദിന ഡാറ്റ, എന്നിവ ഉപയോഗിച്ച് 365 ദിവസത്തെ മുഴുവന്‍ കാലാവധി നല്‍കുന്നു. പ്രതിദിനം 100 എസ്എംഎസ്, ബിഎസ്എന്‍എല്‍ ട്യൂണ്‍സ്, 60 ദിവസത്തേക്ക് സൗജന്യമായി നല്‍കുന്നു.
ബിഎസ്എന്‍എല്‍ സേവനത്തിനായി പ്രതിജ്ഞാബദ്ധമാണെന്ന് സിഎംഡി പ്രവീണ്‍ കുമാര്‍ പൂര്‍വാര്‍ പറഞ്ഞു. കൂടാതെ, ഉപഭോക്താക്കള്‍, തങ്ങളുടെ മൊബൈല്‍ അക്കൗണ്ടുകള്‍ റീചാര്‍ജ് ചെയ്യുന്നതിന് MyBSNL മൊബൈല്‍ അപ്ലിക്കേഷന്‍, BSNL വെബ്സൈറ്റ്, മറ്റ് ജനപ്രിയ വാലറ്റ് സേവനങ്ങള്‍ തുടങ്ങി നിരവധി ഓപ്ഷനുകള്‍ വരിക്കാര്‍ക്ക് ഉപയോഗപ്രദമാകും. MyBSNL ആപ്ലിക്കേഷന്‍ ഉപയോഗിച്ച് പ്രീപെയ്ഡ് മൊബൈല്‍ റീചാര്‍ജ് ചെയ്യുന്നതിനായി വരി ക്കാര്‍ക്ക് 4% മുന്‍കൂര്‍ കിഴിവ് ലഭിക്കും.