കാനറ ബാങ്കിൽ കാശിട്ടിട്ടുള്ളവ‍‍ർക്ക് നേട്ടം, എഫ്ഡികളുടെ പലിശ നിരക്ക് ഉയർത്തി

റീട്ടെയിൽ ടേം ഡെപ്പോസിറ്റുകളുടെ പലിശ നിരക്ക് 2 വർഷം മുതൽ 10 വർഷം വരെ ഉയർത്തിയതായി കാനറ ബാങ്ക് അറിയിച്ചു. പുതുക്കിയ പലിശനിരക്ക് 2020 നവംബർ 27 മുതൽ പ്രാബല്യത്തിൽ വന്നതായും ബാങ്ക് വ്യക്തമാക്ക. രണ്ട് കോടിയിൽ താഴെയുള്ള നിക്ഷേപങ്ങൾക്കാണ് പുതിയ നിരക്ക് ബാധകമാകുക.

നിരക്ക് വർധനവിന് ശേഷം, 2 വർഷത്തെ കാലാവധിയുള്ളതും എന്നാൽ 3 വർഷത്തിൽ കുറയാത്തതുമായ സ്ഥിരനിക്ഷേപങ്ങൾക്ക് പൊതുജനങ്ങൾക്ക് 5.40 ശതമാനവും മുതിർന്ന പൗരന്മാർക്ക് 5.90 ശതമാനവും പലിശ ലഭിക്കുമെന്ന് ബാങ്ക് പുറത്തിറക്കിയ പത്രക്കുറിപ്പിൽ പറയുന്നു. വാർഷിക പലിശ നിരക്ക് 5.51 ശതമാനമായിരിക്കും മുതിർന്ന പൗരന്മാർക്ക് 6.03% പലിശ ലഭിക്കും.

കാനറ ബാങ്കിൽ കാശിട്ടുള്ളവ‍‍ർക്ക് നേട്ടം, എഫ്ഡികളുടെ പലിശ നിരക്ക് ഉയർത്തി

3 വർഷമോ അതിൽ കൂടുതലോ അല്ലെങ്കിൽ 10 വർഷം വരെ കാലാവധിയുള്ള സ്ഥിര നിക്ഷേപങ്ങൾക്ക് നൽകുന്ന പലിശ നിരക്ക് 5.50 ശതമാനമായും മുതിർന്ന പൗരന്മാർക്ക് 6 ശതമാനമായും പരിഷ്കരിച്ചു. ഈ നിരക്ക് വർദ്ധനവോടെ പൊതുമേഖലാ ബാങ്കുകളിൽ ഏറ്റവും കൂടുതൽ പലിശ വാ​ഗ്ദാനം ചെയ്യുന്ന ബാങ്കായി കാനറാ ബാങ്ക് മാറി.

റിസർവ് ബാങ്കിന്റെ വായ്പാനയ പ്രഖ്യാപനം ഇന്ന് നടക്കാനിരിക്കെ ഇന്നലെയാണ് കാനറ ബാങ്കിന്റെ പുതിയ പലിശ നിരക്ക് പ്രഖ്യാപനം.