ലോക്ക്ഡൗൺ കാലത്ത് എല്ലാം ഓൺലൈനിലൂടെ; ഇന്ത്യയിൽ കുതിച്ചുയർന്ന് ഇ കൊമേഴ്സ്

ദില്ലി; രാജ്യത്ത് 2020 ന്റെ അവസാന പാദത്തിൽ ഇ കൊമേഴ്സ് വ്യാപാരം കുതിച്ച് ഉർന്നതായി റിപ്പോർട്ട്. 36 ശതമാനം വർധനവാണ് വ്യാപാരത്തിൽ ഉണ്ടായിരിക്കുന്നത്. വാര്‍ഷിക വളര്‍ച്ച 30 ശതമാനമാണ്. അതേസമയം കഴിഞ്ഞ വർഷത്തെ അപേക്ഷിച്ച് 2020 ലെ ശരാശരി ഓർഡറുകൾ 5 ശതമാനം കുറഞ്ഞുവെന്നാണ് ഇ-കൊമേഴ്സ് കേന്ദ്രീകരിച്ചുള്ള സപ്ലൈ ചെയിന്‍ സാസ് (സോഫ്റ്റ്വെയര്‍ ആസ്എ സര്‍വീസ്) ടെക്നോളജി പ്ലാറ്റ്ഫോമായ യൂണികോമേഴ്സും ആഗോള മാനേജ്മെന്‍റ് കണ്‍സള്‍ട്ടിംഗ് സ്ഥാപനം കെര്‍നിയും ചേര്‍ന്ന് തയാറാക്കിയ റിപ്പോര്‍ട്ടില്‍ പറയുന്നത്.

പേഴ്‌സണൽ കെയർ, ബ്യൂട്ടി ആൻഡ് വെൽനസ് (പിസിബി, ഡബ്ല്യു), എഫ്എംസിജി, വിഭാഗമാണ് ഏറ്റവും വലിയ ഗുണഭോക്താക്കളെന്ന് റിപ്പോർട്ടിൽ പറയുന്നു.കഴിഞ്ഞ വർഷത്തെ ഇതേ കാലയളവിനെ അപേക്ഷിച്ച് നാലാം പാദത്തിൽ 94 ശതമാനം വളർച്ച നേടി.ഇലക്ട്രോണിക്സ് ഉത്പന്നങ്ങളുടെ വിൽപനയിൽ 12 ശതമാനം വളർച്ചയാണ് ഉണ്ടായത്. ഫാഷൻ ഉത്പന്നങ്ങളുടെ വിൽപനയാണ് ഏറ്റവും കൂടുതൽ ഉണഅടായത്. 37 ശതാനമാണ് വളർച്ച. അതേസമയം കഴിഞ്ഞ വർഷത്തെ അപേക്ഷിച്ച് ശരാശരി വളർച്ച 7 ശതമാനം കുറഞ്ഞു.

ലോക്ക് ഡൗണിന്റെ പശ്ചാത്തലത്തിലാണ് ഉപഭോക്താക്കൾ കൂടുതലായി ഓൺലൈൻ വിപണിയെ ആശ്രയിച്ച് തുടങ്ങിയത്. ടയർ 2, ടയർ 3 നഗരങ്ങൾ ഓൺലൈൻ വിൽപ്പനയിൽ 90 ശതമാനം വർദ്ധനയുണ്ടായിട്ടുണ്ടെന്ന് റിപ്പോർട്ടിൽ പറയുന്നു.റീട്ടെയ്ൽ വ്യവസായത്തിന്റെ കരുത്തായി ഇ കൊമേഴ്സ് വ്യവസായം ഉയർന്നുവരികയാണെന്നും ചെറുകിട -വൻകിട മേഖലയിലെ വമ്പൻമാർ ഇ കൊമേഴ്സിന്റെ സാധ്യകൾ തിരച്ചറിഞ്ഞിട്ടുണ്ടെന്നും യൂനി കൊമേഴ്സ് സിഇഒ കപിൽ മഖിജ പ്രതികരിച്ചു.