ഈ രാജ്യങ്ങൾ അവരുടെ പൗരന്മാരിൽ നിന്നും ഈടാക്കുന്ന ആദായ നികുതി പൂജ്യം

നികുതി ഈടാക്കാത്ത രാജ്യങ്ങൾ ഇവയാണ്;

ഖത്തർ, ബഹാമസ്, യുണൈറ്റഡ് അറബ് എമിറേറ്റ്സ്, സൗദി അറേബ്യ എന്നീ രാജ്യങ്ങൾ അവരുടെ പൗരന്മാരുടെ വരുമാനത്തിന് യാതൊരു നികുതിയും ചുമത്തുന്നില്ല.

ഏറ്റവും ഉയർന്ന നികുതിയായി 35 ശതമാനവും അതിൽ താഴെയുമായി നികുതി ഈടാക്കുന്ന രാജ്യങ്ങൾ ഇവയാണ്;

മെക്സിക്കോ, മാൾട്ട: മെക്സിക്കോ അവരുടെ പൗരന്മാരിൽ നിന്ന് പരമാവധി 35 ശതമാനമാണ് ആദായനികുതി ഈടാക്കുന്നത്. ഇതേ നിരക്ക് തന്നെയാണ് മാൾട്ടയും അവരുടെ പൗരന്മാരിൽ നിന്ന് ഈടാക്കുന്നത്.

കാനഡ, ന്യൂസിലൻഡ്, പോളണ്ട്: കാനഡയിലെയും ന്യൂസിലാന്റിലെയും പോളണ്ടിളെയും ആളുകൾ പരമാവധി 33 ശതമാനമാണ് നികുതി ഇനത്തിൽ അവരുടെ രാജ്യത്തിന് നൽകുന്നത്.

ജോർദാൻ, ട്രിനിഡാഡ് ആൻഡ് ടൊബാഗോ, മലേഷ്യ, ബ്രസീൽ: ജോർദാനിലെ ഏറ്റവും ഉയർന്ന നികുതി സ്ലാബ് 30 ശതമാനമാണ്. ട്രിനിഡാഡ് ആൻഡ് ടൊബാഗോയിലെ പൗരന്മാരിൽ നിന്ന് രാജ്യം ഈടാക്കുന്നതും 30 ശതമാനം നികുതി തന്നെ. മലേഷ്യയിലെ ഏറ്റവും ഉയർന്ന ആദായനികുതി നിരക്ക് 28 ശതമാനവും ബ്രസീലിൽ പരമാവധി 27.5 ശതമാനവുമാണ്.

ഡൊമിനിക്കൻ റിപ്പബ്ലിക്ക്, ശ്രീലങ്ക: ഡൊമിനിക്കൻ റിപ്പബ്ലിക്കിൽ പരമാവധി 25 ശതമാനമാണ് ആദായനികുതിയായി ഈടാക്കുന്നത്. ശ്രീലങ്കയിൽ വരുമാനത്തിന് പരമാവധി 24 ശതമാനം നികുതി നൽകിയാൽ മതി.

ഈജിപ്ത്, സിംഗപ്പൂർ: ഈജിപ്തിൽ പരമാവധി 22.5 ശതമാനം നികുതി സമ്പ്രദായമുണ്ട്, സിംഗപ്പൂരിൽ പരമാവധി 22 ശതമാനമാണ് നികുതി.

ഹോങ്കോംഗ്, കോസ്റ്റാറിക്ക, ഹംഗറി: ഹോങ്കോങ്ങിലെ നികുതി നിരക്ക് 17 ശതമാനമാണ്, കോസ്റ്റാറിക്കയിൽ 15 ശതമാനവും. ഹംഗറിയിലാണെങ്കിൽ പൗരന്മാർ അവരുടെ വരുമാനത്തിന് പരമാവധി 15 ശതമാനം നികുതി നൽകിയാൽ മതി.

റഷ്യ, ബൊളീവിയ, മക്കാവു: ഏറ്റവും കുറഞ്ഞ ആദായനികുതി നിരക്ക് ഈടാക്കുന്ന ചുരുക്കം ചില രാജ്യങ്ങളിലാണ് റഷ്യ ഉൾപ്പെടുന്നത്. റഷ്യ പൗരന്മാരിൽ നിന്ന് 13 ശതമാനമാണ് നികുതി ഇനത്തിൽ ഈടാക്കുന്നത്. ബൊളീവിയ 13 ശതമാനവും മക്കാവു 12 ശതമാനവുമാണ് നികുതി ഇനത്തിൽ ഈടാക്കുന്നത്.