ഗ്രാറ്റുവിറ്റി ലഭിക്കാൻ ഇനി അഞ്ച് വർഷത്തെ സേവനം വേണ്ട, തീരുമാനം ഉടൻ

തുടർച്ചയായ അഞ്ച് വർഷം സേവന കാലാവധി പൂർത്തിയാകുന്നതിന് മുമ്പ് തന്നെ ജീവനക്കാർക്ക് ഗ്രാറ്റുവിറ്റി നേടാൻ ഉടൻ അർഹത ലഭിക്കും. ലോക്സഭയിൽ അവതരിപ്പിച്ച സോഷ്യൽ സെക്യൂരിറ്റി ബിൽ 2019 പ്രകാരം തൊഴിലാളികൾ അഞ്ച് വർഷത്തെ സേവനം പൂർത്തിയാക്കിയാൽ ജോലി ഉപേക്ഷിക്കുന്ന സമയത്ത് ഗ്രാറ്റുവിറ്റി ലഭിക്കും. എന്നാൽ, ഒരു നിശ്ചിതകാല കരാർ തൊഴിലാളികൾ അഞ്ച് വർഷം പൂർത്തിയാക്കുന്നതിന് മുമ്പ് തന്നെ ഗ്രാറ്റുവിറ്റിക്ക് അർഹരാണെന്നും ബില്ലിൽ നിർദ്ദേശിക്കുന്നു. അത്തരം തൊഴിലാളികൾക്ക് 'പ്രോ-റേറ്റ' അടിസ്ഥാനത്തിൽ ഗ്രാറ്റുവിറ്റി ആനുകൂല്യങ്ങൾ നൽകും.

സാമൂഹ്യ സുരക്ഷാ ബിൽ

അസംഘടിത മേഖലയിലെ തൊഴിലാളികളെ സംരക്ഷിക്കുന്നതിനുള്ള പദ്ധതികളാണ് സർക്കാർ സാമൂഹ്യ സുരക്ഷാ ബില്ലിൽ ഉൾപ്പെടുത്തിയിരിക്കുന്നത്. പുതിയ ബില്ലിനൊപ്പം വേതന കോഡ്, തൊഴിൽ സുരക്ഷ, ആരോഗ്യം, ജോലി സാഹചര്യ കോഡ്, സാമൂഹിക സുരക്ഷ കോഡ്, വ്യാവസായിക ബന്ധ കോഡ് എന്നീ നാല് ലേബർ കോഡുകളും മന്ത്രിസഭ അംഗീകരിച്ച് പാർലമെന്റിൽ അവതരിപ്പിച്ചു. പ്രാബല്യത്തിൽ വന്നാൽ 44 പഴയ തൊഴിൽ നിയമങ്ങൾ ഉൾക്കൊള്ളുന്നതാണ് ഈ നാല് കോഡുകൾ.

വ്യവസ്ഥകൾ

പാർലമെന്റിന്റെ ഇരുസഭകളും പാസാക്കി രാഷ്ട്രപതിയുടെ അനുമതി ലഭിച്ചതിനുശേഷം മാത്രമേ സാമൂഹിക സുരക്ഷ കോഡ് പ്രാബല്യത്തിൽ വരികയുള്ളൂ. അഞ്ചുവർഷത്തെ തുടർച്ചയായ സേവനം പൂർത്തിയാക്കിയ ശേഷം ഒരു ജീവനക്കാരന് ഗ്രാറ്റുവിറ്റി നൽകേണ്ട പ്രധാന വ്യവസ്ഥകൾ താഴെ പറയുന്നവയാണ്.

• വിരമിക്കൽ അല്ലെങ്കിൽ രാജി
• അപകടമോ രോഗങ്ങളോ മൂലമുള്ള മരണം അല്ലെങ്കിൽ വൈകല്യം
• നിശ്ചിതകാല തൊഴിൽ പ്രകാരം കരാർ കാലാവധി അവസാനിപ്പിക്കൽ

ജീവനക്കാരന്റെ മരണത്തിന് ശേഷം

ജീവനക്കാരന്റെ മരണത്തിന് ശേഷം നോമിനിയ്ക്ക് ഗ്രാറ്റുവിറ്റി തുക നൽകും. ജീവനക്കാരൻ നാമനിർദ്ദേശം ചെയ്തിട്ടില്ലെങ്കിൽ, തുക അവകാശികൾക്ക് കൈമാറും. തൊഴിലുടമ ഒരു പ്രോ-റാറ്റ അടിസ്ഥാനത്തിലാണ് ജീവനക്കാർക്ക് ഗ്രാറ്റുവിറ്റി നൽകുന്നത്. ഈ നിയമങ്ങൾ‌ കേന്ദ്രസർക്കാരിലെയോ സംസ്ഥാന സർക്കാരിലെയോ ജീവനക്കാർ‌ക്ക് ബാധകമല്ല.

ഗ്രാറ്റുവിറ്റി കണക്കാക്കുന്നത് എങ്ങനെ?

കോഡ് അനുസരിച്ച്, പൂർത്തിയാക്കിയ ഓരോ സേവനത്തിനും 15 ദിവസത്തെ വേതനം എന്ന നിരക്കിലാണ് ഗ്രാറ്റുവിറ്റി നൽകുന്നത്. ബിൽ ഒരു നിയമമായി മാറുകയാണെങ്കിൽ, തൊഴിൽ അവസാനിപ്പിക്കുന്നതിന് തൊട്ടുമുമ്പുള്ള മൂന്ന് മാസത്തേക്ക് ജീവനക്കാരന് ലഭിച്ച മൊത്തം വേതനത്തിന്റെ ശരാശരിയിൽ പ്രതിദിന വേതനം കണക്കാക്കും. ഓവർടൈം ജോലികൾക്ക് നൽകുന്ന വേതനം കണക്കാക്കില്ല. ഒരു സീസണൽ സ്ഥാപനത്തിനായി ജീവനക്കാരൻ ജോലിചെയ്യുകയും വർഷം മുഴുവൻ ജോലി ചെയ്യാതിരിക്കുകയും ചെയ്യുന്ന സാഹചര്യത്തിൽ, ഓരോ സീസണിലും ഏഴ് ദിവസത്തെ വേതനം എന്ന നിരക്കിൽ ജീവനക്കാരൻ ഗ്രാറ്റുവിറ്റി നൽകും.