സാമ്പത്തിക പ്രതിസന്ധിയെ തുടർന്ന് 1,100 ജീവനക്കാരെ പിരിച്ചുവിടാൻ തീരുമാനിച്ചതിന് തൊട്ടുപിന്നാലെ ഓൺലൈനായി മദ്യ വിൽപ്പന ആരംഭിച്ചിരിക്കുകയാണ് ഓൺലൈൻ ഭക്ഷണ വിതരണ കമ്പനിയായ സ്വിഗി. ജാർഖണ്ഡ് സർക്കാരിൽ നിന്ന് ആവശ്യമായ അംഗീകാരങ്ങൾ നേടിയതിന് ശേഷം റാഞ്ചിയിൽ ഈ സേവനം ആരംഭിച്ചുവെന്ന് സ്വിഗ്ഗി പ്രസ്താവനയിൽ പറയുന്നു. സംസ്ഥാനത്തെ മറ്റ് പ്രധാന നഗരങ്ങളിൽ ഒരാഴ്ചയ്ക്കുള്ളിൽ സേവനം ആരംഭിക്കും.
2019ൽ ഇന്ത്യക്കാർ ഓൺലൈനിൽ ഏറ്റവും കൂടുതൽ ഓർഡർ ചെയ്ത ഭക്ഷണം ഏത്?
മറ്റ് സംസ്ഥാനങ്ങളിലേയ്ക്ക്
മറ്റ് സംസ്ഥാനങ്ങളിലേയ്ക്കും സേവനം വ്യാപിപ്പിക്കുന്നതിന് സ്വിഗി മദ്യത്തിന്റെ ഹോം ഡെലിവറിക്ക് പിന്തുണ നൽകുന്നതിനായി ഒന്നിലധികം സംസ്ഥാന സർക്കാരുകളുമായി ചർച്ച നടത്തി വരികയാണ്. സുരക്ഷിതമായി മദ്യം വിതരണം ചെയ്യുന്നതിനും ബാധകമായ നിയമങ്ങൾ പാലിക്കുന്നുണ്ടെന്ന് ഉറപ്പാക്കുന്നതിനും ഡെലിവറികൾ പൂർത്തിയാക്കുന്നതിന് നിർബന്ധിത പ്രായ പരിശോധന, ഉപയോക്തൃ പ്രാമാണീകരണം എന്നിവ പോലുള്ള നടപടികൾ സ്വിഗ്ഗി അവതരിപ്പിച്ചിട്ടുണ്ട്.
നടപടിക്രമങ്ങൾ
ഉപയോക്താക്കൾക്ക് അവരുടെ സാധുവായ സർക്കാർ ഐഡിയുടെ ചിത്രം അപ്ലോഡുചെയ്യുന്നതിലൂടെ അവരുടെ തൽക്ഷണ പ്രായ പരിശോധന പൂർത്തിയാക്കാൻ കഴിയും. തുടർന്ന് ഒരു എഐ-പവർഡ് സിസ്റ്റം ഉപയോഗിച്ചുള്ള പ്രാമാണീകരണത്തിനായി ഒരു സെൽഫിയും നൽകണം. എല്ലാ ഓർഡറുകളിലും ഡെലിവറി സമയത്ത് ഉപഭോക്താവ് നൽകേണ്ട ഒരു ഒടിപി നമ്പറും ഉണ്ടാകും. സംസ്ഥാന നിയമപ്രകാരം ഒരു ഉപഭോക്താവ് നിർദ്ദിഷ്ട പരിധിക്ക് മുകളിൽ മദ്യം ഓർഡർ ചെയ്യുന്നില്ലെന്ന് ഉറപ്പാക്കുന്നതിന് ചില പരിധികളും നിശ്ചയിച്ചിട്ടുണ്ട്.
ആപ്പിലെ മാറ്റം
ഈ സേവനം ലഭിക്കുന്നതിന്, റാഞ്ചിയിലെ ഉപഭോക്താക്കൾക്ക് അവരുടെ സ്വിഗ്ഗി ആപ്ലിക്കേഷൻ അപ്ഡേറ്റ് ചെയ്യുന്നതിലൂടെ ‘വൈൻ ഷോപ്പുകൾ' എന്ന വിഭാഗത്തിലേക്ക് പ്രവേശിക്കാൻ കഴിയും. സുരക്ഷിതവും ഉത്തരവാദിത്തപൂർണ്ണവുമായ രീതിയിൽ ഹോം ഡെലിവറി പ്രാപ്തമാക്കുന്നതിലൂടെ, ചില്ലറ വിൽപ്പന ശാലകളിലെ തിരക്ക് പരിഹരിക്കാനും അതുവഴി സാമൂഹിക അകലം പാലിക്കാനും കഴിയുമെന്ന് സ്വിഗി
പ്രൊഡക്ട്സ് വിപി അനുജ് രതി പറഞ്ഞു.
ഡെലിവറി
ഓർഡറുകൾ സുഗമമായി നടപ്പിലാക്കുന്നതിനും പൂർത്തിയാക്കുന്നതിനും ഡെലിവറി പങ്കാളികൾക്കും ചില്ലറ വ്യാപാരികൾക്കും പരിശീലനം നൽകിയിട്ടുണ്ട്. ലോകാരോഗ്യസംഘടനയുടെ മികച്ച ശുചിത്വ നടപടികളെക്കുറിച്ച് സ്വിഗ്ഗി ഡെലിവറി പങ്കാളികളെ നിരന്തരം ബോധവത്കരിക്കുകയും അവർക്ക് മാസ്കുകളും സാനിറ്റൈസറുകളും നൽകുകയും ചെയ്യുന്നുണ്ട്.
ഹോട്ടൽ ഭക്ഷണം മടുത്തോ? വീട്ടിലുണ്ടാക്കുന്ന ഭക്ഷണവും ഇനി ഓൺലൈനിൽ ഓർഡർ ചെയ്യാം