പൂജാ ബമ്പർ ഫലം LIVE: 12 കോടിയുടെ ഭാഗ്യശാലിയെ അറിഞ്ഞോ? പൂജാ ബമ്പർ നറുക്കെടുപ്പ് ഫലം എത്തി

കാത്തിരിപ്പ് അവസാനിച്ചു. ഈ വർഷത്തെ പൂജാ ബമ്പർ BR-106 ലോട്ടറിയുടെ നറുക്കെടുപ്പ് ഫലം പ്രഖ്യാപിച്ചു. തിരുവനന്തപുരത്തുള്ള ​ഗോർക്കി ഭവനിൽ വെച്ചാണ് നറുക്കെടുപ്പ് നറുക്കെടുപ്പ് നടന്നത്. 12 കോടിയെന്ന ബമ്പർ നേട്ടം നേടിയത് JD 545542 എന്ന ഈ നമ്പറിനാണ്. പാലക്കാട് ജില്ലയിലെ ഏജൻ്റിൽ നിന്നും വിറ്റു പോയ ടിക്കറ്റിനാണ് ഇത്തവണ ഭാഗ്യം കനിഞ്ഞത്.

ഒക്ടോബർ 4ന് ഓണം ബമ്പറിൻ്റെ നറുക്കെടുപ്പ് നടക്കുന്ന ദിവസമായിരുന്നു പൂജാ ബമ്പർ ലോട്ടറികൾ വിപണിയിൽ എത്തിയത്. ഇത്തവണ ജിഎസ്ടി പ്രശ്നങ്ങൾ ഉയർന്നതും, മറ്റു അനുബന്ധ പ്രശ്നങ്ങളുമെല്ലാം ലോട്ടറി വിപണിക്ക് കനത്ത ആഘാതം സൃഷ്ടിച്ചു. അത് പൂജാ ബമ്പർ ലോട്ടറിയുടെ വിൽപ്പനയെയും ബാധിച്ചിട്ടുണ്ട്. 

സമ്മാനഘടന

പൂജാ ബമ്പര്‍ BR106 ഭാഗ്യക്കുറിയുടെ ഒന്നാം സമ്മാനം 12 കോടി രൂപയാണ്. രണ്ടാം സമ്മാനം 1 കോടി രൂപയും, മൂന്നാം സമ്മാനം 5 ലക്ഷം രൂപയും, നാലാം സമ്മാനം 3 ലക്ഷം രൂപയും, അഞ്ചാം സമ്മാനം 2 ലക്ഷം രൂപയും വാ​ഗ്ദാനം ചെയ്യുന്നു. ആറാം സമ്മാനം മുതൽ 5000, 1000, 500, 300 രൂപ വീതം ലഭിക്കും.