എയർ ഇന്ത്യയെ രക്ഷിക്കാൻ അവസാനം ടാറ്റ എത്തുമോ? ഇന്ന് അവസാന ദിനം

താത്പര്യ പ്രകടനം

സിംഗപ്പൂർ എയർലൈൻസായ വിസ്താരയുമായുള്ള സംയുക്ത സംരംഭത്തിലൂടെ എയർ ഇന്ത്യയോടുള്ള താൽപര്യം നേരത്തെ ടാറ്റ പ്രകടിപ്പിച്ചിരുന്നു. എന്നാൽ ഇന്ത്യയുടെ പ്രതിസന്ധിയിലായ എയർലൈനിന്റെ സ്വകാര്യവൽക്കരണ പദ്ധതിയിൽ പങ്കുചേരാൻ സിംഗപ്പൂർ എയർലൈൻസിന് താൽപ്പര്യമില്ലെന്ന് പിന്നീട് റിപ്പോർട്ടുകൾ പുറത്തു വന്നിരുന്നു.

അവസാന ഘട്ടം

എയർ ഏഷ്യ ഇന്ത്യയുടെ ഭാവി തീരുമാനിക്കാൻ എയർ ഏഷ്യ, ടാറ്റ ഗ്രൂപ്പുമായി ചർച്ച നടത്തുന്നുണ്ടെന്നും എയർ ഏഷ്യയിലെ ടോണി ഫെർണാണ്ടസിന്റെ ഓഹരി വാങ്ങാൻ ടാറ്റ ഗ്രൂപ്പിന് താൽപ്പര്യമുണ്ടെന്നും കഴിഞ്ഞ ആഴ്ച റിപ്പോർട്ടുകൾ ഉണ്ടായിരുന്നു. എയർ ഇന്ത്യയുടെ സ്വകാര്യവൽക്കരണ പദ്ധതി അതിന്റെ അവസാന ഘട്ടത്തിലേയ്ക്ക് പ്രവേശിക്കുകയാണ്.

ഇന്ന് അവസാനിക്കും

എയർ ഇന്ത്യ വാങ്ങാനുള്ള താത്പര്യപത്രം സമർപ്പിക്കുന്നതിനുള്ള സമയപരിധി ഇന്ന് (ഡിസംബർ 14) അവസാനിക്കും. ഇതിന് മുമ്പ് അഞ്ച് തവണ തീയതി നീട്ടിയിരുന്നുയ താത്പര്യ പത്രം സമർപ്പിച്ച ശേഷം, ലേലക്കാർ 15 ദിവസത്തിനുള്ളിൽ അപേക്ഷ സമർപ്പിക്കേണ്ടതുണ്ട്. അതായത് ഡിസംബർ 29നകം.

ലേലക്കാർ

എയർ ഇന്ത്യയ്‌ക്കായുള്ള ലേലം വിളിക്കുന്നവരുടെ അറിയിപ്പ് തീയതി ഡിസംബർ 29 മുതൽ ജനുവരി 5 വരെ സർക്കാർ നീട്ടി. ഷോർട്ട്‌ലിസ്റ്റ് ചെയ്ത ലേലക്കാരെ പ്രഖ്യാപിക്കുന്നതിനുള്ള തീയതിയാണിത്. നേരിട്ടുള്ള ലേല അപേക്ഷ ഡിസംബർ 29 നകം നൽകണം. അദാനി ഗ്രൂപ്പും ഹിന്ദുജ ഗ്രൂപ്പുമാണ് എയർ ഇന്ത്യ ലേലത്തിൽ പങ്കെടുക്കുന്ന മറ്റ് രണ്ട് സ്ഥാപനങ്ങൾ.

ഹിന്ദുജ ഗ്രൂപ്പും ലുഫ്താൻസയും

ഈ സ്ഥാപനങ്ങളൊന്നും തന്നെ ഇതുവരെ ഔദ്യോഗിക പ്രഖ്യാപനം നടത്തിയിട്ടില്ല. എയർ ഇന്ത്യയുടെ സ്വകാര്യവൽക്കരണത്തിൽ ലേലം വിളിക്കാൻ ഹിന്ദുജ ഗ്രൂപ്പും ലുഫ്താൻസയുമായി സഖ്യത്തിലേർപ്പെട്ടിട്ടുണ്ടെന്നാണ് പുറത്തു വന്നിരിക്കുന്ന മറ്റൊരു വിവരം.