കാർഡ് ഉരയ്ക്കുമ്പോൾ ശ്രദ്ധിക്കുക!! കൂടുതൽ ലാഭമുണ്ടാക്കാൻ ചെയ്യേണ്ടത് എന്ത്?

റിവാർഡ് പോയിന്റ്

റിവാർഡ് പോയിന്റുകളാണ് ക്രെഡിറ്റ് കാർ‍ഡിന്റെ ഏറ്റവും വലിയ ആകർഷണം. നിങ്ങൾ ചെലവഴിക്കുന്ന ഓരോ പണത്തിനും റിവാർഡ് പോയിൻറുകൾ ലഭിക്കും. കൂടുതൽ പണം ചെലവഴിച്ചാൽ കൂടുതൽ റിവാർഡ് പോയിന്റ് ലഭിക്കും.

ക്യാഷ്ബാക്ക് ഓഫറുകൾ

റിവാർഡ് പോയിന്റുകൾക്ക് പുറമെ ക്രെ‍ഡിറ്റ് കാർഡ് ഇടപാട് നടത്തുന്നത് വഴി ലഭിക്കുന്ന മറ്റൊരു നേട്ടം ക്യാഷ്ബാക്ക് ഓഫറുകളാണ്. മിക്ക ബാങ്കുകൾക്കും ഓൺലൈൻ പോർട്ടലുകളുമായി ബന്ധമുണ്ടാകും. ഇതുവഴി ക്രെ‍ഡിറ്റ് കാർഡ് ഉപയോ​ഗിച്ച് ഓൺലൈൻ ഇടപാടും മറ്റും നടത്തുമ്പോൾ ക്യാഷ്ബാക്ക് ഓഫർ, മറ്റ് ഡിസ്കൗണ്ടുകൾ തുടങ്ങിയ ഇളവുകൾ ലഭിക്കും.

ക്രെഡിറ്റ് കാർഡ് തിരഞ്ഞെടുക്കൽ

ക്രെഡിറ്റ് കാർഡ് ഉപയോഗിക്കുമ്പോൾ പരമാവധി നേട്ടമുണ്ടാകണമെങ്കിൽ അവ തിരഞ്ഞെടുക്കുമ്പോൾ തന്നെ ചില കാര്യങ്ങൾ ശ്രദ്ധിക്കണം. ഇന്ധനം വാങ്ങുമ്പോഴും വിമാന ടിക്കറ്റുകൾ ബുക്ക് ചെയ്യുമ്പോഴുമൊക്കെ ഇളവുകൾ നൽകുന്ന നിരവധി ക്രെഡിറ്റ് കാർഡുകളുണ്ട്. നിങ്ങളുടെ ആവശ്യങ്ങൾക്ക് അനുസരിച്ച് അനുയോജ്യമായ ക്രെഡിറ്റ് കാർഡ് തിര‍ഞ്ഞെടുത്താൽ കൂടുതൽ നേട്ടമുണ്ടാക്കാം.

ഓൺലൈൻ ഷോപ്പിം​ഗ്

ഓൺലൈൻ ഷോപ്പിം​ഗുകളും മറ്റും നടത്തുമ്പോൾ വിവിധ സൈറ്റുകൾ പരിശോധിച്ച് നിങ്ങളുടെ കൈവശമുള്ള ക്രെഡിറ്റ് കാർഡിന് ഇളവ് ലഭ്യമാകുന്ന സാധനങ്ങൾ നോക്കി വാങ്ങുക. എന്നാൽ അപരിചിതമായ വെബ്‌സൈറ്റുകളിലൂടെയുള്ള ഇടപാടുകള്‍ ഒഴിവാക്കുന്നതാണ് നല്ലത്.

ക്രെഡിറ്റ് പരിധി

ക്രെഡിറ്റ് കാര്‍ഡിലൂടെ കടം വാങ്ങാവുന്നതിന് ബാങ്ക് നിങ്ങള്‍ക്കൊരു പരിധി
നിശ്ചയിച്ചിട്ടുണ്ടാകും. നിങ്ങളുടെ വരുമാനവും തിരിച്ചടവു ശേഷിയും പരിഗണിച്ചാണ് ഇത് നിശ്ചയിക്കുന്നത്. അതുകൊണ്ട് തന്നെ വരുമാനത്തില്‍ കാര്യമായ വര്‍ദ്ദനവ് വരാതെ ഈ പരിധി ഉയര്‍ത്താതിരിക്കുന്നതാണ് നല്ലത്.