Just In
-
-
-
-
Don't Miss
-
ഈ രാശിക്കാരാണോ? സമ്പത്തില് ആറാടാം, ആഗ്രഹിച്ചതെന്തും നേടും; കുബേരനെ പോലെ ജീവിക്കാം -
കോടിക്കണക്കിന് രൂപയുടെ ആസ്തി... ആഡംബര കാറുകള് എന്നിട്ടും മക്കൾക്കൊപ്പം ഓട്ടോയിൽ സഞ്ചരിച്ച് നയൻതാര! -
IPL 2024: ഒരോവറില് 5 റണ്സ് മാത്രം, എന്നിട്ടും ബൗളര്ക്കു പിന്നെ ഓവറില്ല! റുതുരാജ് എന്തൊരു ദുരന്തം? -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള് -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
വായ്പ തിരിച്ചടവ് അപകടകരമാണെന്ന് ചിന്തിക്കുന്നവരുണ്ട്. ലോണിനെ ആശ്രയിക്കാതെ മിച്ചം പിടിച്ച് ജീവിക്കാനുള്ള ശ്രമത്തിലാകും ഇക്കൂട്ടർ വായ്പ തിരിച്ചടവ് കാലത്ത് സാമ്പത്തിക കാര്യങ്ങൾ പ്ലാൻ ചെയ്ത് നടപ്പാക്കിയാൽ വലിയ ഭാരമില്ലാതെ വായ്പ അടച്ചു തീര്‍ക്കാം. ഇതിനൊപ്പം ബുദ്ധിപരമായി നിങ്ങിയാൽ വായ്പയെടുത്ത് നികുതി ഇളവും നേടാം.
പല വായ്പകളിലും തിരിച്ചടവ് തുകയ്ക്ക് നികുതി ഇളവുകള്‍ ലഭിക്കുന്നുണ്ട്. ഭവന വായ്പയ്ക്കാണ് കൂടുതൽ ഇളവുകൾ. വിദ്യാഭ്യാസ വായ്പ, വ്യക്തിഗത വായ്പ എന്നിങ്ങനെ ഓരോ വായ്പയ്ക്കും വ്യത്യസ്ത ഇളവുകളാണ് ലഭിക്കുന്നത്. ഇവ ഏതൊക്കെയാണെന്ന് നോക്കാം.
ഭവന വായ്പ നികുതിയിളവ്
ജീവിതത്തില്‍ വീടെന്ന സ്വപ്നത്തിന് പിന്നാലെ പോകുമ്പോൾ ഭവന വായ്പയെ പലർക്കും ആശ്രയിക്കേണ്ടി വരാറുണ്ട്. ഭവന വായ്പകളില്‍ വായ്പ തുകയും തിരിച്ചടവ് കാലാവധിയും വലുതായിരിക്കാം. നികുതിയിളവ് നേടാൻ ഏറ്റവും സഹായകമായ വായ്പയാണിത്. ഭവന വായ്പയുടെ മുതല്‍ തിരിച്ചടവിന് സാമ്പത്തിക വര്‍ഷത്തില്‍ ആദായ നികുതി നിയമം സെക്ഷന്‍ 80സി പ്രകാരം 1.50 ലക്ഷം രൂപയുടെ ഇളവുണ്ട്.
സ്വന്തം വസ്തുവിന്റെ ഭവന വായ്പ പലിശ തിരിച്ചടവിന് മുകളില്‍ 2 ലക്ഷം രൂപ വരെ നികുതിയിളവ് നേടാം. പങ്കാളിയുമായി ചേര്‍ന്ന് എടുത്ത വായ്പ ആണെങ്കില്‍, വസ്തുവിന് രണ്ട് പേർക്കു തുല്യ അവകാശമുണ്ടെങ്കിൽ 2 ലക്ഷം രൂപ വീതം ക്ലെയിം ചെയ്യാം.
രണ്ടാമത് വീട് വാങ്ങിയാല്‍
ഒന്നിലധികം വസ്തുവിന്റെ ഉടമയാണെങ്കില്‍ ഒന്നിനെ മാത്രമെ സ്വന്തം ആവശ്യത്തിനുള്ള വസ്തുവായി പരിഗണിക്കുകയുള്ളൂ. രണ്ടാമത്തേത് വാടകയ്ക്ക് നല്‍കിയില്ലെങ്കിലും വാടക വസ്തുവായാണ് പരിഗണിക്കുക. ഈ വസ്തുവിനായ് എടുത്ത ഭവന വായ്പയ്ക്ക് പലിശ തിരിച്ചടവിന് മുകളില്‍ സെക്ഷന്‍ 24ബി പ്രകാരം 2 ലക്ഷം രൂപ നികുതിയിളവുണ്ട്. വാടക ലഭിക്കുന്നുണ്ടെങ്കില്‍ വരുമാനമായി കണക്കാക്കും.
ഭവന വായ്പകള്‍ക്ക് നികുതിയിളവ് ലഭിക്കുന്നത് പണി പൂര്‍ത്തിയായ ശേഷം മാത്രമാണ്. എന്നാല്‍ പണി നടന്നു കൊണ്ടിരിക്കെ അടയ്ക്കുന്ന ഇഎംഐയ്ക്കും നികുതിയിളവ് ലഭിക്കും. കൈവശം വച്ച വര്‍ഷം മുതല്‍ അഞ്ച് വര്‍ഷ കാലയളവില്‍ അഞ്ച് തുല്യ ഗഡുക്കളായി അടച്ച പലിശയില്‍ കിഴിവുകള്‍ ക്ലെയിം ചെയ്യാന്‍ സാധിക്കും. വായ്പയെടുത്ത ശേഷം 5 വര്‍ഷത്തിന് ശേഷം വില്പന നടത്തിയാല്‍ നികുതിയിളവ് തിരികെ നല്‍കേണ്ടി വരും.
വിദ്യാഭ്യാസ വായ്പ
ദേശസാല്‍കൃത ബാങ്കുകളില്‍ നിന്നോ നോട്ടിഫൈഡ് സാമ്പത്തിക സ്ഥാപനങ്ങളില്‍ നിന്നോ എടുക്കുന്ന വിദ്യാഭ്യാസ വായ്പകളില്‍ നികതിയിളവ് ലഭിക്കും. സെക്ഷന്‍ 80ഇ പ്രകാരമാണ് ഇളവ്. കുട്ടികള്‍ക്കായി രക്ഷിതാക്കള്‍ എടുക്കുന്ന വായ്പയില്‍ പലിശ തരിച്ചടവ് രക്ഷിതാക്കള്‍ക്കാണ് നികുതിയിളവ് ലഭിക്കുക. ഉന്നത വിദ്യാഭ്യാസത്തിനായുള്ള വായ്പകൾക്കാണ് ഇളവ്. മുതലിന്റെ തിരിച്ചടവിന് ഇളവില്ല.
വ്യക്തിഗത വായ്പ
വ്യക്തിഗത വായ്പകള്‍ പെട്ടന്നുള്ള അത്യാവശ്യങ്ങള്‍ക്ക് ലഭിക്കുന്നതാണ്. ഈടില്ലാത്ത വായ്പകളായതിനാല്‍ സാമ്പത്തിക സ്ഥിതി അനുകൂലമായലവർക്ക് എളുപ്പം ലഭിക്കും. ആവശ്യം അറിയിക്കാതെ ഏത് ആവശ്യത്തിനും ഉപയോഗിക്കാന്‍ സാധിക്കുന്നവയാണ് വ്യക്തിഗത വായ്പകള്‍. ഉപയോഗത്തിന് അനുസരിച്ച് വ്യക്തിഗത വായ്പയ്ക്കും നികുതിയിളവുണ്ട്.
വ്യക്തിഗത വായ്പയുടെ പലിശയ്ക്ക് മുകളിലോ മുതലിന്റെ തിരിച്ചടിവിന് മുകളിലോ നികുതിയിളവ് ലഭിക്കില്ല. വീടിന്റെ പുനരുദ്ധാരണത്തിനോ ഭവന വായ്പയുടെ ഡൗണ്‍പേയ്‌മെന്റിനോ എടുത്ത വായ്പകളുടെ പലിശ തിരിച്ചടവിന് 2 ലക്ഷം രൂപ വരെ ഇളവ് ലഭിക്കും.
