സ്ഥിര നിക്ഷേപങ്ങൾക്ക് ഉയർന്ന പലിശ നൽകുന്ന 5 ബാങ്കുകളെ പരിചയപ്പെടാം

സ്ഥിര നിക്ഷേപങ്ങൾ അല്ലെങ്കിൽ എഫ്ഡികൾ ഒരു ജനപ്രിയ നിക്ഷേപ മാർഗമാണ്. നിരവധി ബാങ്കുകൾ സ്ഥിര നിക്ഷേപങ്ങൾക്ക് ഉയർന്ന പലിശ നിരക്ക് വാഗ്‌ദാനം ചെയ്യുന്നുണ്ട്. ബാങ്ക് എഫ്ഡി നിക്ഷേപിക്കാൻ ആഗ്രഹിക്കുന്നവർക്ക് അനുയോജ്യമായ സമയമാണിത്. ഇപ്പോൾ നിക്ഷേപിച്ചാൽ ഉയർന്ന പലിശ നിരക്കോടെ നല്ലൊരു തുക കയ്യിൽ കിട്ടുമെന്ന് സാമ്പത്തിക വിദഗ്ധർ പറയുന്നു.

വിദ്യാഭ്യാസ ലോണിൽ ആശങ്ക വേണ്ട; ഇക്കാര്യങ്ങൾ നിർബന്ധമായും അറിഞ്ഞിരിക്കാം

ഈ അവസരത്തിൽ സ്ഥിര നിക്ഷേപങ്ങൾക്ക് ഉയർന്ന പലിശ നൽകുന്ന ബാങ്ക് ഏതാണെന്ന് കൂടി അറിഞ്ഞിരിക്കണം. 1 വർഷം, 2 വർഷം, 3 വർഷം, 5 വർഷം കാലാവധിക്കുള്ള ഏറ്റവും മികച്ച 5 ബാങ്ക് എഫ്ഡികൾ ഏതെന്ന് നോക്കാം. 10,000 രൂപ സ്ഥിര നിക്ഷേപത്തിലൂടെ എത്ര തുക നേടാമെന്നും അറിയാം.

1 വർഷ കാലയളവിലുള്ള സ്ഥിര നിക്ഷേപങ്ങൾക്ക് മികച്ച പലിശ നൽകുന്ന 5 ബാങ്കുകൾ

ഒരു വർഷ കാലയളവിലുള്ള സ്ഥിര നിക്ഷേപങ്ങൾക്ക് മികച്ച പലിശ വാഗ്‌ദാനം ചെയ്യുന്നത് ബന്ധൻ ബാങ്ക് ആണ്. ഒരു വർഷത്തേക്ക് 7.85 ശതമാനം പലിശയാണ് ബാങ്ക് നൽകുന്നത്. 10,000 രൂപ നിക്ഷേപിച്ചാൽ ഒരു വർഷം കഴിയുമ്പോൾ 10,808 രൂപ കയ്യിൽ കിട്ടും. ഇൻഡസ്ഇൻഡ് ബാങ്ക് (7.75%), ആർബിഎൽ ബാങ്ക് (7.5%), യെസ് ബാങ്ക് (7.25%), ഡിസിബി ബാങ്ക് (7.1%) എന്നിവയാണ് 1 വർഷ കാലയളവിലെ സ്ഥിര നിക്ഷേപങ്ങൾക്ക് മികച്ച പലിശ നൽകുന്ന മറ്റുള്ള ബാങ്കുകൾ.

5 വർഷത്തേക്ക് പ്രതിമാസം 9250 രൂപ നേടാം... പോസ്റ്റ് ഓഫിസിന്റെ ഈ പദ്ധതിയിൽ ചേരൂ

2 വർഷ കാലയളവിലുള്ള സ്ഥിര നിക്ഷേപങ്ങൾക്ക് മികച്ച പലിശ നൽകുന്ന 5 ബാങ്കുകൾ

ആർബിഎൽ ബാങ്കാണ് 2 വർഷം വരെയുള്ള സ്ഥിര നിക്ഷേപങ്ങൾക്ക് ഉയർന്ന പലിശ വാഗ്‌ദാനം ചെയ്യുന്നത്. 8 ശതമാനമാണ് ബാങ്ക് നൽകുന്ന പലിശ. 2 വർഷ കാലയളവിൽ 10,000 രൂപ നിക്ഷേപിച്ചാൽ 11,717 രൂപ തിരികെ കിട്ടും. ഐഡിഎഫ്സി ബാങ്ക് (7.75%), ഇൻഡസ്ഇൻഡ് ബാങ്ക് (7.75%), ഡിസിബി ബാങ്ക് (7.5%), ബന്ധൻ ബാങ്ക് (7.25%) എന്നിവയാണ് ഉയർന്ന പലിശ നൽകുന്ന മറ്റുള്ളവ.

3 വർഷ കാലയളവിലെ സ്ഥിര നിക്ഷേപങ്ങൾക്ക് മികച്ച പലിശ നൽകുന്ന 5 ബാങ്കുകൾ

മൂന്നു വർഷ കാലയളവിലുള്ള നിക്ഷേപങ്ങൾക്ക് ഉയർന്ന പലിശ നൽകുന്നത് ഡിസിബി ബാങ്കാണ്. 7.55% ആണ് ബാങ്ക് നൽകുന്ന പലിശ. 10,000 സ്ഥിര നിക്ഷേപത്തിലൂടെ 3 വർഷം കഴിയുമ്പോൾ 12,516 രൂപ കയ്യിൽ കിട്ടും. ആർബിഎൽ ബാങ്ക് (7.5%), ബാങ്ക് ഓഫ് ബറോഡ (7.25%), ഐഡിഎഫ്സി ബാങ്ക് (7.25%), ഇൻഡസ്ഇൻഡ് ബാങ്ക് (7.25%) എന്നിവയാണ് ഉയർന്ന പലിശ നിരക്ക് വാഗ്‌ദാനം ചെയ്യുന്ന മറ്റു ബാങ്കുകൾ.

മൂന്ന് മാസത്തിലൊരിക്കൽ നല്ലൊരു തുക കയ്യിൽ കിട്ടും; മുതിർന്ന പൗരന്മാർക്കുള്ള സുരക്ഷിത നിക്ഷേപം

5 വർഷ കാലയളവിലെ സ്ഥിര നിക്ഷേപങ്ങൾക്ക് മികച്ച പലിശ നൽകുന്ന 5 ബാങ്കുകൾ

അഞ്ചു വർഷത്തേക്കുള്ള സ്ഥിര നിക്ഷേപങ്ങൾക്ക് ഉയർന്ന പലിശ നൽകുന്നത് ഡിസിബി ബാങ്കാണ്. 7.40% ആണ് ബാങ്ക് നൽകുന്ന പലിശ. 10,000 രൂപ നിക്ഷേപിച്ചാൽ 14,428 രൂപയായി 5 വർഷം പൂർത്തിയാകുമ്പോൾ ലഭിക്കും. ധനലക്ഷ്മി ബാങ്ക് (7.25%), ഇൻഡസ്ഇൻഡ് ബാങ്ക് (7.25%), യെസ് ബാങ്ക് (7.25%), ആർബിഎൽ ബാങ്ക് (7.1%) എന്നിവയാണ് ഉയർന്ന പലിശ നൽകുന്ന മറ്റു ബാങ്കുകൾ.