ഈ 5 നിക്ഷേപ പദ്ധതികൾ സ്ത്രീകൾക്ക് സുരക്ഷിതമായ നിക്ഷേപത്തോടൊപ്പം മികച്ച വരുമാനവും നൽകുന്നു

നിരവധി നിക്ഷേപ പദ്ധതികൾ പോസ്റ്റ്‌ ഓഫീസിന്റെ കീഴിൽ നടത്തുന്നുണ്ട്. കുട്ടികൾ യുവാക്കൾ മുതിർന്നവർ എന്നിവർ തുടങ്ങി വ്യത്യസ്ത പ്രായക്കാർക്ക് വേണ്ടിയുള്ള വിവിധ പദ്ധതികൾ ഇതിൽ ഉൾപ്പെടുന്നു. ആളുകൾക്ക് ഈ പദ്ധതികളിലൊക്കെയും നിക്ഷേപിക്കുകയും മികച്ച റിട്ടേൺ നേടുകയും ചെയ്യാം. സ്ത്രീകൾക്കായുള്ള പ്രത്യേക പദ്ധതികളും പോസ്റ്റ്‌ ഓഫീസ് വാഗ്ദാനം ചെയ്യുന്നുണ്ട്. ഈ പദ്ധതികൾ സുരക്ഷിതമായ നിക്ഷേപവും മികച്ച റിട്ടേണും ഉറപ്പുനൽകുന്നതാണ്. അത്തരത്തിൽ മികച്ച വരുമാനവും നികുതി ഇളവുകളും ലഭിക്കുന്ന 5 പദ്ധതികളെ കുറിച്ച് നമുക്ക് നോക്കാം.

സമ്പാദ്യം ഒരു കോടി, പ്രതിമാസ പെൻഷൻ 45,000 രൂപ; പങ്കാളിക്കൊപ്പം ഭാവി ഭദ്രമാക്കാം

1) പി.പി.എഫ് നിക്ഷേപങ്ങൾ

പബ്ലിക് പ്രൊവിഡന്റ് ഫണ്ട്‌ (പി.പി.എഫ്) ഒരു ദീർഘകാല സേവിംഗ്സ്‌ പദ്ധതിയാണ്. ഇതിൽ നിക്ഷേപം നടത്തുന്നത് വഴി സ്ത്രീകൾക്ക് അവരുടെ ഭാവി സുരക്ഷിതമാക്കാൻ സാധിക്കുന്നു. ഈ പദ്ധതിക്ക് കീഴിലുള്ള നിക്ഷേപങ്ങൾക്ക് നിലവിൽ 7.1 ശതമാനം പലിശയാണ് സർക്കാർ വാഗ്ദാനം ചെയ്യുന്നത്. നിങ്ങൾ പ്രതിവർഷം 1 ലക്ഷം രൂപ എന്ന നിലയ്ക്ക് 15 വർഷത്തേക്ക് നിക്ഷേപം നടത്തുകയാണെങ്കിൽ, കാലാവധി പൂർത്തിയാകുമ്പോൾ നിങ്ങൾക്ക് ഏകദേശം 31 ലക്ഷം രൂപ ലഭിക്കും.

2) സുകന്യ സമൃദ്ധി യോജന

പെൺകുട്ടികൾക്കായി ആരംഭിച്ച ഒരു പ്രത്യേക പദ്ധതിയാണ് സുകന്യ സമൃദ്ധി യോജന. ഈ പദ്ധതിക്ക് കീഴിൽ നിങ്ങൾക്ക് 10 വയസ് വരെ പ്രായമുള്ള നിങ്ങളുടെ പെൺകുട്ടിയുടെ പേരിൽ ഒരു അക്കൗണ്ട് തുറക്കാൻ സാധിക്കും. ഈ അക്കൗണ്ടിൽ നിങ്ങൾക്ക് പ്രതിവർഷം 250 രൂപ മുതൽ 1.5 ലക്ഷം രൂപ വരെ നിക്ഷേപിക്കാം. നിലവിൽ പദ്ധതി 8.2 ശതമാനം പലിശയാണ് വാഗ്ദാനം ചെയ്യുന്നത്.

ദിവസവും 45 രൂപ മാറ്റിവെച്ചാൽ 25 ലക്ഷം രൂപ സമ്പാദിക്കാനാകും; എൽ.ഐ.സിയുടെ ആ സ്പെഷ്യൽ പദ്ധതി ഏതാണെന്നറിയേണ്ടേ?

3) നാഷണൽ സേവിംഗ്സ്‌ സർട്ടിഫിക്കറ്റ്

സ്ത്രീകൾക്കായുള്ള മറ്റൊരു മികച്ച നിക്ഷേപ പദ്ധതിയാണ് നാഷണൽ സേവിംഗ്സ്‌ സർട്ടിഫിക്കറ്റ്. ഈ പദ്ധതിക്ക് കീഴിൽ 1,000 രൂപ മുതൽ നിങ്ങൾക്ക് നിക്ഷേപം ആരംഭിക്കാൻ സാധിക്കും. എങ്കിലും, പരമാവധി നിക്ഷേപത്തിന് പരിധിയില്ല. 5 വർഷത്തെ കാലാവധിയിൽ പ്രതിവർഷം 7.7 ശതമാനമാണ് പദ്ധതി പലിശയായി നൽകുന്നത്.

4) ടൈം ഡെപ്പോസിറ്റ് പദ്ധതി

പോസ്റ്റ്‌ ഓഫീസിന്റെ ടൈം ഡെപ്പോസിറ്റ് സ്ത്രീകൾക്കായുള്ള മികച്ചൊരു പദ്ധതിയാണ്. ഈ പദ്ധതിക്ക് കീഴിൽ, നിങ്ങൾക്ക് എല്ലാ മാസവും ഒരു നിശ്ചിത തുക അക്കൗണ്ടിൽ നിക്ഷേപിക്കാം. 5 വർഷത്തെ കാലാവധിയിൽ 7.5 ശതമാനമാണ് പ്രതിവർഷം പലിശയായി വാഗ്ദാനം ചെയ്യുന്നത്.

കുറഞ്ഞ നിക്ഷേപം 250 രൂപ; ഈ പോസ്റ്റ്‌ ഓഫീസ് പദ്ധതിയിൽ നിങ്ങളുടെ മകൾക്ക് 21-ാം വയസിൽ 71 ലക്ഷം രൂപ നേടാം

5) മഹിളാ സമ്മാൻ ബചത് യോജന

സ്ത്രീകൾക്കായി പ്രത്യേകം രൂപകല്പന ചെയ്ത ഒരു പദ്ധതിയാണ് മഹിളാ സമ്മാൻ ബചത് യോജന. ഈ പദ്ധതിക്ക് കീഴിൽ സ്ത്രീകൾക്ക് രണ്ട് ലക്ഷം രൂപ വരെ നിക്ഷേപിക്കാനും നിക്ഷേപതുകയ്ക്ക് 7.5 ശതമാനം വരെ പലിശ നേടാനും കഴിയും. ഈ പദ്ധതിയുടെ ആകെ കാലാവധി രണ്ട് വർഷമാണ്.