പേഴ്സണൽ ലോൺ എടുക്കാം ഈ ബാങ്കുകളിൽ നിന്ന്, ഏറ്റവും കുറഞ്ഞ പലിശ നിരക്ക് ഇവിടെ

വേഗത്തിലും തടസ്സരഹിതവുമായ വായ്പ വിതരണം, കൂടുതൽ വായ്പ തുക, പണയം വയ്ക്കാതെ വായ്പ തുടങ്ങിയ കാരണങ്ങളാൽ രാജ്യത്തെ ഏറ്റവും മികച്ച വായ്പളിലൊന്നാണ് പേഴ്സണൽ ലോൺ. എന്നാൽ ഇവയ്ക്ക് സ്വർണ്ണ വായ്പകളേക്കാൾ ഉയർന്ന പലിശ നിരക്ക് ബാധകമാണ്. ഉദാഹരണത്തിന്, സ്റ്റേറ്റ് ബാങ്ക് ഓഫ് ഇന്ത്യയാണ് (എസ്‌ബി‌ഐ) നിലവിൽ രാജ്യത്തെ ഏറ്റവും കുറഞ്ഞ സ്വർണ്ണ വായ്പാ നിരക്ക് വാഗ്ദാനം ചെയ്യുന്നത്. 7.50 ശതമാനമാണ് എസ്ബിഐയിലെ സ്വർണ വായ്പ പലിശ നിരക്ക്. അതേസമയം വ്യക്തിഗത വായ്പകളുടെ പലിശ നിരക്ക് 8.9 ശതമാനം മുതലാണ് ആരംഭിക്കുന്നത്. 

പലിശ നിരക്കുകൾ

8.95 ശതമാനമാണ് യൂണിയൻ ബാങ്കും പഞ്ചാബ് നാഷണൽ ബാങ്കും വാഗ്ദാനം ചെയ്യുന്ന ഏറ്റവും കുറഞ്ഞ പേഴ്സണൽ ലോൺ പലിശ നിരക്ക്. സ്വർണ്ണ വായ്പകൾക്ക് 8.75% പലിശ നിരക്കാണ് പഞ്ചാബ് നാഷണൽ ബാങ്ക് ഈടാക്കുന്നത്. വ്യക്തിഗത വായ്പയുടെ ഏറ്റവും കുറഞ്ഞ പലിശ നിരക്കിനേക്കാൾ 20 ബേസിസ് പോയിന്റുകൾ കുറവാണിത്. എന്നാൽ പണയം വച്ചും മറ്റും വായ്പ എടുക്കാൻ ആഗ്രഹിക്കാത്ത വായ്പക്കാർക്ക് ഒരു മികച്ച ഓപ്ഷനായിരിക്കും വ്യക്തിഗത വായ്പ അഥവാ പേഴ്സണൽ ലോൺ.

ക്രെഡിറ്റ് സ്കോർ

സ്ഥിര വരുമാനവും മികച്ച ക്രെഡിറ്റ് സ്കോറുമുണ്ടെങ്കിൽ അടിയന്തര ആവശ്യങ്ങൾക്കും ​​വ്യക്തിഗത ആവശ്യങ്ങൾക്കും ഏറ്റവും എളുപ്പത്തിൽ വ്യക്തിഗത വായ്പകൾ ലഭിക്കും. എന്നാൽ നിങ്ങളുടെ ക്രെഡിറ്റ് സ്കോർ 750 ൽ കുറവാണെങ്കിൽ നിങ്ങൾക്ക് വ്യക്തിഗത വായ്പയ്ക്ക് അർഹതയുണ്ടാകില്ല. ഏറ്റവും കുറഞ്ഞ വ്യക്തിഗത വായ്പ പലിശ നിരക്ക് വാഗ്ദാനം ചെയ്യുന്ന ബാങ്കുകൾ താഴെ പറയുന്നവയാണ്.

ബാങ്കുകളും പലിശ നിരക്കും

• യൂണിയൻ ബാങ്ക് - 8.90% - 12.00%
• പി‌എൻ‌ബി - 8.95% - 11.80%
• എസ്‌ബി‌ഐ - 9.60% - 13.85%
• ബാങ്ക് ഓഫ് ബറോഡ - 10.10% - 15.45%
• എച്ച്ഡി‌എഫ്സി ബാങ്ക് -10.75 -21.30%
• കൊട്ടക് മഹീന്ദ്ര ബാങ്ക് - 10.75% ൽ താഴെ
• ഐസിഐസിഐ ബാങ്ക് - 11.25% - 21%
• കാനറ ബാങ്ക് - 11.25% - 13.90%
• ബാങ്ക് ഓഫ് ഇന്ത്യ - 11.35% - 12.35%
• ആക്സിസ് ബാങ്ക് - 12% - 24%

ശ്രദ്ധിക്കേണ്ട കാര്യങ്ങൾ

വായ്പ അപേക്ഷ സമർപ്പിക്കുന്നതിന് മുമ്പ്, നിങ്ങളുടെ യോഗ്യതയനുസരിച്ച് ഏറ്റവും കുറഞ്ഞ നിരക്കിനുള്ള ബദലുകൾ പരിശോധിച്ചിരിക്കണം. പ്രോസസ്സിംഗ് ഫീസ്, പ്രീ-ക്ലോഷർ, പാർട്ട് പ്രീപേയ്‌മെന്റ് ചാർജുകൾ എന്നിവ പോലുള്ള കാര്യങ്ങളിൽ വ്യക്തത വരുത്തിയിരിക്കണം. കൃത്യമായി വായ്പ തിരിച്ചടയ്ക്കാനും ശ്രമിക്കണം. ഇല്ലെങ്കിൽ അധിക പലിശ നിരക്കുകൾ നൽകുന്നതിന് പുറമേ നിങ്ങളുടെ ക്രെഡിറ്റ് സ്കോറിനെയും കാര്യമായി ബാധിക്കും.