10,000 രൂപ നിക്ഷേപിച്ച് 7 കോടി റിട്ടേൺസ് നേടാം; വിശദമായി അറിയാം

വിപണിയുടെ വിപരീതമായി നിക്ഷേപിക്കുന്ന മൂച്വൽ ഫണ്ടിന്റെ ഒരു രൂപമാണ് കോൺട്രാ ഫണ്ട്. ജനപ്രീതിയുള്ളതും മികച്ച പ്രകടനം നടത്തുന്നതുമായ നിക്ഷേപങ്ങളിൽ നിന്ന് വ്യത്യസ്തമായി, ഇപ്പോൾ അനുകൂലമല്ലാത്തതോ മൂല്യം കുറഞ്ഞതോ ആയ ഓഹരികളിൽ കോൺട്രാ ഫണ്ടുകൾ നിക്ഷേപിക്കപ്പെടുന്നു. ഇന്ത്യയിലെ ആദ്യത്തെ കോൺട്രാ ഫണ്ടുമായി ബന്ധപ്പെട്ട മൂച്വൽ ഫണ്ട് പദ്ധതിയാണ് എസ്.ബി.ഐ കോൺട്രാ ഫണ്ട്‌. സിൽവർ ജൂബിലി പ്രമാണിച്ച് എസ്.ബി.ഐ കോൺട്രാ ഫണ്ട്‌ ഈ വർഷങ്ങളിലെ വളർച്ചയെ കാണിക്കുന്ന കണക്കുകൾ പുറത്തുവിട്ടു. 1999 ജൂലൈയിൽ ആരംഭിച്ച ഈ പദ്ധതി അതിലെ നിക്ഷേപകർക്ക് 19.99 ശതമാനം റിട്ടേൺ നൽകിയിട്ടുണ്ട്.

5 ലക്ഷം നിക്ഷേപിച്ച് 2 ലക്ഷത്തിലധികം പലിശ നേടാം; പോസ്റ്റ് ഓഫീസിന്റെ കിടിലൻ പദ്ധതി

ഈ പദ്ധതിയിൽ 10,000 രൂപയുടെ സിസ്റ്റമാറ്റിക് ഇൻവെസ്റ്റ്മെന്റ് പ്ലാൻ (എസ്.ഐ.പി) 25 വർഷം കൊണ്ട് 7.19 കോടി രൂപയായി മാറി. അതായത് പദ്ധതി ആരംഭിച്ചത് മുതലുള്ള എല്ലാ മാസവും 10,000 രൂപ നിക്ഷേപം നടത്തുന്ന വ്യക്തിയുടെ അകെ തുക ജൂൺ 30- നുള്ളിൽ 7.19 കോടിയിലെത്തും. ഇത് 20.84 ശതമാനം എക്സ്.ഐ.ആർ.ആർ നൽകുന്നതിൽ ഗുണം ചെയ്യും. എക്സ്.ഐ.ആർ.ആർ എന്നാൽ (എക്സ്റ്റൻഡഡ് ഇന്റർനൽ റേറ്റ് ഓഫ് റിട്ടേൺ) വ്യത്യസ്ത സമയങ്ങളിൽ നടക്കുന്ന ഒന്നിലധികം ഇടപാടുകളുള്ള നിക്ഷേപങ്ങളുടെ വരുമാനം കണക്കാക്കാൻ ഉപയോഗിക്കുന്ന ഒരു രീതിയാണ്. ഇത് കോമ്പൗണ്ട് ആനുവൽ ഗ്രോത്ത് റേറ്റിൽ (സി.എ.ജി.ആർ) നിന്ന് വ്യത്യസ്തമാണ്.

എസ്.ബി.ഐ കോൺട്രാ ഫണ്ടും ബി.എസ്.ഇ 500 ടി.ആർ.ഐയും താരതമ്യം ചെയ്യുമ്പോൾ, എസ്.ബി.ഐ കോൺട്രാ ഫണ്ട്‌ 19.99 ശതമാനവും ബി.എസ്.ഇ 500 ടി.ആർ.ഐ 16.12 ശതമാനവുമാണ് റിട്ടേൺ നൽകിയത്. ഇത് വ്യക്തമാക്കുന്നത് പദ്ധതിയുടെ നിക്ഷേപത്തിലും റിട്ടേണിലുമുള്ള കാര്യക്ഷമതയാണ്. എസ്.ബി.ഐ കോൺട്രാ ഫണ്ട് മൂന്ന് വർഷത്തിനുള്ളിൽ എസ്.ഐ.പി റിട്ടേൺ 34.25 ശതമാനവും ഒരു വർഷത്തിനുള്ളിൽ 48.68 ശതമാവും നൽകി. എന്നാൽ ബി.എസ്.ഇ 500 ടി.ആർ.ഐ 15 വർഷത്തിൽ 15.86 ശതമാനവും 10 വർഷത്തിൽ 17. 73 ശതമാനവും അഞ്ച് വർഷത്തിൽ 24.82 ശതമാനവും കൂടാതെ, മൂന്ന് വർഷത്തിൽ 2.40 ശതമാനം ഒരു വർഷത്തിൽ 43.02 ശതമാനം എന്നിങ്ങനെയാണ് റിട്ടേൺ നൽകിയത്.

മികച്ച വായ്പാ ഉറപ്പാക്കാൻ ക്രെഡിറ്റ്‌ സ്കോറുകൾ ഉയർത്താനുള്ള മാർഗങ്ങൾ

എസ്.ബി.ഐ കോൺട്രാ ഫണ്ട് ആരംഭിക്കുന്ന സമയത്ത് ഒരു നിക്ഷേപകൻ ഒറ്റത്തവണയായി ഒരു ലക്ഷം രൂപ നിക്ഷേപിച്ചിരുന്നെങ്കിൽ, ജൂൺ 28- ഓടെ അയാളുടെ നിക്ഷേപം 95.3 ലക്ഷം രൂപയായി വർധിക്കും. 2024 ജൂൺ 30 വരെ ഈ പദ്ധതിക്ക് 34,366 കോടി രൂപയുടെ ആസ്തിയും 20.5 ലക്ഷത്തിലധികം നിക്ഷേപകരുമുണ്ട്. ദീർഘകാല മൂലധന വിലമതിപ്പ് ആഗ്രഹിക്കുന്ന നിക്ഷേപകർക്ക് ഏറ്റവും അനുയോജ്യമായതാണ് എസ്.ബി.ഐ കോൺട്രാ ഫണ്ട്.