ആധാറുമായി ബന്ധപ്പെട്ട പരാതികൾ ഓൺലൈനിൽ ഫയൽ ചെയ്യുന്നത് എങ്ങനെ?

രാജ്യത്തെ ഏറ്റവും പ്രധാനപ്പെട്ട തിരിച്ചറിയൽ രേഖകളിലൊന്നാണ് ഇപ്പോൾ ആധാർ കാർഡുകൾ. ഇന്ത്യയിലെ എല്ലാ പൗരന്മാർക്കും ആധാർ ഉണ്ടായിരിക്കേണ്ടത് നിർബന്ധമാണ്. നിങ്ങളുടെ ആധാർ അപ്‌ഡേറ്റ് സംബന്ധിച്ച് ആധാർ എൻറോൾമെന്റ് സെന്ററിൽ എന്തെങ്കിലും പ്രശ്നം നേരിടുന്നുണ്ടെങ്കിലോ നിങ്ങൾ ആധാറിനായി അപേക്ഷിച്ചിട്ടുണ്ടെങ്കിലും അത് ലഭിച്ചില്ലെങ്കിലോ, നിങ്ങൾക്ക് യുണീക്ക് ഐഡന്റിഫിക്കേഷൻ അതോറിറ്റി ഓഫ് ഇന്ത്യ (യുഐ‌ഡി‌എഐ) വെബ്‌സൈറ്റ് വഴി ഓൺലൈനിൽ പരാതി നൽകാം.

ആവശ്യമായവ

പരാതി ഫയൽ ചെയ്യുന്നതിന് നിങ്ങളുടെ എൻറോൾമെന്റ് ഐഡി ആവശ്യമാണ്. എന്നാൽ പരാതി ആധാർ ഓപ്പറേറ്ററുമായോ അല്ലെങ്കിൽ എൻറോൾമെന്റ് ഏജൻസിയുമായോ ബന്ധപ്പെട്ടതാണെങ്കിൽ, പരാതി ഫയൽ ചെയ്യുമ്പോൾ എൻറോൾമെന്റ് ഐഡി നൽകേണ്ടതില്ല. മറ്റ് പരാതികൾക്ക് നിങ്ങൾ വെബ്‌സൈറ്റിൽ എൻറോൾമെന്റ് ഐഡി നൽകേണ്ടതുണ്ട്.

നിങ്ങളുടെ ആധാർ സുരക്ഷിതമാക്കാം; എസ്എംഎസ് വഴി ആധാർ നമ്പർ ലോക്ക് ചെയ്യുന്നത് എങ്ങനെ നിങ്ങളുടെ ആധാർ സുരക്ഷിതമാക്കാം; എസ്എംഎസ് വഴി ആധാർ നമ്പർ ലോക്ക് ചെയ്യുന്നത് എങ്ങനെ

പരാതിപ്പെടേണ്ടത് എങ്ങനെ?

www.uidai.gov.in സന്ദർശിച്ച് 'കോൺ‌ടാക്റ്റ് & സപ്പോർട്ട്' ടാബ് തിരഞ്ഞെടുക്കുക.
'File a complaint' ഓപ്ഷനിൽ ക്ലിക്കുചെയ്യുക.
ഒരു പുതിയ വെബ്‌പേജ് തുറന്നു വരും. ഇവിടെ 28 അക്ക എൻറോൾമെന്റ് ഐഡി, പേര്, മൊബൈൽ നമ്പർ, ഇമെയിൽ ഐഡി, നിങ്ങളുടെ പോസ്റ്റൽ കോഡ്, നിങ്ങളുടെ ഗ്രാമം / പട്ടണം / നഗരം തുടങ്ങിയ വിശദാംശങ്ങൾ നൽകുക.
ഡ്രോപ്പ്-ഡൗൺ മെനുവിൽ നിന്ന് പരാതിയുടെ തരവും പരാതിയുടെ വിഭാഗവും തിരഞ്ഞെടുക്കുക.
തുടർന്ന് നിങ്ങളുടെ പരാതി നൽകാൻ നിങ്ങളോട് ആവശ്യപ്പെടും.
ക്യാപ്‌ച കോഡ് നൽകി സബ്മിറ്റ് ബട്ടണിൽ ക്ലിക്കു ചെയ്യുക.

കോൾ, ഇ-മെയിൽ

നിങ്ങൾക്ക് മറ്റെന്തെങ്കിലും പരാതി ഉണ്ടെങ്കിൽ, നിങ്ങൾക്ക് ടോൾ ഫ്രീ നമ്പറായ 1947 ൽ വിളിക്കാം അല്ലെങ്കിൽ helpuidai.gov.in ൽ ഇമെയിലും അയയ്ക്കാവുന്നതാണ്. നിങ്ങളുടെ പരാതിയുടെ നില പരിശോധിക്കാനുള്ള ഓപ്ഷനും യുഐ‌ഡി‌ഐയുടെ വെബ്‌സൈറ്റ് നൽകുന്നുണ്ട്.

ആധാറും റേഷൻ കാർഡും തമ്മിൽ ബന്ധിപ്പിക്കുന്നത് എങ്ങനെ? അവസാന തീയതി ഈ മാസം ആധാറും റേഷൻ കാർഡും തമ്മിൽ ബന്ധിപ്പിക്കുന്നത് എങ്ങനെ? അവസാന തീയതി ഈ മാസം

സ്റ്റാറ്റസ് പരിശോധിക്കുന്നത് എങ്ങനെ?

സ്റ്റാറ്റസ് പരിശോധിക്കുന്നതിന് യുഐ‌ഡി‌ഐ‌ഐ വെബ്‌സൈറ്റ് സന്ദർശിച്ച് 'കോൺ‌ടാക്റ്റ് ആൻഡ് സപ്പോർട്ട്' ടാബിന് കീഴിൽ, 'Check Complaint Status' തിരഞ്ഞെടുക്കുക.
നിങ്ങൾ പരാതി സമർപ്പിക്കുമ്പോൾ സൃഷ്ടിച്ച Complaint id നൽകി ക്യാപ്‌ച കോഡ് നൽകുക.
'ചെക്ക് സ്റ്റാറ്റസ്' ക്ലിക്കുചെയ്യുക
നിങ്ങളുടെ പരാതിയുടെ നില വെബ്‌സൈറ്റിൽ ദൃശ്യമാകും.

ആധാർ അപ്‌ഡേറ്റ് സെന്റർ കണ്ടെത്തുന്നത് എങ്ങനെ?

യുഐ‌ഡി‌ഐ‌ഐ വെബ്‌സൈറ്റ് സന്ദർശിച്ച് ഏറ്റവും അടുത്തുള്ള ആധാർ അപ്‌ഡേറ്റ് സെന്ററുകൾ കണ്ടെത്താനാകും. വെബ്‌സൈറ്റിന്റെ ഹോംപേജിൽ നൽകിയിരിക്കുന്ന‘My Aadhaar' ഓപ്ഷന് കീഴിലുള്ള ‘Locate an Enrolment Centre' ക്ലിക്കു ചെയ്യുക. തുറന്നു വരുന്ന പുതിയ വിൻഡോയിൽ, ‘സ്റ്റേറ്റ്', ‘പോസ്റ്റൽ കോഡ്', നേരിട്ടുള്ള തിരയൽ എന്നിവ ഉപയോഗിച്ച് ഏറ്റവും അടുത്തുള്ള ആധാർ അപ്‌ഡേറ്റ് കേന്ദ്രങ്ങൾ കണ്ടെത്താൻ കഴിയും.

നിങ്ങളുടെ ആധാർ കാർഡ് നഷ്ടപ്പെട്ടോ? പുതിയത് എങ്ങനെ നേടാം? നിങ്ങളുടെ ആധാർ കാർഡ് നഷ്ടപ്പെട്ടോ? പുതിയത് എങ്ങനെ നേടാം?

malayalam.goodreturns.in