<p><strong>

</strong>ഫിക്‌സഡ് മെച്യുരിറ്റി പ്ലാന്‍ സീരിസ്-1 എന്ന പേരില്‍ ഐഡിഎഫ്‌സി പുതിയ മ്യൂച്ചല്‍ഫണ്ട് പുറത്തിറക്കി. ക്ലോസ് എന്‍ഡ് രീതിയില്‍ പ്രവര്‍ത്തിക്കുന്ന ഈ നിക്ഷേപം 2015 ആഗസ്ത് 20നാണ് കാലാവധി പൂര്‍ത്തിയാവുക.</p> <p>ബാങ്ക് ഫിക്‌സഡ് നിക്ഷേപത്തേക്കാള്‍ ലാഭം പ്രതീക്ഷിക്കുകയും അതേ സമയം ഓഹരി വിപണിയുടെ റിസ്‌ക് ഏറ്റെടുക്കാന്‍ താല്‍പ്പര്യമില്ലാതിരിക്കുകയും ചെയ്യുന്നവര്‍ക്ക് ഏറ്റവും യോജിച്ച ഫണ്ടാണിത്. ഗ്രോത്ത്, ഡിവിഡന്റ് രീതികളില്‍ ഇത് ലഭിക്കും.</p> <p>നിക്ഷേപിക്കുന്ന തുകയില്‍ 50 ശതമാനം മണി മാര്‍ക്കറ്റിലും ബാക്കിയുള്ള കടപത്രങ്ങളിലും നിക്ഷേപിക്കും. എന്‍ട്രി ലോഡോ എക്‌സിറ്റ് ലോഡോ ഇല്ല.</p> <p>ആഗസ്ത് പത്തിന് ആരംഭിച്ച എന്‍എഫ്ഒ പതിനാറിന് അവസാനിക്കും. യൂനിറ്റിന് പത്ത് രൂപയാണ് വിലനിശ്ചയിച്ചിട്ടുള്ളത്. ഏറ്റവും ചുരുങ്ങിയത് 10000രൂപയെങ്കിലും നിക്ഷേപിക്കണം. ബെഞ്ച്മാര്‍ക്കായി നിശ്ചയിച്ചിട്ടുള്ളത് ക്രിസില്‍ ഷോര്‍ട്ട് ടേം ബോണ്ട് ഫണ്ടാണ്.</p>