ബിസിനസ് തുടങ്ങാൻ 214 ദിവസം കാത്തിരിക്കണം; സംരഭകരെ പ്രോത്സാഹിപ്പിക്കുന്നതിൽ കേരളം പിന്നിൽ

വ്യാവസായിക സംരംഭകരെ പ്രോത്സാഹിപ്പിക്കുന്നതിൽ കേരളം ഏറെ പിന്നിലാണെന്ന് നീതി ആയോ​ഗിന്റെ സ‍ർവ്വേ റിപ്പോ‍ർട്ട്. സംസ്ഥാനത്ത് പുതിയ ഒരു സംരംഭം തുടങ്ങണമെങ്കിൽ 214 ദിവസം കാത്തിരിക്കണം.

ഐഡിഎഫ്സി ഇൻസ്റ്റിറ്റ്യൂട്ടും നീതി ആയോഗും സംയുക്തമായി ചേർന്ന് നടത്തിയ പഠനത്തിലാണ് ഇക്കാര്യം വ്യക്തമായത്. ഈസ് ഓഫ് ഡൂയിംഗ് ബിസിനസ് എന്നായിരുന്നു സർവ്വേയുടെ പേര്. ജൂണിൽ ജനിച്ചാൽ കോടീശ്വരന്മാരാകുമോ? ഇവ‌‌ർ പറയും ആ ഉത്തരം

ബിസിനസ് ആരംഭിക്കുന്നതിന് കേരളത്തേക്കാൾ കൂടുതൽ ദിവസം എടുക്കുന്നത് അസം മാത്രമാണ്. 248 ദിവസമാണ് ഇവിടുത്തെ കാലാവധി. തമിഴ്നാടാണ് അനുമതി നൽകുന്നതിൽ ഏറ്റവും മുന്നിൽ. വെറും 63 ദിവസം മാത്രം മതി തമിഴ്നാട്ടിൽ ബിസിനസ് തുടങ്ങാൻ. തൊട്ടുപിന്നിൽ ആന്ധ്രാപ്രദേശാണ്, 67 ദിവസമാണ് ഇവിടുത്തെ കാലാവധി.

എന്നാൽ സ്റ്റാർട്ട് അപ്പുകൾ തുടങ്ങാൻ ഏറ്റവും ചെലവ് കുറഞ്ഞ സംസ്ഥാനങ്ങളിലൊന്നാണ് കേരളം. സംസ്ഥാനത്തെ വ്യവസായ സ്ഥാപനങ്ങളിൽ 80 ശതമാനവും 10 വർഷത്തിൽ കൂടുതൽ പഴക്കമുള്ളവയാണെന്നും സർവ്വേയിൽ കണ്ടെത്തിയിരുന്നു. ഗൾഫിൽ മക്കളെ പഠിപ്പിച്ചാൽ മാതാപിതാക്കളുടെ പോക്കറ്റ് കീറും!!! വിദ്യാഭ്യാസ ചെലവ് കേട്ടാൽ ഞെട്ടും!!!

malayalam.goodreturns.in