പ്രവര്‍ത്തന മൂലധനം കണ്ടത്തുന്നതിന്റെ ഭാഗമായി എയര്‍ ഇന്ത്യ വീണ്ടും 1500 കോടി കടമെടുക്കുന്നു. സെപ്​തംബറിന്​ ശേഷം ഇത്​ മൂന്നാം തവണയാണ്​ എയർ ഇന്ത്യ വായ്​പയെടുക്കുന്നത്​.

കഴിഞ്ഞ സെപ്​തംബറിൽ 3250 കോടിയും ഒക്​ടോബറിൽ 1500 കോടിയും എയർ ഇന്ത്യ കടമെടുത്തിരുന്നു​. വായ്​പ നൽകാൻ തയാറുള്ള ബാങ്കുകളോട്​ ഡിസംബർ 12നകം കമ്പനിയുമായി ബന്ധപ്പെടാൻ എയർ ഇന്ത്യ നിർദേശിച്ചിട്ടുണ്ട്​. ഇതിനായി ബാങ്കുകൾക്ക് കത്തയച്ചു കഴിഞ്ഞു.

2018 ജൂണ്‍ 27 വരെ എയര്‍ ഇന്ത്യയ്ക്ക് വായ്പ നല്‍കുന്നതിന് കേന്ദ്രസര്‍ക്കാര്‍ ഗ്യാരന്റി നല്‍കും. കഴിഞ്ഞ വർഷം ജൂൺ 28ന്​ ചേർന്ന ധനകാര്യ സമിതി യോഗത്തിൽ എയർ ഇന്ത്യയുടെ ഒാഹരി വിൽപനക്ക്​ കേന്ദ്രസർക്കാർ അനുമതി നൽകിയിരുന്നു.

നിലവിൽ 52,000 കോടിയുടെ കടമാണ്​ എയർ ഇന്ത്യക്ക്​ ഉള്ളത്​. കടത്തിൽ നിന്ന് പി​ടി​ച്ചു​ നി​ൽ​ക്കാ​ൻ എ​യ​ർ ഇ​ന്ത്യ ര​ണ്ടു​ ഫ്ലാ​റ്റു​ക​ൾ വി​റ്റിരുന്നു. സൗ​ത്ത്​ മും​ബൈ​യി​ലെ ഫ്ലാ​റ്റു​ക​ളാ​ണ്​ വി​റ്റത്.

malayalam.goodreturns.in