പ്രഖ്യാപിത നയങ്ങൾ

ഇടതുമുന്നണിയുടെ തിരഞ്ഞെടുപ്പ് പ്രകടനപത്രികയിലെ പ്രധാനനിര്‍ദേശങ്ങളിലൊന്നായിരുന്നു കേരളാ ബാങ്ക്. കേരള ബാങ്ക് രൂപീകരണം മാത്രമല്ല സഹകരണ മേഖലയുടെ സമ്പൂര്‍ണ കമ്പ്യൂട്ടര്‍വത്ക്കരണം, ഏകീകൃത സോഫ്റ്റ് വെയര്‍, മാനവശേഷി വികസനം തുടങ്ങിയവയും സർക്കാരിന്റെ പ്രഖ്യാപിത നയങ്ങളാണെന്ന് അദ്ദേഹം വ്യക്തമാക്കി. ബാങ്ക് വായ്പ ലഭിക്കണോ? ഫേസ്ബുക്ക് പോസ്റ്റും പരിശോധിക്കും

പരിശീലനം

സംസ്ഥാന സഹകരണ ബാങ്കിലെയും ജില്ലാ സഹകരണ ബാങ്കുകളിലെയും 18 ഉയര്‍ന്ന ഉദ്യോഗസ്ഥരാണ് പരിശീലനത്തിന്റെ ആദ്യ ബാച്ചില്‍ പങ്കെടുക്കുന്നത്. ചെന്നൈ ഇന്ത്യന്‍ സൊസൈറ്റി ഫോര്‍ ബിഹേവിയറല്‍ സയന്‍സും, ഇന്‍സ്റ്റിറ്റിയൂട്ട് ഫോര്‍ കോ-ഓപ്പറേറ്റീവ് മാനേജ്മെന്റുമാണ് പരിശീലനം നടത്തുന്നത്. എന്താണ് എഫ്ആ‍ർഡിഐ ബിൽ? ബാങ്കിൽ നിക്ഷേപിച്ച പണം വെള്ളത്തിലാകുമോ??

ലക്ഷ്യം

ബാങ്കിംഗ് മേഖലയിൽ കടുത്ത മത്സരങ്ങൾ നടക്കുന്ന നിലവിലെ സാഹചര്യത്തിൽ ഈ വെല്ലുവിളികളെ അഭിമുഖീകരിക്കുന്നതിന് ജീവനക്കാരെ പ്രാപ്തരാക്കുന്നതിനായാണ് പരിശീലനം നൽകുന്നത്. ഇതിന് അനുസരിച്ചുള്ള നിരവധി പരിശീലന പരിപാടികളാണ് ആസൂത്രണം ചെയ്തിരിക്കുന്നത്. കൂടുതൽ പലിശ വേണോ? വലിയ ബാങ്കുകളുടെ പിന്നാലെ പോകേണ്ട; ഈ ബാങ്കുകളാണ് ബെസ്റ്റ്

കേരളത്തിന്റെ സ്വന്തം ബാങ്ക്

സഹകരണ ബാങ്കിംഗ് മേഖലയുടെ അടിമുടി മാറ്റമാണ് കേരള ബാങ്ക് എന്ന ആശയത്തിലൂടെ ലക്ഷ്യമിടുന്നത്. മുഖ്യമന്ത്രി പിണറായി വിജയനാണ് ഈ ആശയം ആദ്യം മുന്നോട്ടുവച്ചത്. കേരള ബാങ്ക് രൂപീകരിക്കുന്നതോടെ സർക്കാറിന്റെ പദ്ധതികൾ കേരള ബാങ്കിലൂടെ നടപ്പാക്കാൻ സാധ്യയുണ്ടെന്നാണ് സൂചന. കേരള ബാങ്ക് ഉടൻ!!! 5050 ജീവനക്കാരുടെ ജോലി ആശങ്കയിൽ

പ്രാരംഭ മൂലധനം

50000 കോടിയാണ് കേരളാ ബാങ്കിന്റെ പ്രാരംഭ മൂലധനമായി കണക്കാക്കിയിരിക്കുന്നത്. വിവിധ ബാങ്കുകളിലുള്ള ഡിപ്പോസിറ്റ് ഫണ്ടുകളുടെ ഭാഗിക കൈമാറ്റമോ പരിവർത്തനമോ വഴിയാകും ഈ തുക കണ്ടെത്തുക. കേരള ബാങ്ക് ചിങ്ങം ഒന്നിന്; സഹകരണ ബാങ്കിംഗ് മേഖലയിൽ അടിമുടി മാറ്റം