ഏപ്രിൽ മാസത്തെ അപേക്ഷിച്ച് മേയിലെ ചരക്കു സേവന നികുതി (ജിഎസ്ടി) വരുമാനത്തിൽ വൻ കുറവ്. ഏപ്രിലിൽ 1.03 ലക്ഷം കോടി രൂപയായിരുന്ന ജിഎസ്ടി വരുമാനം ഇത്തവണ 94,016 കോടി രൂപയിലേയ്ക്കാണ് താഴ്ന്നത്.

എന്നിരുന്നാലും 2017-18 സാമ്പത്തിക വർഷത്തിലെ ശരാശരി പ്രതിമാസ വരുമാനമായ 89,885 കോടി രൂപയേക്കാൾ കൂടുതലാണ് മേയ് മാസത്തിലെ വരുമാനമെന്ന് ധ​ന​കാ​ര്യ സെ​ക്ര​ട്ട​റി ഹ​സ്മു​ഖ് അ​ധ്യ പ​റ​ഞ്ഞു. പ്ര​തി​മാ​സം ഒ​രു​ ല​ക്ഷം കോ​ടി രൂ​പ​യാ​ണ് ജി​എ​സ്ടി​യാ​യി കി​ട്ടു​മെ​ന്നു ബ​ജ​റ്റി​ൽ പ്ര​തീ​ക്ഷ​ വ​ച്ചി​രി​ക്കു​ന്ന​ത്.

ഇ- വേ ​ബി​ൽ ന​ട​പ്പാ​ക്കി​യി​ട്ടും ഏ​പ്രി​ൽ മാ​സ​ത്തെ വ്യാ​പാ​ര​ത്തി​നു​ള്ള ജി​എ​സ്ടി പി​രി​വ് കു​റ​വാ​യിരുന്നു. ഇന്റ‍ർ സ്റ്റേറ്റ് ഇ-വേ ബിൽ ഏപ്രിൽ ഒന്നിനാണ് ആരംഭിച്ചത്. ഇൻട്രാ സ്റ്റേറ്റ് ജൂലൈ മൂന്ന് മുതൽ നിലവിൽ വരുമെന്നാണ് വിവരം.

മേ​യ് മാ​സ​ത്തി​ൽ സി​ജി​എ​സ്ടി 15,866 കോ​ടി, എ​സ്ജി​എ​സ്ടി 21,691 കോ​ടി, ഐ​ജി​എ​സ്ടി 49,120 കോ​ടി, സെ​സ് 7,339 കോ​ടി എ​ന്നി​ങ്ങ​നെ​യാ​ണ് പി​രി​വ്.

malayalam.goodreturns.in