Just In
-
-
-
-
Don't Miss
-
യുപിയില് വന് ട്വിസ്റ്റ്; അഖിലേഷ് യാദവ് ലോക്സഭാ തിരഞ്ഞെടുപ്പില് മത്സരിക്കും, കനോജില് തീപ്പാറും -
നായികമാര് ഇല്ലാതാവുന്ന ഫഹദ് ചിത്രങ്ങള്? 'ആണ്-പെണ് ബന്ധം എക്സ്പ്ലോര് ചെയ്യാന് ആഗ്രഹമുണ്ട്' -
IPL 2024: ഗില് ലോക മണ്ടന്, ഇങ്ങനെയൊരു ദുരന്തം ക്യാപ്റ്റന്സിയില്ല! ജിടിയെ തോല്പ്പിച്ച പിഴവിതാ -
ഒരു രക്ഷയുമില്ലാത്ത രുചിയും ലുക്കും, നിമിഷങ്ങള് കൊണ്ട് ബനാന ബ്രെഡ് പുഡ്ഡിംഗ് ഉണ്ടാക്കാം -
തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച -
DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
ദില്ലി: ഓരോ അനൗണ്‍സ്‌മെന്റിനു ശേഷവും ഉറക്കെ ജയ്ഹിന്ദ് വിളിക്കാന്‍ എയര്‍ ഇന്ത്യ കാബിന്‍ ക്രൂവിന് കമ്പനി ചെയര്‍മാന്‍ അശ്വനി ലൊഹാനിയുടെ നിര്‍ദ്ദേശം. വിമാനത്തില്‍ വച്ച് നല്‍കുന്ന ഓരോ അറിയിപ്പിനും ശേഷം അല്‍പം നിര്‍ത്തി നല്ല ആവേശത്തോടെ ജയ്ഹിന്ദ് പറയാനാണ് എല്ലാ ജീവനക്കാര്‍ക്കും നിര്‍ദ്ദേശം നല്‍കിയിരിക്കുന്നത്. ഇതുമായി ബന്ധപ്പെട്ട് എയര്‍ ഇന്ത്യയുടെ ഡയരക്ടര്‍ ഓഫ് ഓപറേഷന്‍സ് കാപ്റ്റന്‍ അമിതാബ് സിംഗ് സര്‍ക്കുലര്‍ ഇറക്കിക്കഴിഞ്ഞു. ഉടന്‍ പ്രാബല്യത്തോടെ നിര്‍ദ്ദേശം നടപ്പിലാക്കാനാണ് സര്‍ക്കുലറില്‍ പറയുന്നത്.
അതിര്‍ത്തിയിലെ സംഘര്‍ഷങ്ങളുടെ പശ്ചാത്തലത്തില്‍ ദില്ലിയില്‍ നിന്ന് ശ്രീനഗര്‍, ജമ്മു, ലേ എന്നിവിടങ്ങളിലേക്കുള്ള ടിക്കറ്റ് നിരക്ക് എല്ലാ യാത്രക്കാര്‍ക്കും 5000 രൂപയായി നിജപ്പെടുത്താന്‍ കഴിഞ്ഞയാഴ്ച എയര്‍ ഇന്ത്യ തീരുമാനിച്ചിരുന്നു. സൈനികര്‍ക്കും അര്‍ധ സൈനികര്‍ക്കും മാര്‍ച്ച് ആദ്യ വാരം വരെയുള്ള തീയതികളില്‍ യാത്രാ തീയതി മാറ്റുന്നതിന് ഈടാക്കുന്ന അധിക ചാര്‍ജ് ഒഴിവാക്കി നല്‍കാനും തീരുമാനമെടുത്തിരുന്നു. ഇന്ത്യാ-പാക് സംഘര്‍ഷത്തിന്റെ പശ്ചാത്തലത്തില്‍ അവധി പാതിവഴിക്ക് അവസാനിപ്പിച്ച് തിരികെയെത്തുന്ന സൈനികര്‍ക്ക് സഹായകമാവാന്‍ വേണ്ടിയാണിത്.
യാത്ര ചെയ്യാനെത്തുന്ന സൈനികര്‍ക്ക് വിമാനത്തില്‍ മുന്തിയ പരിഗണന നല്‍കാനുള്ള തീരുമാനവും എയര്‍ ഇന്ത്യ നേരത്തേ കൈക്കൊണ്ടിരുന്നു. സൈനികരെ നേരത്തേ തന്നെ വിഐപി ലോഞ്ചിലേക്ക് എത്തിക്കുക, അവര്‍ക്ക് മറ്റുള്ളവരെക്കാള്‍ മുമ്പ് വിമാനത്തില്‍ കയറാന്‍ അവസരം നല്‍കുക തുടങ്ങിയ പരിഗണനകള്‍ സൈനികര്‍ക്ക് നല്‍കാനായിരുന്നു തീരുമാനം.
