ജിയോയുടെ പേരിൽ ഉപഭോക്താക്കൾക്ക് അയയ്ക്കുന്ന വ്യാജ എസ്എംഎസുകൾ സംബന്ധിച്ച് മുന്നറിയിപ്പുമായി റിലയൻസ് ജിയോ. ടെലികോം ഓപ്പറേറ്റർ നൽകിയതായി അവകാശപ്പെടുന്ന അടുത്തിടെ പുറത്തിറങ്ങിയ വ്യാജ എസ്എംഎസ് ഉപയോക്താക്കൾക്ക് 25 ജിബിയുടെ സൗജന്യ ഡാറ്റയാണ് വാഗ്ദാനം ചെയ്യുന്നത്.
6 മാസത്തേക്ക് ജിയോ ദിവസവും 25 ജിബി ഡാറ്റ സൗജന്യമായി നൽകുന്നുവെന്നതാണ് വ്യാജ എസ്എംഎസ്. ആപ്ലിക്കേഷൻ ഡൗൺലോഡ് ചെയ്ത് ഓഫർ സജീവമാക്കുന്നതിന് രജിസ്റ്റർ ചെയ്യുക എന്നും എസ്എംഎസിൽ നൽകിയിട്ടുണ്ട്. ഈ മെസേജ് ലഭിച്ച ഉപഭോക്താവ് റിലയൻസ് ജിയോയിൽ റിപ്പോർട്ടുചെയ്തപ്പോഴാണ് ഇത് ഒരു വ്യാജ സന്ദേശമാണെന്ന് കമ്പനി വ്യക്തമാക്കിയത്. ജിയോയുടെ പേര് ഉപയോഗിച്ച് ഉപഭോക്താക്കളെ കബളിപ്പിക്കുന്ന തന്ത്രമാണിത്.
ജിയോ ഫൈബർ ബ്രോഡ്ബാൻഡ് പ്ലാനുകൾ ഇവയാണ് അപേക്ഷിക്കേണ്ടത് എങ്ങനെ?
ജിയോ ഇത്തരം സന്ദേശങ്ങൾ അയച്ചിട്ടില്ലെന്നും ജിയോയുടെ ഓഫറുമായി ബന്ധപ്പെട്ട എല്ലാ വിവരങ്ങളും നിങ്ങളുടെ MyJio അപ്ലിക്കേഷനിലും http://Jio.com ലും ലഭ്യമാണെന്നും കമ്പനി വ്യക്തമാക്കി. ജിയോ അടുത്തിടെ ജിയോ ഫൈബർ ബ്രോഡ്ബാൻഡ് സേവനം ആരംഭിച്ചിരുന്നു.
മറ്റൊരു ജിയോ ഉപഭോക്താവ് തനിക്ക് ലഭിച്ച വാട്ട്സ്ആപ്പ് സന്ദേശത്തിന്റെ സ്ക്രീൻഷോട്ട് ട്വീറ്റ് ചെയ്തിരുന്നു. ഇതിൽ ജിയോയുടെ മാത്രമല്ല, എയർടെൽ, വോഡഫോൺ ഐഡിയ, പേടിഎം എന്നിവയുടെ ലോഗോയും ഉണ്ടായിരുന്നു. ഒരു ലോട്ടറി നമ്പർ നൽകി, 25 ലക്ഷം രൂപയുടെ ലോട്ടറി നേടിയെന്നാണ് ഈ സന്ദേശത്തിലുണ്ടായിരുന്നത്. ഫാക്സ് വഴി പ്രചരിക്കുന്ന ഒരു കത്തിനെതിരെ റിലയൻസ് ഇൻഡസ്ട്രീസ് ലിമിറ്റഡ് നേരത്തെ ഒരു തട്ടിപ്പ് മുന്നറിയിപ്പ് നൽകിയിരുന്നു. കത്തിൽ മുകേഷ് അംബാനിയുടെ വ്യാജ ഒപ്പുകൾ പോലും ഉണ്ടായിരുന്നു.
ജിയോയ്ക്ക് പിന്നാലെ മുകേഷ് അംബാനിയുടെ പുതിയ ബിസിനസ്; ഇത്തവണ പണി കിട്ടുന്നത് ആർക്കൊക്കെ?
malayalam.goodreturns.in