Just In
-
-
-
-
Don't Miss
-
ഷാരൂഖ് ഖാനെ പ്രണയിച്ച് അഭിനയിക്കണമെന്നാണ് ആഗ്രഹം! മുന്പ് നടക്കാതെ പോയതിനെ പറ്റി നടി വിദ്യ ബാലന് -
T20 World Cup 2024: വീണ്ടുമൊരു ലോകകപ്പ് കളിക്കാന് ഡിക്കെ റെഡി! ധോണിയോ? തുറന്നു പറഞ്ഞ് രോഹിത് -
'അഴിച്ചുവിട്ട' മുതലിനെ ഏറ്റുവാങ്ങാൻ സമയമായി! നേരേ ഫ്ലിപ്പ്കാർട്ടിലേക്ക് വിട്ടോ, ദേ ഇത് വാങ്ങിക്കോ -
നിസ്സാര കാര്യത്തിന് പിണങ്ങുന്ന പങ്കാളി, ബ്രേക്ക് അപ്പ് ആകാതെ ബന്ധം കാക്കാന് 7 കാര്യം -
ബേസ് മോഡലിന് വരെ ഗംഭീര മൈലേജും ഉഗ്രൻ സേഫ്റ്റിയും; 9 പേർക്ക് അടിച്ച്പൊളിച്ച് പോവാൻ ബൊലേറോ നിയോ പ്ലസ് -
ട്രെന്ഡ് മാറി സ്വര്ണ വിപണി; സ്വര്ണ വില താഴുന്നു; അല്പ്പം കാത്തിരിക്കാം... ഇന്ന് നേരിയ കുറവ് മാത്രം -
മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
മാളുകളും ഷോപ്പിംഗ് സെന്ററുകളിലും കാണുന്ന മിക്ക കടകളും ഇന്ന് ഫ്രാഞ്ചൈസി അടിസ്ഥാനത്തിൽ നടത്തുന്നവയാണ്. നല്ല സർവീസും മികച്ച ഉപഭോക്തൃ ഇടപെടലും നടത്താൻ സാധിക്കുന്ന സംരംഭകത മനസുള്ളവർക്ക് ഇന്നത്തെ സമൂഹത്തിൽ വിജയിപ്പിച്ചെടുക്കാൻ സാധിക്കുന്നൊരു ബിസിനസ് മോഡലാണ് ഫ്രാഞ്ചൈസികൾ. തിരഞ്ഞെടുക്കുന്ന ഫ്രാഞ്ചൈസിയ്ക്ക് പ്രദേശത്ത് ആവശ്യക്കാരുണ്ടോകുമോ ഉത്പ്പന്നത്തിന്റെ വില താങ്ങാൻ സാധിക്കുന്ന സാമ്പത്തിക ശേഷിയുള്ളവരാണോ എന്നീ കാര്യങ്ങൾ ശ്രദ്ധിക്കേണ്ടതുണ്ട്.
മിക്ക ഫ്രാഞ്ചൈസി ബിസിനസുകളിലും ഫ്രാഞ്ചൈസി തുകയാണ് പലരെയും പിന്നോട്ടടിക്കുന്നത്. കുറഞ്ഞ ചെലവിൽ ആരംഭിക്കാൻ സാധിക്കുന്ന ഫ്രാഞ്ചൈസികൾ റീട്ടെയിൽ, കഫേ, ഹെൽത്ത് കെയർ, വിദ്യാഭ്യാസം എന്നീ മേഖലകളിലായിരിക്കും കൂടുതലുണ്ടാകുന്നത്. ഇത്തരത്തിൽ കുറഞ്ഞ ചെലവിൽ ആരംഭിക്കാൻ സാധിക്കുന്ന ഫ്രാഞ്ചൈസികളെ പരിചയപ്പെടുത്തുകയാണ് ഈ ലേഖനം.
കഫേ കോഫി ഡേ
ഭക്ഷ്യ രംഗത്ത്, പ്രത്യേകിച്ച കഫേ രീതികളിൽ താൽപര്യമുള്ളവർക്ക് ചുരുങ്ങിയ ചെലവിൽ പരിഗണിക്കാവുന്ന ഫ്രാഞ്ചൈസി മോഡലാണ് കഫേ കോഫി ഡേ. ഇന്ത്യൻ ബ്രാൻഡാണെങ്കിലും വിദേശത്തടക്കം കഫേ കോഫി ഡേയ്ക്ക് സാന്നിധ്യമുണ്ട്. നേപ്പാൾ, ബംഗ്ലാദേശ്, ഈജിപ്ത്, വിയന്ന, ചെക്ക് റിപ്പബ്ലിക്ക് തുടങ്ങി വിവിധ രാജ്യങ്ങളിലെ 200 നഗരങ്ങളിലായി 1700 കോഫി ഷോപ്പുകൾ കഫേ കോഫി ഡേയ്ക്കുണ്ട്.
കഫേ കോഫി ഡേയുടെ ഫ്രാഞ്ചൈസി ആരംഭിക്കാൻ ഉദ്യേശിക്കുന്നവർക്ക് ആവശ്യമായ നിക്ഷേപം 5 ലക്ഷം മുതൽ 10 ലക്ഷം രൂപ വരെയാണ്. 1,000 മുതൽ 1,500 ചതുരശ്ര അടി വിസ്തീർണമുള്ള സ്ഥലവും ആവശ്യമാണ്. തിരഞ്ഞെടുക്കുന്ന സ്ഥലത്തിന് മുൻഭാഗത്തായി 25 അടിയുടെ വിശാലമായ പാർക്കിംഗും ആവശ്യമാണ്.
പതഞ്ജലി
കുറഞ്ഞ ചെലവില്‍ ആരംഭിക്കാവുന്ന മറ്റൊരു ഫ്രാഞ്ചൈസി മോഡലാണ് പതഞ്ജലി. പതഞ്ജലി ബ്രാൻഡിന്റെ വിജയത്തിന് ശേഷം സൗന്ദര്യ വർധക ഉത്പ്പന്നങ്ങൾ, ആരോഗ്യ സരംക്ഷണം, വ്യക്തിഗത പരിചകണം, ഭക്ഷ്യ വസ്തുക്കൾ എന്നീ മേഖലകളിലേക്കും ബിസിനസ് വ്യാപിപ്പിച്ചിട്ടുണ്ട്.
2006 ൽ പ്രവർത്തനം ആരംഭിച്ച പതഞ്ജലിക്ക് ഇന്ന് രാജ്യത്ത് ഏകദേശം 47,000ത്തിലധികം റീട്ടെയിൽ ഔട്ട്ലെറ്റുകളുണ്ട്. രാജ്യത്തുടനീളം വ്യാപകമായ ജനപ്രീതി പത്ഞ്ജലി ഉത്പ്പന്നങ്ങൾക്കുണ്ട്. ഇതിന്റെ ഭാഗമായി പതഞ്ജലി ഔട്ട്ലെറ്റിന്റെ ഫ്രാഞ്ചൈസി വാങ്ങുന്നത് ലാഭകരമാകും. നിലവിൽ പതഞ്ജലിയുടെ ഫ്രാഞ്ചൈസി തുറക്കാൻ ചുരുങ്ങിയത് 500 ചതുരശ്ര അടിയുള്ള സ്ഥലവും കുറഞ്ഞത് 7 ലക്ഷം രൂപയുടെ നിക്ഷേപവും ആവശ്യമാണ്.
പിഎംകെവിവൈ
നൈപുണ്യ വികസന സംരംഭകത്വ മന്ത്രാലയത്തിന്റെ പ്രധാന പദ്ധതികളിലൊന്നാണ് പ്രധാനമന്ത്രി കൗശല്‍ വികാസ് യോജന (പിഎംകെവിവൈ). ദേശിയ നൈപുണ്യ വികസന കോര്‍പ്പറേഷനാണ് പദ്ധതി നടപ്പിലാക്കുന്നത്. ഈ സ്‌കില്‍ സര്‍ട്ടിഫിക്കേഷന്‍ പ്രോഗ്രാം വഴി രാജ്യത്തെ യുവാക്കള്‍ക്ക് ഇന്‍ഡസ്ട്രിയുമായി ബന്ധപ്പെട്ട തൊഴില്‍ നൈപുണ്യം നല്‍കുകയാണ് പിഎംകെവിവൈ ലക്ഷ്യമിടുന്നത്. ഇതിനായി പിഎംകെവിവൈ ട്രെയിനിംഗ് സെന്ററുകള്‍ ഫ്രാഞ്ചൈസി അടിസ്ഥാനത്തില്‍ ആരംഭിക്കാനാകും.
പരിശീലന പങ്കാളിയാകാന്‍ സ്‌കില്‍ മാനേജ്‌മെന്റ് ആന്‍ഡ് അക്രിഡിറ്റേഷന്‍ ഓഫ് ട്രെയിനിംഗ് സെന്റര്‍സ് സ്റ്റാന്‍ഡേര്‍ഡ് പാലിക്കേണ്ടതുണ്ട്. വാര്‍ഷിക അക്രിഡിറ്റേഷന്‍ ഫീസായി 12,000 രൂപയും വാര്‍ഷിക മോണിറ്ററിംഗ് ചെലവുകള്‍ക്കായി 8,000 രൂപയും ആവശ്യമാണ്.
ആർച്ചസീസ്
കുറഞ്ഞ സ്ഥലത്ത് കുറഞ്ഞ നിക്ഷേപത്തിൽ ആരംഭിക്കാവുന്ന മറ്റൊരു ഫ്രാഞ്ചൈസിയാണ് ആർച്ചീസിന്റേത്. ഗിഫ്റ്റിംഗ്, ക്രാഫ്റ്റ് മേഖലകളിൽ താൽപര്യമുള്ളവർക്ക് ആർച്ചീസിന്റെ ഫ്രാഞ്ചൈസികൾ തിരഞ്ഞെടുക്കാവുന്നതാണ്. ഗ്രീറ്റിംഗ്സ് കാർഡുകൾ, സമ്മാനങ്ങൾ, ശില്പങ്ങൾ തുടങ്ങിയവയാണ് ആർച്ചീസിൽ വില്പന നടക്കുന്നത്. പിറന്നാൾ അവസരങ്ങൾ, വാലന്റൈൻസ് ഡേ തുടങ്ങിയ ആഘോഷ വേളകളിൽ അനുസരിച്ചുള്ള ഗിഫ്റ്റുകളും കാർഡുകളും ആർച്ചീസ് ജനങ്ങളിലേക്ക് എത്തിക്കുന്നു.
1979 ൽ ആരംഭിച്ച കമ്പനി രാജ്യത്തുടനീളം ഔട്ട്ലെറ്റുകൾ വഴി ബിസിനസ് വ്യാപിക്കുകയാണ്. അധിക ജീവനക്കാരെ ആവശ്യമില്ലാതെ ഫ്രാഞ്ചൈസി ഉടമയ്ക്ക് തന്നെ നടത്തി കൊണ്ടു പോകാൻ സാധിക്കുന്ന ബിസിനസ് സാധ്യതകളിലൊന്നാണ് ആർച്ചീസ് ഫ്രാഞ്ചൈസി. 500 ചതുരശ്ര അടി വിസ്തീർണവും കുറഞ്ഞത് 10 ലക്ഷം രൂപയും ആർച്ചീസ് ഫ്രാഞ്ചൈസിക്ക് ആവശ്യമായി വരും.
