റെയിൽവേയുടെ അടിസ്ഥാന ആവശ്യങ്ങൾക്കനുസരിച്ച് വിദ്യാർത്ഥികളെ പരിശീലിപ്പിക്കാൻ ഇന്ത്യൻ റെയിൽവേ പുതിയ കോഴ്സുകൾ ആരംഭിച്ചു. റെയിൽവേ ഇൻഫ്രാസ്ട്രക്ചർ മാനേജ്മെന്റ്, സിസ്റ്റംസ് & കമ്മ്യൂണിക്കേഷൻ എഞ്ചിനീയറിംഗ്, ട്രാൻസ്പോർട്ടേഷൻ കം സപ്ലൈ ചെയിൻ മാനേജ്മെൻറ് എന്നിങ്ങനെ മികച്ച 7 അക്കാദമിക് കോഴ്സുകളാണ് റെയിൽവേ പ്രഖ്യാപിച്ചിരിക്കുന്നത്.
കോഴ്സുകൾ
നാഷണൽ റെയിൽ & ട്രാൻസ്പോർട്ടേഷൻ ഇൻസ്റ്റിറ്റ്യൂട്ടിന് (എൻആർടിഐ) കീഴിലുള്ള കോഴ്സുകളിൽ രണ്ട് ബി ടെക് യുജി കോഴ്സുകൾ, രണ്ട് എംബിഎ, മൂന്ന് എംഎസ്സി കോഴ്സുകൾ എന്നിവയാണ് ഉൾപ്പെടുത്തിയിരിക്കുന്നത്. റെയിൽ ഇൻഫ്രാസ്ട്രക്ചർ, റെയിൽ സിസ്റ്റംസ് ആൻഡ് കമ്മ്യൂണിക്കേഷൻസ് എഞ്ചിനീയറിംഗ് എന്നിവയിലാണ് രണ്ട് ബിടെക് കോഴ്സുകൾ ശ്രദ്ധ കേന്ദ്രീകരിച്ചിരിക്കുന്നത്.
റെയിൽവേയും ഉടൻ സ്വകാര്യവത്കരിക്കും; മോദി സർക്കാരിന്റെ പദ്ധതി ഇങ്ങനെ, ആദ്യ നീക്കം ആരംഭിച്ചു
എംബിഎ, എംഎസ്സി
എംബിഎ പ്രോഗ്രാമുകൾ ഗതാഗത, വിതരണ ശൃംഖല കൈകാര്യം ചെയ്യുന്നതിലാണ് ശ്രദ്ധ കേന്ദ്രീകരിച്ചിരിക്കുന്നത്. വരും വർഷങ്ങളിൽ ഈ കോഴ്സുകൾക്ക് ഉയർന്ന മുൻഗണന ലഭിക്കുമെന്ന് റെയിൽവേ ഒരു പ്രസ്താവനയിൽ അവകാശപ്പെട്ടു. സിസ്റ്റംസ് എഞ്ചിനീയറിംഗ്, ഇന്റഗ്രേഷൻ, സിസ്റ്റംസ് ആൻഡ് അനലിറ്റിക്സ്, പോളിസി, ഇക്കണോമിക്സ് എന്നിവയിലാണ് എംഎസ്സി പ്രോഗ്രാമുകൾ ശ്രദ്ധ കേന്ദ്രീകരിച്ചിരിക്കുന്നത്.
പ്രധാനമന്ത്രി ഇ-വിദ്യാ പദ്ധതിക്ക് തുടക്കം; ഒന്ന് മുതൽ 12 വരെ എല്ലാ ക്ലാസുകളിലും ടിവി
വിദേശ സർവ്വകലാശാലയുമായി സഹകരിച്ച്
യുകെയിലെ ബർമിംഗ്ഹാം സർവകലാശാലയുമായി സഹകരിച്ചാണ് സിസ്റ്റം എഞ്ചിനീയറിംഗ്, ഇന്റഗ്രേഷൻ എന്നീ എംഎസ്സി പ്രോഗ്രാം വാഗ്ദാനം ചെയ്യുന്നത്. അതുകൊണ്ട് തന്നെ ഇത് വളരെ പ്രതീക്ഷ നൽകുന്ന കോഴ്സുകളാണ്. ഈ കോഴ്സുകൾ ഉയർന്ന നിലവാരവും പ്രവർത്തനാധിഷ്ഠിതവുമാണെന്ന് റെയിൽവേ അവകാശപ്പെടുന്നു. ഇന്ത്യയിലെ മറ്റൊരു സ്ഥാപനവും ഇത്തരത്തിൽ ഒരു കോഴ്സ് വാഗ്ദാനം ചെയ്യുന്നില്ലെന്നും റെയിൽവേ അവകാശപ്പെടുന്നു.
പഠന രീതി
വളരെ പരീക്ഷണാത്മകവും ആപ്ലിക്കേഷൻ അധിഷ്ഠിതവുമായ പഠന സമീപനത്തിലൂടെ ഈ പ്രോഗ്രാമുകൾ പഠിച്ചിറങ്ങുന്ന വിദ്യാർത്ഥികൾക്ക് രാഷ്ട്രനിർമ്മാണത്തിൽ വലിയ മാറ്റമുണ്ടാക്കാൻ കഴിയുമെന്ന് റെയിൽവേ ബോർഡ് ചെയർമാനും സിഇഒയുമായ ശ്രീ വി കെ യാദവ് പറഞ്ഞു. രാഷ്ട്രനിർമ്മാണത്തോടുള്ള സമർപ്പണം, ആളുകളോടും സമൂഹത്തോടുമുള്ള അനുകമ്പ, പരിസ്ഥിതിയോടുള്ള ഉത്തരവാദിത്തം എന്നിങ്ങനെ ഒരു കൂട്ടം അടിസ്ഥാന മൂല്യങ്ങൾ കൂടി വികസിപ്പിക്കാൻ ഉദ്ദേശിച്ചുള്ളതാണ് ഈ കോഴ്സുകളെന്ന് അദ്ദേഹം കൂട്ടിച്ചേർത്തു.
വിദ്യാഭ്യാസ വായ്പ എടുത്തിട്ടുണ്ടോ? എങ്കിൽ തിരിച്ചടവ് ചിലവ് കുറയ്ക്കാൻ ഈ കാര്യങ്ങൾ ശ്രദ്ധിക്കുക