ജിയോ വരിക്കാർ അറിഞ്ഞോ? 98 രൂപ, 149 രൂപ പ്രീപെയ്ഡ് പ്ലാനുകൾ വീണ്ടും ആരംഭിച്ചു, നേട്ടങ്ങൾ ഇതാ..

98 രൂപയുടെ പ്ലാൻ

98 രൂപ പ്ലാൻ അനുസരിച്ച് ഉപഭോക്താക്കൾക്ക് 28 ദിവസത്തെ വാലിഡിറ്റിയിൽ 2 ജിബി ഡാറ്റയും 300 എസ്എംഎസും കോംപ്ലിമെന്ററി ജിയോ ആപ്ലിക്കേഷനുകൾ, ജിയോ ടു ജിയോ നെറ്റ്‌വർക്കിലേക്ക് സൌജന്യ പരിധിയില്ലാത്ത കോളുകളും ലഭിക്കും. എന്നിവയ്ക്കും ഉപയോക്താക്കൾക്ക് അർഹതയുണ്ട്. എന്നാൽ സൌജന്യ ഐ‌യു‌സി മിനിറ്റ് പ്ലാൻ ഇതിൽ ഉൾപ്പെടുന്നില്ല. പ്രതിമാസ ഡാറ്റ ക്വാട്ട തീർന്നു കഴിഞ്ഞാൽ ഉപയോക്താക്കൾക്ക് 64 കെബിപിഎസ് വേഗതയിൽ ഡാറ്റ ലഭിക്കും.

149 രൂപയുടെ പ്ലാൻ

റിലയൻസ് ജിയോയുടെ 149 രൂപയുടെ പ്ലാൻ പ്രകാരം, വരിക്കാർക്ക് പ്രതിദിനം ഒരു ജിബി ഡാറ്റ ലഭിക്കും. പ്ലാനിൽ സൌജന്യ ജിയോ ടു ജിയോ കോളിംഗും 300 മിനിറ്റ് ജിയോ ടു നോൺ-ജിയോ കോളുകളും ഉൾപ്പെടുന്നു. ഉപയോക്താക്കൾക്ക് പ്രതിദിനം 100 എസ്എംഎസും കോംപ്ലിമെന്ററി ജിയോ ആപ്ലിക്കേഷൻ സബ്സ്ക്രിപ്ഷനും ലഭിക്കും. ഈ പദ്ധതിയുടെ സാധുത 24 ദിവസമാണ്.

എയർടെല്ലിനും വൊഡാഫോൺ ഐഡിയയ്ക്കും പിന്നാലെ

എയർടെല്ലും വോഡഫോൺ ഐഡിയയും മറ്റ് നെറ്റ്‌വർക്കുകളിലേക്ക് സൌജന്യ ഔട്ട്ഗോയിംഗ് കോളുകൾ പ്രഖ്യാപിച്ചതിന് തൊട്ടുപിന്നാലെയാണ് ഏറ്റവും പുതിയ റിലയൻസ് ജിയോ പ്രീപെയ്ഡ് പ്ലാൻ പുറത്തു വരുന്നത്. നേരത്തെ എയർടെല്ലും വൊഡാഫോൺ ഐഡിയയും 28 ദിവസത്തെ കാലാവധിയുള്ള പ്ലാനുകളിൽ മറ്റ് നെറ്റ്‌വർക്കിലേക്ക് 1,000 മിനിറ്റും 84 ദിവസത്തെ കാലാവധിയിൽ 3,000 മിനിറ്റും 365 ദിവസത്തെ വാലിഡിറ്റി പ്ലാനിൽ 12,000 മിനിറ്റും സൌജന്യ കോളുകൾ മാത്രമേ അനുവദിച്ചിരുന്നുള്ളൂ.

അധിക നേട്ടം

നിരക്ക് വർദ്ധനവ് നടപ്പിലാക്കിയെങ്കിലും മറ്റ് ടെലികോം ഓപ്പറേറ്റർമാരേക്കാൾ മികച്ച ഡാറ്റാ, കോൾ ഓഫറുകളാണ് ജിയോ വാഗ്ദാനം ചെയ്യുന്നത്.
പരിഷ്കരിച്ച പ്ലാനുകൾ മറ്റ് ഓപ്പറേറ്റർമാരുടെ പ്ലാനുകളുമായി താരതമ്യപ്പെടുത്തുമ്പോൾ ഉപഭോക്താക്കൾക്ക് 25 ശതമാനം വരെ അധിക നേട്ടം വാഗ്ദാനം ചെയ്യുന്നുണ്ട്.