Just In
-
-
-
-
Don't Miss
-
T20 World Cup: ലോകകപ്പില് രോഹിത്തും കോലിയും ഓപ്പണ് ചെയ്യണം; ഇന്ത്യയ്ക്ക് തന്ത്രമോതി ഇതിഹാസ താരം -
അതെന്റെ ഭാവിയെ ഭയപ്പെടുത്തുന്നു എന്നത് സത്യാവസ്ഥയാണ്; റിയാസ് പറഞ്ഞത് തന്റെ വ്യക്തിപരമായ അനുഭവമെന്ന് നാദിറ -
അനിയന്ത്രിതമായ തിരക്ക്, പോളിംഗ് തടസപ്പെട്ടു; നടന് വിജയിക്കെതിരെ പരാതി; വോട്ട് ചെയ്യാനാവാതെ സൂരി -
17 കി.മീ മൈലേജുള്ള ഫാമിലി എസ്യുവി വാങ്ങുന്നവര്ക്ക് സന്തോഷ വാര്ത്ത! 1 മാസം കൊണ്ട് വണ്ടി കൈയ്യില് കിട്ടും -
വോട്ട് ചെയ്യാൻ നാട്ടിൽ വരാം, ബെംഗളുരുവിൽ നിന്ന് ഏപ്രിൽ 25ന് സ്പെഷ്യൽ ബസ്, സമയവും റൂട്ടും -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
നിക്ഷേപ ശീലമില്ലാത്തവരാണെങ്കിൽ ചിട്ടിയായ നിക്ഷേപം രീതി പിന്തുടരുന്ന പദ്ധതികൾ തിരഞ്ഞെടുക്കുന്നത് വഴി സമ്പാദ്യ ശീലം വളർത്തിയെടുക്കാൻ സാധിക്കും. ഇത്തരത്തിൽ മാസ അടവ് വരുന്ന നിരവധി പദ്ധതികൾ ഇന്ന് വിപണിയിലുണ്ട്. റിസ്കെടുക്കാൻ താൽപര്യമില്ലാത്ത പരമ്പരാഗത നിക്ഷേപകർക്ക് അനുയോജ്യമാകുന്നത് ബാങ്ക് ആവർത്തന നിക്ഷേപങ്ങളോ എൽഐസി പോളിസികളോ ആണ്.
കുടുംബത്തിന് സാമ്പത്തിക സുരക്ഷിതത്വം നൽകുന്നതിനാൽ എൽഐസി പോളിസികൾ അല്പം കൂടി മികച്ച ഓപ്ഷനാകുന്നത്. മാസം 725 രൂപ നിക്ഷേപിക്കുന്നൊരാൾക്ക് കാലാവധിയിൽ 5 ലക്ഷം നേടാൻ സാധിക്കുന്നൊരു എൽഐസി പോളിസിയാണ് പരിചയപ്പെടുത്തുന്നത്.
എൽഐസി ജീവന്‍ ലക്ഷ്യ പോളിസി
മൂലധന സുരക്ഷയോടൊപ്പം സ്ഥിരമായ ആദായവും ലഭിക്കുന്ന പദ്ധതിയാണ് എല്‍ഐസി ജീവന്‍ ലക്ഷ്യ പോളിസി. ഇത് ഒരു നോൺ-ലിങ്ക്ഡ്, പാർട്ടിസിപ്പേറ്റിംഗ്, വ്യക്തിഗത, ലൈഫ് അഷ്വറൻസ് പ്ലാൻ ആണ്. പോളിസി ഉടമയ്ക്ക് മെച്യൂരിറ്റി ആനുകൂല്യം ലഭിക്കും. കാലാവധി പൂർത്തിയാകുന്നതിന് മുമ്പ് എപ്പോഴെങ്കിലും പോളിസി ഉടമ നിർഭാഗ്യവശാൽ മരണമടഞ്ഞാൽ, പോളിസി ഉടമയുടെ നോമിനിക്കോ നിയമപരമായ അവകാശിക്കോ ഒറ്റത്തവണ തുക ലഭിക്കുകയും ചെയ്യും.
പ്രായ പരിധി
എൽഐസി ജീവൻ ലക്ഷ്യ പോളിസി വാങ്ങിക്കുവാനുള്ള ഏറ്റവും കുറഞ്ഞ പ്രായം 18 വയസാണ്. ഉയര്‍ന്ന പ്രായം 50 വയസും. എൽഐസി ജീവൻ ലക്ഷ്യ പോളിസിയിൽ പരമാവധി മെച്യുരിറ്റി പ്രായം 65 വയസാണ്. കുറഞ്ഞ സം അഷ്വേഡ് 1 ലക്ഷം രൂപയാണ്. പരമാവധി സം അഷ്വേഡിന് പരിധിയില്ല. 13 വര്‍ഷം മുതല്‍ 25 വര്‍ഷം വരെ പോളിസി കാലാവധി തിരഞ്ഞെടുക്കാം.
പോളിസി കാലാവധിയില്‍ നിന്ന് 3 വര്‍ഷം കുറച്ച് പ്രീമിയം അടച്ചാല്‍ മതിയാകും. അതായത് 25 വര്‍ഷ പോളിസി തിരഞ്ഞെടുത്താല്‍ 22 വര്‍ഷം പ്രീമിയം അടച്ചാൽ മതിയാകും.
പ്രീമിയം
പ്രായത്തിന് അനുസപിച്ചും പോളിസി കാലയളവ് അനുസരിച്ചുമാണ് പ്രീമിയം വരുന്നത്. വ്യത്യസ്ത പ്രായ പരിധിയിലുള്ള പുരുഷന്മാര്‍ക്ക് 1 ലക്ഷം രൂപ സം അഷ്വേഡ് തിരഞ്ഞെടുത്താല്‍ 25 വര്‍ഷ പോളിസിയിലെ വാര്‍ഷിക പ്രീമിയം കണക്കാക്കാം. 20 വയസുകാരന് 4,444 രൂപയാണ് വാര്‍ഷിക പ്രീമിയം വരുന്നത്. 30 വയസുകാരന് 4,562 രൂപും 40 വയസുകാരന് 5,002 രൂപയും പ്രീമിയമായി അടയ്ക്കണം.
നികുതി ആനുകൂല്യങ്ങൾ
പ്രീമിയം അടവ് തുകയ്ക്കും കാലാവധിയിൽ ലഭിക്കുന്ന തുകയ്ക്കും നികുതി ഇളവ് ലഭിക്കും. പ്രീമിയം അടയ്ക്കുന്ന തുക 1.50 ലക്ഷം വരെ ആദായ നികുതി നിയമത്തിലെ സെക്ഷൻ 80സി പ്രകാരം ആദായ നികുതി ഇളവിന് അർഹതയുണ്ട്. കാലാവധിയിൽ ലഭിക്കുന്ന തുകയ്ക്ക് സെക്ഷൻ 10(10ഡി) പ്രകാരം പൂർണമായും നികുതി മുക്തമാണ്. മരണാനുകൂല്യത്തിനും ഇതേ സെക്ഷൻ പ്രകാരം പൂർണമായും നികുതി ഇളവുണ്ട്.
പോളിസി ഉദാഹരണം
2 ലക്ഷം രൂപ അഷ്വേഡ് തുകയുള്ള എല്‍ഐസി ജീവന്‍ ലക്ഷ്യ പ്ലാന്‍ 35-ാം വയസില്‍ 25 വര്‍ഷ കാലയളവിലേക്ക് വാങ്ങുന്നൊരാള്‍ക്ക് വാര്‍ഷിക പ്രീമിയമായി അടയ്‌ക്കേണ്ടി വരുന്നത് നികുതിയടക്കം 9034 രൂപയാണ്. ഇതില്‍ പ്രീമിയം മാസ അടവ് തിരഞ്ഞെടുത്താല്‍ 752 രൂപയാണ് മാസത്തില്‍ അടയ്‌ക്കേണ്ടത്. പോളിസിയെടുത്ത വ്യക്തിക്ക് ലഭിക്കുന്ന മരണാനുകൂല്യവും മെച്യൂരിറ്റി ബെനറിറ്റും നോക്കാം.
പോളിസി വാങ്ങി 4-ാം വര്‍ഷത്തില്‍ പോളിസി ഉടമ മരണപ്പെട്ടാല്‍ 2.20 ലക്ഷത്തിലധികം രൂപ ലഭിക്കും. ഇക്കാലയളവില്‍ അടയ്ക്കുന്ന പ്രീമിയം 36,136 രൂപയാണ്. സം അഷ്വേഡിന്റെ 110 ശതമാനം തുക മരണാനുകൂല്യമായി ലഭിക്കും. 2 ലക്ഷം രൂപ സം അഷ്വേഡുള്ള പോളിസിയില്‍ ഇത് 2.20 ലക്ഷം രൂപയാണ്. ഇതോടൊപ്പം സിംപിള്‍ റിവിഷിനറി ബോണസും ഫൈനല്‍ അഡിഷന്‍ ബോണസും ലഭിക്കും.
25-ാം വര്‍ഷത്തില്‍ കാലാവധിയിലെത്തുമ്പോള്‍ ആകെ പ്രീമിയമായി 1,98,748 രൂപയാണ് അടയ്‌ക്കേണ്ടി വരുന്നത്. 1,000 രൂപയ്ക്ക് 49 രൂപ നിരക്കില്‍ സ്‌പെഷ്യല്‍ റിവിഷറി ബോണസ് പ്രതീക്ഷിച്ചാല്‍ 25 വര്‍ഷത്തേക്ക് 2.45 ലക്ഷം രൂപ ലഭിക്കും. ഇതിനൊപ്പം ഫൈനല്‍ അഡിഷന്‍ ബോണസും ചേരുമ്പോള്‍ 5 ലക്ഷത്തോളം രൂപ കാലാവധിയില്‍ ലഭിക്കും.
