മ്യൂച്വൽ ഫണ്ട് ആണോ ഓഹരി നിക്ഷേപമാണോ 2021ൽ നിങ്ങൾ തിരഞ്ഞെടുക്കുക?

നിക്ഷേപം കൂടി

അതുപോലെ, എയ്ഞ്ചൽ ബ്രോക്കിംഗ് പോലുള്ള മറ്റ് ബ്രോക്കറേജുകളും മുൻ വർഷങ്ങളെ അപേക്ഷിച്ച് ഈ മഹാമാരി വർഷത്തിൽ ഉയർന്ന ക്ലയന്റ് കൂട്ടിച്ചേർക്കലിന് സാക്ഷ്യം വഹിച്ചു. സിസ്റ്റമാറ്റിക് ഇൻ‌വെസ്റ്റ്മെൻറ് പ്ലാൻ (എസ്‌ഐ‌പി) മോഡിലൂടെ മ്യൂച്വൽ ഫണ്ടുകളിൽ നിക്ഷേപിക്കുന്നതിനേക്കാൾ കൂടുതൽ റീട്ടെയിൽ നിക്ഷേപകർ ഇപ്പോൾ ഇക്വിറ്റികളിൽ നേരിട്ട് നിക്ഷേപം നടത്തുന്നുണ്ടെന്ന് വിദഗ്ദ്ധർ പറയുന്നു.

കാരണങ്ങൾ

വർക്ക് ഫ്രം ഹോം രീതിയും ബ്രോക്കറേജുകൾ ഓൺ‌ലൈൻ ക്ലയിൻറ് രജിസ്ട്രേഷൻ സൗകര്യം തുടങ്ങിയതുമാണ് ഓഹരി നിക്ഷേപം വർദ്ധിക്കാനുള്ള പ്രധാന കാരണം. കമ്പനികളിലുടനീളം നിക്ഷേപം വൈവിധ്യവത്കരിക്കുന്നതിന് മ്യൂച്വൽ ഫണ്ടുകൾ റീട്ടെയിൽ നിക്ഷേപകരെ സഹായിക്കുന്നുണ്ടെങ്കിലും, അറിവും പരീക്ഷണങ്ങളും ആവശ്യമുള്ളതിനാൽ ഈ നിക്ഷേപം നടത്താൻ ഒരു റീട്ടെയിൽ നിക്ഷേപകന് പ്രയാസമാണ്.

പ്രത്യേകതകൾ

വിദഗ്ധരുടെ അഭിപ്രായത്തിൽ ഇക്വിറ്റി മ്യൂച്വൽ ഫണ്ടുകളുടെയും ഓഹരികളുടെയും പ്രകടനം വിപണി, വ്യക്തിഗത മേഖലകൾ, സമ്പദ്‌വ്യവസ്ഥ എന്നിവയുടെ പ്രകടനത്തെ ആശ്രയിച്ചിരിക്കുന്നു. മ്യൂച്വൽ ഫണ്ടുകൾ പ്രത്യേകിച്ച് അസ്ഥിരമായ വിപണിയിൽ അപകടസാധ്യത കുറയ്ക്കുന്നതിന് അത്യന്താപേക്ഷിതമാണ്.

മികച്ചത് ഏത്?

മ്യൂച്വൽ ഫണ്ടുകളിൽ എസ്‌ഐ‌പി വഴി നിക്ഷേപിക്കുന്നതിനേക്കാൾ ഓഹരിയിൽ നേരിട്ട് നിക്ഷേപിക്കുന്നതാണ് നല്ലതെന്ന് ചില നിരീക്ഷകർ പറയുന്നു. ചില നിക്ഷേപകർ  പോർട്ട്‌ഫോളിയോയെ രണ്ട് ഭാഗങ്ങളായി വേർതിരിക്കുന്നു. ഹ്രസ്വകാല പോർട്ട്‌ഫോളിയോ, ദീർഘകാല പോർട്ട്‌ഫോളിയോ. ഹ്രസ്വകാല ഭാഗത്തേക്ക് അവർ നേരിട്ട് ഇക്വിറ്റികളിൽ നിക്ഷേപിക്കുന്നു, എന്നാൽ ദീർഘകാല പോർട്ട്‌ഫോളിയോയ്ക്കായി അവർ മ്യൂച്വൽ ഫണ്ടുകളിൽ എസ്‌ഐ‌പിയായി നിക്ഷേപം നടത്തും. അതിനാൽ രണ്ട് നിക്ഷേപവും നിക്ഷേപകൻ തിരഞ്ഞെടുക്കുന്ന രീതിയെ ആശ്രയിച്ചിരിക്കുന്നതിനാൽ ഏതാണ് മികച്ചതെന്ന് പറയാൻ പ്രയാസമാണ്.