പെൻഷൻകാ‍ർക്ക് സന്തോഷ വാ‍ർത്ത; പ്രതിമാസം ഇനി 10,000 രൂ​പ വ​രെ ലഭിക്കും

മുതിർന്ന പൗരന്മാർക്കുള്ള പെൻഷൻ പദ്ധതിയായ പ്ര​ധാ​ന​മ​ന്ത്രി വ​യാ വ​ന്ദ​ന യോ​ജ​ന (പി​എം​വി​വി​വൈ) പ്ര​കാ​ര​മു​ള്ള നി​ക്ഷേ​പ പ​രി​ധി ഇരട്ടിയാക്കി. ഏ​ഴ​ര​ ല​ക്ഷം രൂ​പ​യി​ൽ ​നി​ന്ന് 15 ല​ക്ഷം രൂ​പ​യാ​യാണ് നിക്ഷേപ പരിധി ഉ​യ​ർ​ത്തിയത്. ഇ​തു​വഴി പെൻഷൻകാർക്ക് ഇനി മുതൽ പ്ര​തി​മാ​സം 10,000 രൂ​പ വ​രെ പെ​ൻ​ഷ​ൻ ല​ഭി​ക്കും.

പ്രായപരിധി

60 വ​യ​സ് ക​ഴി​ഞ്ഞ​വ​ർ​ക്ക് സ്ഥി​ര​ വ​രു​മാ​നം ഉ​റ​പ്പാ​ക്കാ​നു​ള്ള​താ​ണ് പ്ര​ധാ​ന​മ​ന്ത്രി വ​യാ വ​ന്ദ​ന യോ​ജ​ന. ഇ​തു​വ​രെ പ​ര​മാ​വ​ധി നി​ക്ഷേ​പം ഏ​ഴ​ര​ല​ക്ഷം രൂ​പ​യാ​യി​രു​ന്നു. അ​ത് ഇ​ര​ട്ടി​യാക്കിയപ്പോൾ ഇനി പെൻഷനും ഇ​ര​ട്ടിയാകും.

പലിശ നിരക്ക്

നി​ക്ഷേ​പ തു​ക​യ്ക്കു 10 വ​ർ​ഷ​ത്തേ​ക്ക് പ്ര​തി​വ​ർ​ഷം എ​ട്ടു ശ​ത​മാ​നം പ​ലി​ശയാണ് സർക്കാർ വാഗ്ദാനം ചെയ്യുന്നത്. എ​ൽ​ഐ​സി വഴിയാണ് പദ്ധതിയുടെ ന​ട​ത്തി​പ്പ്. എ​ൽ​ഐ​സി​ക്കു ല​ഭി​ക്കുന്ന വ​രു​മാ​നം എ​ട്ടു ശ​ത​മാ​ന​ത്തി​ൽ കു​റ​വാ​യാ​ൽ ബാക്കി തുക കേ​ന്ദ്രം ന​ൽകും.

ലോൺ പോളിസി

ഉടമകൾക്ക് നിക്ഷേപ തുകയുടെ 75% വരെ വായ്പ ലഭ്യമാകും. എന്നാൽ വായ്പാ തിരിച്ചടവ് നിങ്ങൾക്ക് ലഭിക്കുന്ന പെൻഷൻ തുകയിൽ നിന്ന് ഈടാക്കുന്നതാണ്.

പണം പിൻവലിക്കൽ

ഉപഭോക്താവിന്റെയോ പങ്കാളിയുടെയോ ഗുരുതരമായ രോഗ ചികിത്സയ്ക്ക് കാലാവധി പൂർത്തിയാകുന്നതിന് മുമ്പ് പണം പിൻവലിക്കാവുന്നതാണ്. നിക്ഷേപ തുകയുടെ 98 ശതമാനമാണ് ഇത്തരത്തിൽ പിന്‍വലിക്കാൻ സാധിക്കുന്നത്.

മരണാന്തര ആനുകൂല്യം

10 വർഷത്തെ പോളിസി കാലയളവിനുള്ളിൽ നിക്ഷേപകൻ മരിച്ചാൽ അടുത്ത അവകാശിക്ക് തുക കൈമാറും.

വ​രി​ഷ്‌​ട പെ​ൻ​ഷ​ൻ ബീ​മ യോ​ജ​ന

മുമ്പ് ഉണ്ടായിരുന്ന വ​രി​ഷ്‌​ട പെ​ൻ​ഷ​ൻ ബീ​മ യോ​ജ​ന എന്ന പദ്ധതിയുടെ പേ​ര് മാ​റ്റി അ​വ​ത​രി​പ്പി​ച്ച​താ​ണ് പ്ര​ധാ​ന​മ​ന്ത്രി വ​യാ വ​ന്ദ​ന യോ​ജ​ന. വ​രി​ഷ്‌​ട പെ​ൻ​ഷ​നി​ൽ 3.11 ല​ക്ഷം പേ​ർ ചേ​ർ​ന്നി​രു​ന്നു. വ​യാ വ​ന്ദ​ൻ യോ​ജ​ന​യി​ൽ 2.23 ല​ക്ഷം പേ​രാ​ണ് ഇ​തു​വ​രെ ചേർന്നിട്ടുള്ളത്.

malayalam.goodreturns.in