Just In
-
-
-
-
Don't Miss
-
ലോക്സഭ തിരഞ്ഞെടുപ്പ് 2024 ഒന്നാം ഘട്ടം Live: 102 മണ്ഡലങ്ങള് ബൂത്തിലേക്ക്; ബിജെപിക്ക് നിര്ണായകം -
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
അനൗപചാരിക മേഖലയിൽ പ്രവർത്തിക്കുന്നവർക്ക് പ്രയോജനപ്പെടുന്നതിനായി 2019 ൽ കേന്ദ്ര സർക്കാർ ആരംഭിച്ച പദ്ധതിയാണ് പ്രധാൻ മന്ത്രി ശ്രാം യോഗി മൻ-ധൻ യോജന. 60 വയസ്സ് തികഞ്ഞതിന് ശേഷം കുറഞ്ഞത് 3,000 രൂപ പ്രതിമാസ പെൻഷൻ ഉറപ്പു നൽകുന്ന പെൻഷൻ നിക്ഷേപ പദ്ധതിയാണിത്.
പ്രധാനമന്ത്രി ശ്രീ യോഗി മാൻ ധൻ യോജനയുടെ പ്രത്യേകതകൾ
പ്രതിമാസം 110 രൂപ മുതൽ ഈ പദ്ധതിയിൽ നിക്ഷേപിക്കാം. വരിക്കാരുടെ പെൻഷൻ അക്കൌണ്ടിന് കേന്ദ്ര സർക്കാർ തുല്യ സംഭാവന നൽകും. കുറഞ്ഞത് പ്രതിമാസം 3,000 രൂപ പെൻഷൻ ലഭിക്കുന്നതിന് സ്കീമിലെ വരിക്കാർ 60 വയസ്സ് വരെ പതിവായി സംഭാവന നൽകണം. ഉപഭോക്താവിന്റെ മരണശേഷം പങ്കാളിക്ക് പ്രതിമാസ കുടുംബ പെൻഷൻ ലഭിക്കും. അത് പെൻഷന്റെ 50 ശതമാനമാണ്.
യോഗ്യത
ഗുണഭോക്താവ് ഈ പദ്ധതിയിൽ ചേർന്നു കഴിഞ്ഞാൽ 60 വയസ്സ് തികയുന്നത് വരെ സംഭാവന നൽകണം. അസംഘടിത മേഖലയിൽ ജോലി ചെയ്യുന്നവർക്ക്, ഉദാഹരണത്തിന്, തൊഴിലുടമ ആനുകൂല്യങ്ങൾ ഇല്ലാത്ത കച്ചവടക്കാർ, തൊഴിലാളികൾ, വീട്ടുജോലിക്കാർ, തയ്യൽക്കാർ, ചെറുകിട സ്റ്റോർ ഉടമകൾ തുടങ്ങിയവർക്ക് പദ്ധതിയിൽ സ്വയം രജിസ്റ്റർ ചെയ്യാൻ കഴിയും.
അറിയേണ്ട കാര്യങ്ങൾ
18-40 വയസ് വരെയുള്ള നിക്ഷേപകരുടെ പ്രതിമാസ വരുമാനം 15,000 രൂപയോ അതിൽ കുറവോ ആയിരിക്കണം. ദേശീയ പെൻഷൻ പദ്ധതി (എൻ‌പി‌എസ്), എംപ്ലോയീസ് സ്റ്റേറ്റ് ഇൻഷുറൻസ് കോർപ്പറേഷൻ പദ്ധതി, എംപ്ലോയീസ് പ്രൊവിഡന്റ് ഫണ്ട് ഓർഗനൈസേഷൻ സ്കീം എന്നിങ്ങനെയുള്ള ഏതെങ്കിലും നിയമപരമായ സാമൂഹിക സുരക്ഷാ പദ്ധതികൾക്ക് കീഴിൽ ഉൾപ്പെടാത്ത തൊഴിലാളി ആയിരിക്കണം. കൂടാതെ ആദായനികുതി അടയ്ക്കുന്നയാളാകരുത്.
ആവശ്യമായവ
- ആധാർ
- ഐ‌എഫ്‌എസ്‌സി കോഡുള്ള സേവിംഗ്സ് ബാങ്ക് അക്കൗണ്ട് അല്ലെങ്കിൽ ജൻ ധൻ അക്കൗണ്ട് നമ്പർ
പിൻവലിക്കൽ
ഒരു വരിക്കാരൻ 10 വർഷമോ അതിൽ കൂടുതലോ നിക്ഷേപം നടത്തി 60 വയസ് തികയുന്നതിനു മുമ്പ് ഫണ്ട് പിൻവലിക്കുകയാണെങ്കിൽ സേവിംഗ്സ് ബാങ്ക് പലിശ നിരക്ക് അനുസരിച്ച് ഏതാണോ ഉയർന്നത് അതനുസരിച്ച് പലിശയോടൊപ്പം ഗുണഭോക്താവിന്റെ സംഭാവനയുടെ വിഹിതം തിരികെ നൽകും.
