ഇന്ത്യക്ക് സ്വർണ്ണത്തോടുള്ള താൽപര്യം നൂറ്റാണ്ടുകളായുള്ളതാണ്. ആഘോഷങ്ങൾ, വിവാഹങ്ങൾ, മറ്റ് പ്രത്യേക അവസരങ്ങളിലെല്ലാം വാങ്ങുന്ന മികച്ച ലോഹം സ്വർണം തന്നെയാണ്. പരമ്പരാഗതമായി സ്വർണം ഒരു മികച്ച നിക്ഷേപ ഓപ്ഷനായാണ് കണക്കാക്കപ്പെടുന്നത്. സ്വർണം വാങ്ങാൻ നിരവധി മാർഗങ്ങളുണ്ടെങ്കിലും കൊറോണ പ്രതിസന്ധിയെ തുടർന്നുള്ള ലോക്ക്ഡൌണിനെ തുടർന്ന് ഇന്ത്യൻ സ്വർണ്ണ വിപണി ഡിജിറ്റൽ വാങ്ങലിലേക്കുള്ള വലിയ മാറ്റത്തിനും കാരണമായി.
ഒരു രൂപയ്ക്കും സ്വർണം വാങ്ങാം
നിങ്ങളുടെ വീടുകളിൽ ഇരുന്ന് തന്നെ സുരക്ഷിതമായി ഡിജിറ്റൽ സ്വർണം വാങ്ങാനും സംഭരിക്കാനും വിൽക്കാനുമുള്ള ഒരു സുരക്ഷിത പ്ലാറ്റ്ഫോം ആണ് MMTC-PAMP യുമായി സഹകരിച്ച് ഇന്ത്യയിലെ പ്രമുഖ ഡിജിറ്റൽ പേയ്മെന്റ് ധനകാര്യ സേവന പ്ലാറ്റ്ഫോമായ പേടിഎം നൽകുന്നത്.
നിക്ഷേപകർക്ക് ചെലവ് കുറഞ്ഞതും മികച്ചതുമായ നിക്ഷേപ ഓപ്ഷൻ ആപ്ലിക്കേഷൻ വാഗ്ദാനം ചെയ്യുന്നുണ്ട്. ഉപഭോക്താവിന് ഇപ്പോൾ 99.99 ശതമാനം ശുദ്ധമായ സ്വർണം ഒരു രൂപ വരെ കുറഞ്ഞ വിലയ്ക്ക് വാങ്ങാനും ഇൻഷ്വർ ചെയ്ത് സൌജന്യമായി സൂക്ഷിക്കാനും കഴിയും.
കൊവിഡ് പ്രതിസന്ധി: പതിനായിരത്തിലധികം ചെറുകിട ഷോപ്പുകളുമായി പങ്കാളിയാകാന് ഒരുങ്ങി പേടിഎം മാള്
വാങ്ങലും വിൽക്കലും
ഉപഭോക്താക്കൾക്ക് മികച്ച രീതിയിൽ നിക്ഷേപിക്കാനും സമ്പാദ്യം വർദ്ധിപ്പിക്കാനും സഹായിക്കുന്നതിന് ഒന്നിലധികം സ്വർണ്ണ സംരക്ഷണ പദ്ധതികളും പ്ലാറ്റ്ഫോം വാഗ്ദാനം ചെയ്യുന്നുണ്ട്. പേടിഎം വഴി എങ്ങനെ സ്വർണം വാങ്ങാനും വിൽക്കാനും കഴിയുമെന്ന് പരിശോധിക്കാം.
പ്രധാനമന്ത്രി ദുരിതാശ്വാസ ഫണ്ടിലേക്ക് 500 കോടി രൂപ സംഭാവനയുമായി പേടിഎം
വാങ്ങുന്നത് എങ്ങനെ?
- നിങ്ങളുടെ പേടിഎം അപ്ലിക്കേഷനിൽ ലോഗിൻ ചെയ്ത് ‘ബാങ്കിംഗ്, ഫിനാൻസ്' ഐക്കണിൽ ക്ലിക്ക് ചെയ്യുക
- 'പേടിഎം ഗോൾഡ്' ഐക്കൺ ക്ലിക്കുചെയ്യുക. നിങ്ങൾക്ക് രൂപയുടെ അടിസ്ഥാനത്തിൽ (തുക) അല്ലെങ്കിൽ അളവിൽ (ഗ്രാം) സ്വർണം വാങ്ങാം.
- നിങ്ങൾ ഓപ്ഷൻ തിരഞ്ഞെടുത്ത് കഴിഞ്ഞാൽ, തുടരുക എന്ന ബട്ടണിൽ ക്ലിക്ക് ചെയ്യുക. ആപ്ലിക്കേഷൻ ഒരു ഗ്രാമിന്റെ സ്വർണ്ണത്തിന്റെ വില കാണിക്കും. ഈ വിലയിൽ മൂന്ന് ശതമാനം നിരക്കിൽ ജിഎസ്ടിയും ഉൾക്കൊള്ളുന്നു.
- നിങ്ങൾ ഇഷ്ടപ്പെടുന്ന പേയ്മെന്റ് മോഡ് തിരഞ്ഞെടുക്കുക - പേടിഎം യുപിഐ, നെറ്റ് ബാങ്കിംഗ്, ഡെബിറ്റ് കാർഡുകൾ അല്ലെങ്കിൽ പേടിഎം വാലറ്റ് എന്നിവയിലേതെങ്കിലും തിരഞ്ഞെടുക്കാം.
- പേയ്മെന്റ് വിജയിച്ചുകഴിഞ്ഞാൽ, സ്വർണ്ണം ലോക്കറിലേക്ക് മാറ്റും, കൂടാതെ നിങ്ങളുടെ രജിസ്റ്റർ ചെയ്ത നമ്പറിലും രജിസ്റ്റർ ചെയ്ത ഇമെയിൽ ഐഡിയിലും ഒരു എസ്എംഎസ് വഴി സ്ഥിരീകരണവും ലഭിക്കും.
ഉപഭോക്താക്കള്ക്ക് വിസ ഡെബിറ്റ് കാര്ഡുകള് നല്കാനൊരുങ്ങി പേടിഎം പേയ്മെന്റ്സ് ബാങ്ക്
സ്വർണം വിൽക്കുന്നത് എങ്ങനെ
- നിങ്ങളുടെ പേടിഎം അപ്ലിക്കേഷനിൽ ലോഗിൻ ചെയ്ത് ‘ഗോൾഡ്' ഐക്കൺ തിരഞ്ഞെടുക്കുക
- പേജിന്റെ മുകളിൽ ദൃശ്യമാകുന്ന ‘സെൽ' ഓപ്ഷൻ തിരഞ്ഞെടുക്കുക
- പേടിഎമ്മിൽ ശേഖരിച്ച നിങ്ങളുടെ സ്വർണം രൂപയിലോ ഗ്രാമിലോ വിൽക്കാൻ നിങ്ങൾക്ക് സാധിക്കും.
- വിൽപന ഇടപാട് പ്രാപ്തമാക്കുന്നതിന് നിങ്ങൾ വിൽക്കാൻ താൽപ്പര്യപ്പെടുന്ന മാർഗ്ഗം തിരഞ്ഞെടുത്ത് നിങ്ങളുടെ ബാങ്ക് അക്കൌണ്ട് നമ്പറും ഐഎഫ്എസ്സി കോഡും നൽകുക
- നിങ്ങളുടെ കൈമാറ്റം ആരംഭിക്കുകയും 72 മണിക്കൂറിനുള്ളിൽ നിങ്ങളുടെ ബാങ്ക് അക്കൗണ്ടിലേക്ക് പണം ക്രെഡിറ്റ് ചെയ്യും