<p><br />കേന്ദ്ര ബജറ്റില്‍ എന്തു സംഭവിക്കും എന്നത് ആര്‍ക്കും പ്രവചിക്കാനെളുപ്പമുള്ള കാര്യമല്ല. ചിലരൊക്കെ ആധികാരികമായ ഉറവിടങ്ങളെ ചൂണ്ടിക്കാട്ടി ഓരോന്നു പ്രവചിക്കും; ചിലര്‍ ഊഹങ്ങള്‍ പറയും. അങ്ങനെ ചില പ്രമുഖ വാര്‍ത്താ ഉറവിടങ്ങളില്‍ നിന്നു സമാഹരിച്ച പ്രവചനങ്ങളാണിവിടെ.</p> <p><strong>

</strong><br />1. നികുതിയിളവിന് ബാങ്ക് സ്ഥിരനിക്ഷേപങ്ങളുടെ കുറഞ്ഞ കാലാവധി അഞ്ചു വര്‍ഷം എന്നത് മൂന്നു വര്‍ഷമായി കുറച്ചേക്കാം.<br />2. ഡിവിഡന്‍റ് (ലാഭവിഹിതം) വിതരണസമയത്തെ നികുതി വേണ്ടെന്നുവച്ചേക്കാം. ഓരോ തവണ ലാഭവിഹിതം നല്‍കുമ്പോഴും കമ്പനികള്‍ നികുതി നല്‍കണമായിരുന്നു; പിന്നീട് ഇത് വ്യക്തികളുടെ നികുതിഭാരമായി മാറി. ഇത്തവണ അത് ഉപേക്ഷിച്ചേക്കും. <br />3. സ്വര്‍ണത്തിനു മേലുള്ള ഇറക്കുമതിച്ചുങ്കം വേണ്ടെന്നുവച്ചേക്കും.<br />4. 80സി വകുപ്പു പ്രകാരമുള്ള ഇളവുകള്‍ കൂട്ടിയേക്കും. 1.5 ലക്ഷം രൂപ വരെയാണ് ഇപ്പോള്‍ ഇളവുള്ളത്; അത് എത്രകണ്ടു കൂട്ടുമെന്ന് പ്രവാചകര്‍ പറയുന്നില്ല.<br />5. ഭവനവായ്പാ നികുതിയിന്മേലുള്ള ഇളവ് 1.5 ലക്ഷമായിരുന്നത് കഴിഞ്ഞ വര്‍ഷം രണ്ടു ലക്ഷമാക്കിയിരുന്നു. ഇക്കൊല്ലം അത് 2.5 ലക്ഷമാക്കുമെന്നു പറയുന്നു.</p>