1. അധിക ചാര്‍ജുകള്‍

ടിക്കറ്റ് റദ്ദാക്കുമ്പോള്‍ എയര്‍പോര്‍ട്ട് ചാര്‍ജ്, സര്‍വ്വീസ് ടാക്സ് എന്നിവ ഉള്‍പ്പെടുത്താതെ മുഴുവന്‍ തുകയും യാത്രക്കാരനു തിരിച്ചു നല്‍കണം.

2. റീഫണ്ട്

ടിക്കറ്റ് റദ്ദാക്കുന്നവര്‍ക്ക് 15 ദിവസത്തിനകം അടച്ച തുക തിരികെ കിട്ടുന്നുണ്ടെന്ന് ഉറപ്പുവരുത്തണം.

3. നഷ്ടപരിഹാരം

ടിക്കറ്റ് ബുക്ക് ചെയ്ത യാത്രക്കാരന് ഏതെങ്കിലും സാഹചര്യത്തില്‍ യാത്ര നിഷേധിക്കുകയാണെങ്കില്‍ വിമാനക്കമ്പനി നല്‍കേണ്ട നഷ്ടപരിഹാരത്തുക 10000 ആക്കി ഉയര്‍ത്തും.

4. പകരം വിമാനം

24 മണിക്കൂറിനുള്ളില്‍ പകരം വിമാനത്തില്‍ യാത്രാസൗകര്യം ഏര്‍പ്പെടുത്തിയില്ലെങ്കില്‍ 20000 രൂപ വരെ നഷ്ടപരിഹാരം നല്‍കേണ്ടിവരും.ടിക്കറ്റ് ബുക്ക് ചെയ്തെങ്കിലും സീറ്റ് ലഭിക്കാത്ത സ്ഥിതിയുണ്ടായാല്‍ 20,000 രൂപ വരെ നഷ്ടപരിഹാരം നല്‍കും.

5. ലഗേജ്

അനുവദനീയ പരിധിയായ 15 കിലോയില്‍ കൂടുതല്‍ ലഗേജ് കൊണ്ടുപോകുന്നവര്‍ക്ക് കിലോയ്ക്ക് 300 രൂപയാണ് എയര്‍ ഇന്ത്യ ഒഴികെയുള്ള വിമാനക്കമ്പനികള്‍ നിലവില്‍ ചുമത്തുന്നത്. ഇത് കിലോയ്ക്കു 100 രൂപയാക്കി കുറയ്ക്കും.

6. പ്രോസസിങ് ഫീസ് പാടില്ല

റദ്ദ് ചെയ്യുമ്പോള്‍ ഈടാക്കുന്ന തുക അടിസ്ഥാന നിരക്കിനേക്കാള്‍ കൂടാന്‍ പാടില്ല. പണം തിരികെ നല്‍കുന്നതിന് പ്രോസസിങ് ഫീസ് ഈടാക്കരുത്.

ഇക്കാര്യങ്ങളില്‍ എല്ലാതലങ്ങളിലും അഭിപ്രായം തേടിയശേഷം വിശദമായ സര്‍ക്കുലര്‍ ഡയറക്ടര്‍ ജനറല്‍ ഓഫ് സിവില്‍ ഏവിയേഷന്‍ ഉടന്‍ പുറത്തിറക്കുമെന്നാണ് റിപ്പോര്‍ട്ട്.