മുംബൈ: രാജ്യത്തെ ഏറ്റവും വലിയ സ്വകാര്യ മേഖലാ ബാങ്കായ ഐസിഐസിഐ ബാങ്കിന് ലാഭം. സെപ്റ്റംബറില്‍ അവസാനിച്ച പാദത്തില്‍ 3102 കോടി രൂപയാണ് ബാങ്ക് ലാഭമുണ്ടാക്കിയത്.

2.37 ശതമാനത്തിന്റെ വര്‍ധനയാണുണ്ടായത്. ബാങ്കിന്റെ വരുമാനം കഴിഞ്ഞ വര്‍ഷം ഇതേ സമയത്ത് 16,106.22 കോടി രൂപയായിരുന്നു. ഇത് വര്‍ധിച്ച് 22,759.08 കോടി രൂപയായി.

41 ശതമാനമാണ് വര്‍ധനയുണ്ടായത്. പലിശ വരുമാനം 5,253 കോടി രൂപയിലെത്തി. പലിശയിതര വരുമാനം 3007 കോടി രൂപയില്‍ നിന്നും 9,120 കോടി രൂപയിലേക്ക് ഉയര്‍ന്നു.

രണ്ടാം പാദ ഫലങ്ങള്‍ പുറത്ത് വന്നതോടെ ബാങ്കിന്റെ ഓഹരികളിലും മുന്നേറ്റമുണ്ടായി. ബിഎസ്ഇയില്‍ 3% വര്‍ധനവാണ് ചൊവ്വാഴ്ച രാവിലെ രേഖപ്പെടുത്തിയത്.