ജി.എസ്.ടി വന്നതോടെ പഴയ സ്വര്‍ണം മാറ്റി വാങ്ങുമ്പോള്‍ നികുതി നല്‍കേണ്ടി വരുമോ എന്ന് ആശങ്കയിലായിരുന്നു ജനം. എന്നാൽ പഴയ സ്വർണം, കാ‍ർ, ഇരുചക്രവാഹനങ്ങൾ തുടങ്ങിയവ വിൽക്കുന്നതിന് ജിഎസ്ടി ബാധകമല്ലെന്ന് റവന്യൂ വകുപ്പ് വ്യക്തമാക്കി.

ബിസിനസ് ആവശ്യത്തിനായുള്ള ഇടപാടല്ല എന്ന കാരണത്താലാണ് ഇവ ജിഎസ്ടിയിൽ നിന്ന് ഒഴിവാക്കിയിരിക്കുന്നത്. ജിഎസ്ടി നിയമപ്രകാരം രജിസ്റ്റ‍ർ ചെയ്യാത്ത സാധാരണ വ്യക്തിയും രജിസ്റ്റർ ചെയ്യാത്ത ബിസിനസുകാരനായ വ്യക്തിയും നടത്തുന്ന ഇടപാടുകൾ വ്യത്യസ്തമായാണ് കണക്കാക്കുന്നത്.

പഴയ കാറുകളുടെയും ഇരുചക്രവാഹനങ്ങളും വിൽക്കുന്നത് ബിസിനസ് ആവശ്യത്തിനല്ല എന്ന് കണക്കാക്കിയാണ് ഇവയ്ക്കും ജിഎസ്ടി ബാധകമല്ലാത്തത്. എന്നാൽ ബിസിനസ് ആവശ്യത്തിനുള്ള ഇത്തരം കച്ചവടങ്ങൾക്ക് ജിഎസ്ടി ബാധകമാണ്.

എ​​​ന്നാ​​​ൽ, ആ​​​ഭ​​​ര​​​ണ​​​ത്തി​​​ൽ പ​​​രി​​​ഷ്കാ​​​ര​​​മോ മാറ്റങ്ങളോ വ​​​രു​​​ത്താ​​​ൻ ഏ​​​ല്പി​​​ച്ചാ​​​ൽ അ​​​തി​​​ന് ഈ​​​ടാ​​​ക്കു​​​ന്ന തു​​​ക പ​​​ണി​​​ക്കൂ​​​ലി​​​യാ​​​യാകും ഇനി ക​​​ണ​​​ക്കാ​​​ക്കുക. അ​​​തി​​​ന് അ​​​ഞ്ചു​ ശ​​​ത​​​മാ​​​ന​​​മാ​​​ണ് ജി​​​എ​​​സ്ടി.

malayalam.goodreturns.in