പെന്ഷനുകള്, എല്പിജി സിലിണ്ടര്, സര്ക്കാര് സ്കോളര്ഷിപ്പുകള് തുടങ്ങിയ സാമൂഹ്യ സുരക്ഷ പദ്ധതികൾക്ക് ആധാർ ബന്ധിപ്പിക്കേണ്ട അവസാന തീയതി മൂന്ന് മാസത്തേയ്ക്ക് കൂടി നീട്ടി. ഡിസംബർ 31 ആണ് ഇവ ബന്ധിപ്പിക്കുന്നതിനുള്ള അവസാന തീയതി.
ഇതുവരെ ആധാറിന് അപേക്ഷിക്കാത്തവരെ കണക്കിലെടുത്താണ് തീയതി നീട്ടിയതെന്ന് ഇലക്ട്രോണിക്സ് ആൻഡ് ഇൻഫർമേഷൻ ടെക്നോളജി മന്ത്രാലയം അറിയിച്ചു.
135ഓളം സാമൂഹ്യ സുരക്ഷ പദ്ധതികൾക്ക് ഇനി മുതൽ ആധാർ നിർബന്ധമാണ്. കൂടാതെ ആധാര് കാര്ഡ് ബാങ്ക് അക്കൗണ്ടുമായി ബന്ധിപ്പിക്കേണ്ട അവസാന തീയതിയും 2017 ഡിസംബർ 31 ആണ്.
ആധാറും പാൻ കാര്ഡും ഡിസംബര് 31ന് മുമ്പ് തന്നെ ബന്ധിപ്പിക്കണം. എന്നാൽ ആധാർ മൊബൈൽ നമ്പറുമായി ബന്ധിപ്പിക്കാൻ കുറച്ചു കൂടി സാവകാശമുണ്ട്. 2018 ഫെബ്രുവരി 6 ആണ് ആധാർ മൊബൈൽ നമ്പറുമായി ബന്ധിപ്പിക്കേണ്ട അവസാന തീയതി. ഫെബ്രുവരിയ്ക്ക് ശേഷം ആധാറുമായി ബന്ധിപ്പിക്കാത്ത മൊബൈല് സിമ്മുകള് പ്രവര്ത്തനരഹിതമാകും.
malayalam.goodreturns.in