ആധാർ കാർഡ് ബാങ്ക് അക്കൗണ്ടുമായി ബന്ധിപ്പിക്കേണ്ട അവസാന തീയതി മാർച്ച് 31ലേയ്ക്ക് നീട്ടി. നേരത്തെ ഡിസംബര്‍ 31 നകം ബന്ധിപ്പിക്കണമെന്നായിരുന്നു പ്രഖ്യാപിച്ചിരുന്നത്. പുതിയ തീയതി പിന്നീട് പ്രഖ്യാപിക്കുമെന്നാണ് ആദ്യം ലഭിച്ചിരുന്ന വിവരം. എന്നാൽ പിന്നീട് മാർച്ച് 31 ആണ് ആധാറും ബാങ്ക് അക്കൌണ്ടും തമ്മിൽ ബന്ധിപ്പിക്കേണ്ടതെന്ന് പ്രഖ്യാപിച്ചു.

ആധാറും പാനും തമ്മിൽ ബന്ധിപ്പിക്കുന്നതിനുള്ള അവസാന തീയതി 2018 മാർച്ച് 31ലേയ്ക്ക് കഴിഞ്ഞ ദിവസം സർക്കാർ നീട്ടിയിരുന്നു. കള്ളപ്പണം തടയുന്നതിനായുള്ള നിയമപ്രകാരമാണ്​ ആധാർ ബന്ധനത്തിനുള്ള തീയതി സർക്കാർ അനിശ്​ചിതമായി നീട്ടിയത്.

നവംബർ വരെയുള്ള കണക്കനുസരിച്ച് 33 കോടി പാൻ കാർഡുകളിൽ 13.28 കോടി എണ്ണം മാത്രമാണ് ആധാറുമായി ബന്ധിപ്പിച്ചിട്ടുള്ളൂ. അതിനാലാണ് തീയതി വീണ്ടും നീട്ടുന്നതെന്ന് ധനമന്ത്രാലയം വ്യക്തമാക്കിയിരുന്നു.

ബാങ്ക്​ അക്കൗണ്ടിനൊപ്പം മ്യൂചൽ ഫണ്ട്​, ഇൻഷൂറൻസ്​ സേവനങ്ങളുമായും ആധാർ ബന്ധിപ്പിക്കുന്നതിനുള്ള സമയപരിധിയും​ നീട്ടിയിട്ടുണ്ട്​​.

malayalam.goodreturns.in