ജനുവരി

• ആദ്യം തന്നെ നിങ്ങളുടെ ഈ വർഷത്തെ സാമ്പത്തിക ലക്ഷ്യങ്ങൾ കുറിച്ചു വയ്ക്കുക. 
• നിങ്ങളുടെ നിക്ഷേപ പോർട്ട്ഫോളിയോകൾ അവലോകനം ചെയ്യുക.
• ഇൻഷുറൻസ് പ്രീമിയങ്ങൾ, നികുതികൾ തുടങ്ങിയവ അടയ്ക്കേണ്ട തീയതികൾ റിമൈൻഡർ സെറ്റ് ചെയ്ത് സൂക്ഷിക്കുക. 
• യൂട്ടിലിറ്റി, ക്രെഡിറ്റ് കാർഡ് ബില്ലുകൾ അവസാന തീയതിയ്ക്ക് മുമ്പായി അടയ്ക്കുക.
• ജോലിക്കാർ നികുതിയിളവിനായുള്ള രേഖകൾ എച്ച്ആറിന് സമർപ്പിക്കുക.

ഫെബ്രുവരി

• തീയതി ഇതുവരെ പ്രഖ്യാപിച്ചിട്ടില്ലെങ്കിലും ഫെബ്രുവരിയിൽ കേന്ദ്ര ബജറ്റ് അവതരിപ്പിക്കും. ഇത് നിങ്ങളുടെ നികുതി, നിക്ഷേപ സംബന്ധമായ കാര്യങ്ങളെ എങ്ങനെ ബാധിക്കുമെന്ന് അവലോകനം ചെയ്യുക. 
• നികുതി ഇളവുകൾ സംബന്ധിച്ച കാര്യങ്ങൾ കൃത്യമാണോയെന്ന് നിങ്ങളുടെ കമ്പനിയുമായി ബന്ധപ്പെട്ട് അന്വേഷിച്ചറിയുക. ഇല്ലെങ്കിൽ കൂടുതൽ നികുതി നൽകേണ്ടി വരും

മാർച്ച്

• മാർച്ച് 15: 2017-18 സാമ്പത്തിക വർഷത്തേക്കുള്ള മുൻകൂർ നികുതി (അഡ്വാൻസ് ടാക്സ്) അടയ്ക്കേണ്ട അവസാന തീയതി.
• മാർച്ച് 31: ടാക്സ് സേവിംഗ്സ്, ആദായ നികുതി റിട്ടേൺ എന്നിവ സമർപ്പിക്കുന്നതിനുള്ള വിവരങ്ങൾ ശേഖരിക്കുക. 
• മാർച്ച് 31: വിവിധ സേവനങ്ങളുമായി ആധാർ ബന്ധിപ്പിക്കുന്നതിനുള്ള അവസാന തീയതി.

ഏപ്രിൽ

• ഏപ്രിൽ 1: ബജറ്റ് നിർദ്ദേശങ്ങൾ ഏപ്രിൽ 1 മുതൽ പ്രാബല്യത്തിൽ വരും.
• ഏപ്രിൽ 5: ഏപ്രിൽ അഞ്ചിന് മുമ്പായി പബ്ലിക് പ്രൊവിഡന്റ് ഫണ്ട് (പിപിഎഫ്) പെയ്മെന്റ് നടത്തുക. 
• ഏപ്രിൽ 18: അക്ഷയ തൃതീയ. സ്വർണം വാങ്ങാൻ മികച്ച സമയം. 
• പുതിയ അദ്ധ്യയന വർഷത്തേയ്ക്കുള്ള കുട്ടികളുടെ സ്കൂൾ ഫീസ്, ബുക്കുകൾ, യൂണിഫോമുകൾ എന്നിവയ്ക്കായുള്ള പണം കരുതുക. 
• വേനൽക്കാല അവധിക്കായുള്ള പദ്ധതികൾ ആരംഭിക്കുക.

മേയ്

• ഏപ്രിലിൽ നടത്തുന്ന വിലയിരുത്തലിന് ശേഷം മിക്ക കമ്പനികളും ഇൻക്രിമെന്റുകൾ നൽകി തുടങ്ങുന്നത് മേയിലായിരിക്കും. ഈ പണം നിക്ഷേപിക്കുന്നതിനായി പുതിയ മാർഗങ്ങൾ കണ്ടെത്തുക. 
• ശമ്പള വർദ്ധനവ് നികുതിയെ എത്രമാത്രം സ്വാധീനിക്കുമെന്ന് കണ്ടെത്തുക.

ജൂൺ

• ജൂൺ 15: 2019 - 2020 സാമ്പത്തിക വർഷത്തെ മുൻകൂർ നികുതി അടയ്ക്കേണ്ട അവസാന ദിനം 
• ആദായനികുതി റിട്ടേൺ (ഐടിആർ) സമർപ്പിക്കുന്നതിനുള്ള ഫോം 16, ഫോം 16എ എന്നിവ ശേഖരിക്കുക.

ജൂലൈ

ജൂലൈ 31: 2018-19 സാമ്പത്തിക വർഷത്തെ ഇൻകം ടാക്സ് റിട്ടേൺ സമർപ്പിക്കുന്നതിനുള്ള അവസാന ദിനം. അവസാന നിമിഷത്തെ തിരക്ക് ഒഴിവാക്കാൻ രണ്ട് ആഴ്ച മുമ്പ് എങ്കിലും ഓൺലൈനിൽ ഫയൽ ചെയ്യുക. ഈ കാലാവധി കഴിഞ്ഞാൽ ചില നികുതി ആനുകൂല്യങ്ങൾ നിങ്ങൾക്ക് നഷ്ടപ്പെടും. ഈ വർഷം മുതൽ ഇൻകം ടാക്സ് റിട്ടേൺ അയയ്ക്കാൻ വൈകിയാൽ 10,000 രൂപ വരെ പിഴ ചുമത്തും. 

ആഗസ്റ്റ്

നിങ്ങളുടെ സാമ്പത്തിക ഉപദേഷ്ടാവുമായി ഒരു അർദ്ധ വാർഷിക അവലോകനം നടത്തുക. നിരവധി അവധികളുള്ള ഒരു മാസം കൂടിയാണ് ആഗസ്റ്റ്. 2018ൽ സ്വ‍ർണ വില കൂടുമോ, കുറയുമോ?? സ്വ‍ർണം വാങ്ങാൻ ബെസ്റ്റ് ടൈം അറിയണ്ടേ...

സെപ്റ്റംബർ

സെപ്തംബർ 15: മുൻകൂർ നികുതിയുടെ (അഡ്വാൻസ് ടാക്സ്) രണ്ടാമത്തെ ഇൻസ്റ്റാൾമെന്റ് അടയ്ക്കുന്നതിനുള്ള അവസാന തീയതി. ടാക്സ് റിട്ടേണിനെക്കുറിച്ച് അന്വേഷിക്കുക. 10 വർഷം കൊണ്ട് 17 ലക്ഷം നേടാം... ദിവസവും ചെയ്യേണ്ടത് ഇത്രമാത്രം

ഒക്ടോബർ

ഒക്ടോബർ 19-ാം തീയതി ദസറയോടെയാണ് ഉത്സവ സീസൺ ആരംഭിക്കുന്നത്. നിങ്ങളുടെ ഉത്സവകാല ചെലവുകൾക്കായി ഒരു ബജറ്റ് തയ്യാറാക്കുക. ടിക്കറ്റ് ബുക്കിംഗും മറ്റും നേരത്തേ തന്നെ നടത്തുക. റിസ്കെടുക്കാൻ നിങ്ങൾ തയ്യാറാണോ? ഓണ്‍ലൈനില്‍ കാശ് വാരാം...

നവംബർ

നവംബറിൽ ദീപാവലി സമയമാണ്. അവധി ദിനങ്ങൾ നിങ്ങളുടെ ബജറ്റിന് അനുസരിച്ച് പ്ലാൻ ചെയ്യുക. വീടും വസ്തുവും ഭാര്യയുടെ പേരിൽ വാങ്ങൂ... ലാഭം കേട്ടാൽ ഞെട്ടും!!

ഡിസംബർ

ഡിസംബർ 15: മുൻകൂർ നികുതിയുടെ മൂന്നാമത്തെ ഇൻസ്റ്റാൾമെന്റിനുള്ള അവസാന ദിനം. നിങ്ങളുടെ കഴിഞ്ഞ വർഷത്തെ സാമ്പത്തിക കാര്യങ്ങൾ മൊത്തത്തിൽ അവലോകനം ചെയ്യുക. പുതു വർഷത്തിലേയ്ക്കുള്ള പദ്ധതികൾ ആവിഷ്കരിക്കുക. ഓഫീസിൽ പോകേണ്ട... വീട്ടിലിരുന്ന് കാശുണ്ടാക്കാൻ ഈ ജോലികളാണ് ബെസ്റ്റ്