വരുന്ന സാമ്പത്തിക വര്‍ഷം ഇന്ത്യയുടെ വളര്‍ച്ച നിരക്ക് വീണ്ടും കുറയുമെന്ന് റേറ്റിംഗ് ഏജന്‍സിയായ ഫിച്ച് റേറ്റിംഗ്‌സ്. മാര്‍ച്ച് 31ന് അവസാനിക്കുന്ന 2018-19 സാമ്പത്തിക വർഷം 6.9 ശതമാനം വളര്‍ച്ചയും അടുത്ത വർഷം 6.8 ശതമാനം വളര്‍ച്ചയും മാത്രമേ ഇന്ത്യ നേടുകയുള്ളൂവെന്ന് ഏജന്‍സി വ്യക്തമാക്കി.

നേരത്തേ ഇത് ഏഴുശതമാനമായിരിക്കുമെന്നാണ് അവർ പ്രവചിച്ചിരുന്നത്. അതേസമയം, 2020-21ൽ ജി.ഡി.പി. വളർച്ച 7.1 ശതമാനമാകുമെന്നും അവർ ചൂണ്ടിക്കാട്ടുന്നു.

വ്യാവസായിക, കാർഷിക മേഖലയിലെ വളര്‍ച്ച കുറവായതാണ് വളർച്ചാ നിരക്ക് കുറയാൻ കാരണം . വായ്പാ ലഭ്യത കുറഞ്ഞതും മൂലധനനിക്ഷേപം കാര്യമായി വര്‍ധിക്കാത്തതും വളര്‍ച്ചക്കുറവിനുള്ള മറ്റ് കാരണങ്ങളായി ഫിച്ച് ചൂണ്ടിക്കാട്ടുന്നു.

ആർ.ബി.ഐ. കൂടുതൽ ഉദാരമായ സാമ്പത്തികനയങ്ങൾ സ്വീകരിച്ചതും കർഷകരിലേക്ക് കൂടുതൽ പണമെത്തിക്കാൻ പദ്ധതിയിടുന്നതും വളർച്ചാ നിരക്ക് ഉയരാൻ ​ഗുണകരമാണെന്നും ഫിച്ച് അഭിപ്രായപ്പെട്ടു.

malayalam.goodreturns.in