Just In
-
-
-
-
Don't Miss
-
അമ്മൂമ്മ ഒരുപാട് സ്ട്രഗിൾ ചെയ്തു; അമ്മ ഇന്ന് അതേ ലൈഫ് സ്റ്റെെലിലാണ്; എന്റെ ആവശ്യം വരാറില്ല; സൗഭാഗ്യ -
കരിമ്പത്ത് ഒന്നേകാല് കിലോ കഞ്ചാവുമായി യുവതിയും യുവാവും അറസ്റ്റില് -
നിലവിളക്ക് തെളിയിക്കുന്നതിന് മുമ്പായി നിര്ബന്ധമായും ചെയ്യേണ്ട കാര്യങ്ങള്‍ -
IPL 2024: രാഹുല് 'ഷോ', സഞ്ജുവും റിഷഭും ഭയക്കണം! ലോകകപ്പില് രോഹിത്തിനൊപ്പം ഓപ്പണറോ? -
മുങ്ങിത്താഴ്ന്ന ഥാറിനെ രക്ഷപ്പെടുത്തി മറ്റൊരു ഥാർ, ഞെട്ടിക്കുന്ന വൈറൽ വീഡിയോ കണ്ടോ -
കൊട്ടിയൂർ വൈശാഖോത്സവം 2024: ദർശനം പോലും പുണ്യം! അറിയാം പ്രധാന തിയതികളും വിശേഷ ദിവസങ്ങളും -
വാങ്ങാൻ ഒരു നിമിഷം പോലും പാഴാക്കരുത്, മോട്ടറോളയുടെ ജീനിയസ് സ്മാർട്ട്ഫോണിന് 5000 രൂപ ഡിസ്കൗണ്ട്!
ദില്ലി: കുതിച്ചുയരുന്ന വിമാന ടിക്കറ്റ് നിരക്ക് നിയന്ത്രിക്കുന്നതിന്റെ ഭാഗമായി ഇതേക്കുറിച്ച് ചര്‍ച്ച ചെയ്യുന്നതിന് എയര്‍ലൈന്‍ കമ്പനികളുടെ യോഗം വിളിച്ചുചേര്‍ക്കുമെന്ന് മുഖ്യമന്ത്രി പിണറായി വിജയന്‍. കേരള ഹൗസില്‍ ഏവിയേഷന്‍ സെക്രട്ടറി പ്രതീപ് സിംഗ് ഖരോളയുമായി നടത്തിയ കൂടിക്കാഴ്ചയിലാണ് ഈ തീരുമാനമുണ്ടായതെന്ന് മുഖ്യമന്ത്രി അറിയിച്ചു.
കേന്ദ്ര ഏവിയേഷന്‍ സെക്രട്ടറിയാണ് നിരക്ക് വര്‍ദ്ധനവുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിന് എയര്‍ലൈനുകളുടെ യോഗം വിളിക്കുക. യോഗം ജൂലൈയില്‍ നടക്കുമെന്നാണ് സൂചന. അമിത വിമാനയാത്രാ നിരക്ക് നിയന്ത്രിക്കാന്‍ കേന്ദ്രം അടിയന്തര നടപടി സ്വീകരിക്കണമെന്ന് മുഖ്യമന്ത്രി കേന്ദ്ര മന്ത്രിയോട് ആവശ്യപ്പെടുകയുണ്ടായി. ഗള്‍ഫ് രാജ്യങ്ങളിലേക്കടക്കമുള്ള വിമാന നിരക്കില്‍ വന്‍ വര്‍ധന വരുത്തി വിമാനക്കമ്പനികള്‍ കൊള്ള ലാഭം കൊയ്യുകയാണെന്നും ഇത് തടയാന്‍ അടിയന്തര ഇടപെടല്‍ വേണമെന്നും അദ്ദേഹം പറഞ്ഞു.
സംസ്ഥാനത്തെ വിമാനത്താവളങ്ങളുടെ സമഗ്ര വികസനം സാദ്ധ്യമാക്കുന്നതിന് ബന്ധപ്പെട്ട ഏജന്‍സികളുടെ യോഗം തിരുവനന്തപുരത്ത് ചേരുമെന്നും അദ്ദേഹം അറിയിച്ചു. കേരളത്തിലെ നാല് വിമാനത്താവളങ്ങളുടേയും സമഗ്ര വികസനം, എയര്‍പോര്‍ട്ടുകളുടെ അടിസ്ഥാന സൗകര്യങ്ങള്‍ മെച്ചപ്പെടുത്തല്‍, കൂടുതല്‍ ഫ്‌ളൈറ്റുകള്‍ അനുവദിക്കല്‍, കേരളത്തെ പ്രധാന ഏവിയേഷന്‍ ഹബായുള്ള വികസനം തുടങ്ങിയ വിഷയങ്ങള്‍ കേന്ദ്രമന്ത്രിയുമായുള്ള കൂടിക്കാഴ്ചയില്‍ ചര്‍ച്ചയായി.
കൂടുതല്‍ എയര്‍ ഇന്ത്യ സര്‍വീസും ബജറ്റ് ഫ്‌ളൈറ്റുകളുടെ സര്‍വീസും കേരളത്തിന് അനുവദിക്കണമെന്ന് മുഖ്യമന്ത്രി ആവശ്യപ്പെട്ടു. ഇതുമായി ബന്ധപ്പെട്ട കാര്യങ്ങള്‍ ചര്‍ച്ച ചെയ്യുന്നതിന് ജൂലൈ അവസാനത്തോടെ ബന്ധപ്പെട്ട ഏജന്‍സികളുടെ യോഗം തിരുവനന്തപുരത്ത് ചേരാനും യോഗത്തില്‍ തീരുമാനമായി.
