സ്വർണ വില ഇവിടെ എങ്ങും നിൽക്കില്ല; ദീപാവലിയ്ക്ക് മുമ്പ് 40000 രൂപ കടക്കും

ആഗോള സാമ്പത്തിക വളർച്ചാ ആശങ്കകൾക്കും വ്യാപാര യുദ്ധങ്ങൾക്കും ഇടയിലും സ്വർണ വില കുതിച്ചുയരുന്നു. നിലവിൽ റെക്കോർഡ് വിലയിലാണ് വ്യാപാരം പുരോഗമിക്കുന്നതെങ്കിലും വില വീണ്ടും കുതിച്ചുയരുമെന്ന് നിരീക്ഷകർ പറയുന്നു. ദീപാവലിയോട് അടുത്ത് സ്വർണ വില 10 ഗ്രാമിന് 40,000 രൂപ മറികടക്കുമെന്നാണ് വിദഗ്ധരുടെ അഭിപ്രായം.

പ്രതികൂല സാഹചര്യങ്ങളിൽ വില ഉയരും

സാധാരണഗതിയിൽ, സ്വർണ്ണത്തിന്റെ ആവശ്യം ഭാവിയെക്കുറിച്ചുള്ള പ്രതീക്ഷകൾ നൽകുന്നതാണ്. അനിശ്ചിതമായ സാമ്പത്തിക സാഹചര്യങ്ങൾ അല്ലെങ്കിൽ രാഷ്ട്രീയ പ്രക്ഷോഭങ്ങൾക്കിടയിലാണ് സ്വർണ വില കുത്തനെ ഉയരുക. മൾട്ടി-കമ്മോഡിറ്റി എക്സ്ചേഞ്ചിൽ (എംസിഎക്സ്) നിലവിൽ 10 ഗ്രാമിന് 37,995 രൂപയാണ് ഒക്‌ടോബറിലെ സ്വർണ കരാർ.

വില 40000 കടക്കും

യുഎസും ചൈനയും തമ്മിലുള്ള വ്യാപാര പിരിമുറുക്കം കുറഞ്ഞതിനാൽ സ്വർണത്തിന്റെ ആവശ്യകത അൽപ്പം കുറഞ്ഞേക്കാം. എന്നിരുന്നാലും ദീപാവലിയോടടുത്ത് 10 ഗ്രാമിന് 39,000 മുതൽ 40,000 രൂപ വരെ സ്വർണ്ണ വില ഉയരാൻ സാധ്യതയുണ്ടെന്ന് ഏഞ്ചൽ ബ്രൂക്കിംഗിലെ അനുജ് ഗുപ്ത പറയുന്നു. ആഗോള വളർച്ചാ നിരക്ക് കുറയുന്നതിനാലാണ് സ്വർണ്ണ വില ഉയരുന്നതെന്നും അദ്ദേഹം വ്യക്തമാക്കി.

സുരക്ഷിത നിക്ഷേപം

സാമ്പത്തിക അനിശ്ചിതത്വത്തിനിടയിൽ ഒരു ഇൻഷുറൻസായാണ് പലരും സ്വർണ്ണത്തിലും മറ്റ് വിലയേറിയ ലോഹങ്ങളിലും നിക്ഷേപം നടത്തുന്നത്. നിലവിലെ സാഹചര്യത്തിൽ എല്ലാ നിക്ഷേപകർക്കും അവരുടെ പോർട്ട്ഫോളിയോയിലെ നല്ലൊരു ശതമാനം നിക്ഷേപം സ്വർണത്തിലും മറ്റ് വിലയേറിയ ലോഹങ്ങളിലും നടത്താവുന്നതാണ്.

ജൂവലറികളിൽ സ്വർണം വിൽക്കാൽ തിരക്ക്; സ്വർണത്തിന് എക്കാലത്തെയും ഉയർന്ന വില ജൂവലറികളിൽ സ്വർണം വിൽക്കാൽ തിരക്ക്; സ്വർണത്തിന് എക്കാലത്തെയും ഉയർന്ന വില

വില കൂടാൻ കാരണം

സെൻട്രൽ ബാങ്കുകളുടെ കുറഞ്ഞ പലിശ നിരക്കും ലോകത്തിലെ തന്നെ രണ്ട് വലിയ സമ്പദ്‌വ്യവസ്ഥകളായ യുഎസും ചൈനയും തമ്മിലുള്ള വാണിജ്യ തർക്കവും സ്വർണ്ണ വിലയിലെ വർധനവിന് കാരണമാണ്. കൂടാതെ, ബോണ്ട് മാർക്കറ്റ് വഴിയുള്ള മാന്ദ്യ മുന്നറിയിപ്പും ആശങ്കകൾ ഉയർത്തുന്നു.

സ്വര്‍ണ വില കുതിക്കുന്നു; ഇങ്ങനെ പോയാല്‍ എങ്ങനെ സ്വര്‍ണം വാങ്ങും? സ്വര്‍ണ വില കുതിക്കുന്നു; ഇങ്ങനെ പോയാല്‍ എങ്ങനെ സ്വര്‍ണം വാങ്ങും?

ഇന്നത്തെ സ്വർണ വില

കഴിഞ്ഞ നാല് ദിവസമായി സംസ്ഥാനത്ത് സ്വർണ വില പവന് 28000 രൂപയാണ്. ഗ്രാമിന് 3500 രൂപയാണ് വില. ഓണവും വിവാഹ സീസണും അടുക്കുന്നതോടെ കേരളത്തിൽ സ്വർണ വില വീണ്ടും കൂടാൻ സാധ്യതയുണ്ടെന്നാണ് വിവരം.

എന്തുകൊണ്ടാണ് സ്വര്‍ണവില ഇങ്ങനെ ഉയരുന്നത്? എന്തുകൊണ്ടാണ് സ്വര്‍ണവില ഇങ്ങനെ ഉയരുന്നത്?