പ്രവാസികൾ അറിഞ്ഞോ? ദുബായിൽ വീടുകളുടെ വില കുത്തനെ കുറയും

വില കുറയുന്നത് ഇങ്ങനെ

ദുബായിലെ വീടുകളുടെ വില ഈ വർഷം 10 ശതമാനവും തുടർന്ന് അടുത്ത 5 ശതമാനവും കുറയുമെന്നാണ് സർവ്വേ റിപ്പോർട്ട് ഫലം. 2021 ൽ 3.3% കുറയുമെന്നും പ്രവചിച്ചിട്ടുണ്ട്. യുഎസ്-ചൈന വ്യാപാരയുദ്ധം ആഗോള വളർച്ചയെ ബാധിക്കുമെന്നതിന്റെ തെളിവാണിത്. അമേരിക്ക, ബ്രിട്ടൻ, കാനഡ, ഇന്ത്യ എന്നിവിടങ്ങളിലും ഇത്തരത്തിൽ വിലയിടിവിന് സാ​ധ്യതയുണ്ടെന്നാണ് വിദ​ഗ്ധരുടെ വിലയിരുത്തൽ.

ദുബായിയുടെ വളർച്ച

കഴിഞ്ഞ വർഷം ദുബായിയുടെ സമ്പദ്‌വ്യവസ്ഥ വെറും 1.94 ശതമാനം മാത്രമാണ് വളർച്ച നേടിയത്. 2009 ലെ സാമ്പത്തിക പ്രതിസന്ധിക്കു ശേഷമുള്ള ഏറ്റവും മന്ദഗതിയിലുള്ള വളർച്ചയായിരുന്നു ഇത്. റിയൽ എസ്റ്റേറ്റ് വിപണിയിലെ മാന്ദ്യമാണ് വളർച്ചയെ ബാധിച്ച പ്രധാന ഘടകം. ടൂറിസം, അന്താരാഷ്ട്ര ബിസിനസ് സേവനങ്ങൾ എന്നിവയിലാണ് ഇപ്പോൾ ദുബായ് ശ്രദ്ധ കേന്ദ്രീകരിച്ചിരിക്കുന്നത്. 2020 ൽ 3.8 ശതമാനവും 2021 ൽ 2.8 ശതമാനവും വളർച്ച കൈവരിക്കുമെന്നാണ് നിലവിലെ പ്രവചനം.

കൊച്ചിയിൽ ഫ്ലാറ്റ് വാങ്ങിയ 500 പേർ പെരുവഴിയിൽ, ഫ്ളാറ്റുകൾ വാങ്ങുമ്പോൾ ശ്രദ്ധിക്കേണ്ട കാര്യങ്ങൾ

ഉത്തേജന പാക്കേജ്

അടുത്തിടെ പ്രഖ്യാപിച്ച സർക്കാർ ഉത്തേജക പാക്കേജ് റിയൽ എസ്റ്റേറ്റ് വിപണിയെ വീണ്ടെടുക്കാൻ സഹായിക്കുമെങ്കിലും ഭവന യൂണിറ്റുകളുടെ അമിത വിതരണം വിലയെയും ഡിമാൻഡിനെയും ബാധിക്കാനിടയുണ്ടെന്നാണ് വിദ​ഗ്ധരുടെ അഭിപ്രായം. വസ്തു വിലകൾ 2014 പകുതി മുതൽ 25 മുതൽ 35 ശതമാനം വരെയാണ് ചുരുങ്ങിയിരിക്കുന്നത്.

ദുബായിൽ കുറഞ്ഞ വാടകയ്ക്ക് ഫ്ലാറ്റ് കിട്ടുന്ന സ്ഥലങ്ങൾ

കുവൈറ്റിലും പ്രതിസന്ധി

കുവൈത്തിൽ ആശ്രിത വിസ ലഭിക്കുന്നതിനുള്ള ശമ്പള പരിധി ഉയർത്തിയത് റിയൽ എസ്റ്റേറ്റ് മേഖലയെ പ്രതികൂലമായി ബാധിച്ചേക്കും. പ്രവാസി കുടുംബങ്ങളുടെ കൊഴിഞ്ഞു പോക്ക് മൂലം തളർച്ച നേരിട്ടു കൊണ്ടിരിക്കുന്ന റിയൽ എസ്റ്റേറ്റ് മേഖലക്കു പുതിയ തീരുമാനം ഇരട്ട പ്രഹരമാകുമെന്നാണ് വിദഗ്ധരുടെ വിലയിരുത്തൽ. രാജ്യത്തിന്റെ വിവിധ ഭാഗങ്ങളിലായി അരലക്ഷത്തിലേറെ ഫ്‌ളാറ്റുകൾ താമസക്കാരില്ലാതെ കിടക്കുന്നതായാണ് കണക്കുകൾ.

ദുബായ്ക്ക് പറക്കണോ?? വെറും 5000 രൂപ മാത്രം