പുതുതലമുറക്കാർക്ക് സ്വർണത്തോട് പ്രിയമില്ലെന്ന് വേൾഡ് ഗോൾഡ് കൗൺസിലിന്റെ റിപ്പോർട്ട്. വിവിധ രാജ്യങ്ങളിൽ നിന്നായി 18,000ഓളം പേരെ തിരഞ്ഞെടുത്ത് നടത്തിയ പഠന റിപ്പോർട്ടിലാണ് ഇക്കാര്യം വ്യക്തമാക്കിയിരിക്കുന്നത്. 1996-2010 കാലയളവിൽ ജനിച്ച ജനറൽ ഇസഡ് വിഭാഗത്തിൽപ്പെടുന്നവർക്കിടയിലാണ് പഠനം നടത്തിയത്.
സ്വർണത്തോട് ഭ്രമമില്ല
ലോകത്തെ ഏറ്റവും പ്രായം കുറഞ്ഞ ഈ ഉപഭോക്താക്കൾക്ക് സ്വർണ്ണവുമായി വൈകാരിക ബന്ധമില്ലെന്നാണ് റിപ്പോർട്ട് വ്യക്തമാക്കുന്നത്. നിക്ഷേപ ആവശ്യകത കണക്കിലെടുക്കുമ്പോൾ, ജനറേഷൻ ഇസഡ് ഉപഭോക്താക്കൾ ദീർഘകാലത്തേക്ക് നിക്ഷേപം നടത്തുകയോ അവരുടെ സമ്പാദ്യത്തിൽ സാമ്പത്തിക തകർച്ചയുടെ ആഘാതത്തെക്കുറിച്ച് ആശങ്കപ്പെടുകയോ ചെയ്യുന്നില്ലെന്നും റിപ്പോർട്ടിൽ പറയുന്നു.
പരിധിയിൽ കൂടുതൽ സ്വർണ്ണം സൂക്ഷിച്ചാൽ പിടിവീഴുമോ? അറിയണം ഇക്കാര്യങ്ങൾ
പഠനം നടത്തിയത് എവിടെ?
യുഎസ്എ, ചൈന, ഇന്ത്യ, ജർമ്മനി, കാനഡ, റഷ്യ എന്നീ 6 പ്രമുഖ സ്വർണ്ണ വിപണികളിലെ റീട്ടെയിൽ നിക്ഷേപകരിലാണ് പഠനം നടത്തിയിരിക്കുന്നത്. 1996 നും 2010 നും ഇടയിൽ ജനിച്ച വ്യക്തികളാണ് ജനറേഷൻ ഇസെഡ് വിഭാഗം. അതിനാൽ ലോകത്തിലെ സ്വർണ്ണ വിപണിയിലെ ഏറ്റവും പ്രായം കുറഞ്ഞ ഉപഭോക്താക്കളാണ് ഇവർ. ജനറേഷൻ ഇസഡ് വ്യക്തികൾക്കിടയിൽ സ്വർണത്തെക്കുറിച്ച് ധാരണാപരമായ സംശയങ്ങളുണ്ടെന്നും ഡബ്ല്യുജിസി റിപ്പോർട്ടിൽ പറയുന്നു.
സ്വർണം വെറും ഷോ
ജനറേഷൻ ഇസഡ് സ്വർണ്ണത്തെ ഒരു ഫാഷൻ അല്ലെങ്കിൽ സ്റ്റൈൽ ഇനമായി കാണുന്നില്ല. മുൻ തലമുറകളിൽ നിന്ന് വ്യത്യസ്തമായി സ്വർണ്ണവുമായി ഇവർക്ക് വൈകാരിക ബന്ധങ്ങളുമില്ല. ജനറേഷൻ ഇസഡിന്റെ കാഴ്ചയിൽ, ‘സ്വർണ്ണം വെറും ഷോ മാത്രമാണെന്നും റിപ്പോർട്ടിൽ പറയുന്നു.
ജ്വല്ലറിക്കാർക്ക് മുട്ടൻ പണി, ജനുവരി ഒന്ന് മുതൽ സ്വർണത്തിന് ഹോൾമാർക്കിംഗ് നിർബന്ധം
ഇന്ത്യയിലെ യുവതലമുറ
ചൈനയിലെ യുവ ഉപഭോക്താക്കളിൽ ആഭരണങ്ങൾ വാങ്ങുന്നവരുടെ എണ്ണം വളരെയേറെ കുറഞ്ഞതായി റിപ്പോർട്ടിൽ പറയുന്നു. എന്നാൽ ഇതിനു വിപരീതമായി ഇന്ത്യൻ ജനറൽ ഇസഡ് വിഭാഗത്തിന്റെ വാങ്ങൽ സ്വഭാവവും വാങ്ങൽ ഉദ്ദേശ്യങ്ങളും പഴയ തലമുറയിൽ നിന്ന് വ്യത്യസ്തമല്ലെങ്കിലും ചെറുപ്പക്കാർക്ക് സ്വർണ്ണാഭരണങ്ങളുമായി ദുർബലമായ വൈകാരിക ബന്ധമാണുള്ളത്. സ്വർണ്ണാഭരണങ്ങളുമായുള്ള വൈകാരിക ബന്ധം ശക്തിപ്പെടുത്തുന്നതിന് ലക്ഷ്യമിട്ട ശ്രമങ്ങളൊന്നും നടത്തിയില്ലെങ്കിൽ, ഇന്ത്യ ചൈനയുടെ പാത പിന്തുടരാൻ സാധ്യതയുണ്ടെന്നും റിപ്പോർട്ട് കൂട്ടിച്ചേർക്കുന്നു.
സ്വർണം വാങ്ങാൻ താത്പര്യപ്പെടുന്നവർ
39 വയസ്സിന് മുകളിലുള്ള ഇന്ത്യക്കാരിൽ 36% പേരും അടുത്ത 12 മാസത്തിനുള്ളിൽ സ്വർണ്ണാഭരണങ്ങൾ വാങ്ങാൻ ആഗ്രഹിക്കുന്നുണ്ടെന്ന് ഡബ്ല്യുജിസി റിപ്പോർട്ട് വ്യക്തമാക്കുന്നു. എന്നാൽ എന്നാൽ 23നും 38നും ഇടയിൽ പ്രായമുള്ളവരിൽ 33 ശതമാനവും ജനറേഷൻ ഇസഡ് ഇന്ത്യക്കാരിൽ 24 ശതമാനവുമാണ് സ്വർണം വാങ്ങാൻ താത്പര്യപ്പെടുന്നത്.