വായ്പയെടുക്കാൻ ബാങ്കിൽ ദിവസങ്ങൾ കയറിയിറങ്ങേണ്ട; ഒരു ദിവസം കൊണ്ട് കിട്ടും ഈ 4 വായ്പകള്‍

പണത്തിന് പെട്ടന്നൊരു ആവശ്യം വന്നാലെന്തു ചെയ്യും? ഒരു ലോണ്‍ കിട്ടാന്‍ ബാങ്കിലെല്ലാം ദിവസങ്ങള്‍ കയറിയിറങ്ങി നടക്കണം. എന്നാല്‍ നമുക്കധികം അറിയാത്ത ചില ലോണുകളുണ്ട് ഒരു ദിവസത്തില്‍ അല്ലെങ്കില്‍ മണിക്കൂറുകള്‍ക്കുള്ളില്‍ ലഭിക്കുന്ന ലോണുകള്‍.

ഇതാ വളരെ വേഗം ലഭിക്കുന്ന 4 ലോണുകള്‍

ഫിക്‌സഡ് ഡിപോസിറ്റില്‍ ലോണ്‍

നിങ്ങള്‍ക്ക് ബാങ്കില്‍ നല്ലൊരു തുക ഫിക്‌സഡ് ഡിപോസിറ്റായി ഉണ്ടെങ്കില്‍ ഫിക്സഡ് ഡെപ്പോസിറ്റിന്റെ 85 ശതമാനം തുക വരെ ലോണായെടുക്കാം.പലിശ നിരക്കിന്റെ രണ്ട് ശതമാനം കൂടുതല്‍ വരെ നിരക്കില്‍ പലിശ നല്‍കണ്ടിവരും. വായ്പയെടുക്കാൻ ബാങ്കിൽ പോകേണ്ട..ഈടും വേണ്ട; ഓൺലൈനായി അപേക്ഷിക്കാം പണം അക്കൌണ്ടിലെത്തും  

ചിട്ടി ലോണ്‍

പണത്തിന് ആവശ്യം വന്നാല്‍ അനായാസം ചിട്ടിയില്‍ നിന്ന് ലോണ്‍ എടുക്കാം. ആവശ്യമുള്ളപ്പോള്‍ തിരിച്ചടയ്ക്കാം. അല്ലെങ്കില്‍, ചിട്ടി വട്ടമെത്തുമ്പോള്‍ വായ്പ കുറച്ച് ബാക്കി തുക കയ്യില്‍കിട്ടും.ചിട്ടിത്തുകയുടെ 50% വരെ ലോണ്‍ ലഭിക്കും. ചിട്ടി പത്ത് തവണയില്‍ കൂടുതല്‍ തുടര്‍ച്ചയായി കൃത്യമായി അടച്ചിട്ടുണ്ടെങ്കിലേ ചിട്ടി ലോണ്‍ കിട്ടുകയുള്ളൂ. കുറഞ്ഞ പലിശയ്ക്ക് ഭവനവായ്പ; പ്രധാൻ മന്ത്രി ആവാസ് യോജനയ്ക്ക് ആർക്കൊക്കെ അപേക്ഷിക്കാം?

ക്രഡിറ്റ് കാര്‍ഡ് ലോണ്‍

ക്രഡിറ്റ് കാര്‍ഡ് ഉപയോഗിച്ച് ലോണ്‍ വളരെയെളുപ്പം നേടാന്‍ കഴിയും. പക്ഷേ ഏറ്റവും കൂടുതല്‍ പലിശ നിരക്കുള്ള വായ്പയാണിത്. ക്രഡിറ്റ് കാര്‍ഡ് കമ്പനികള്‍ക്കനുസരിച്ച് പലിശ വ്യത്യസതമായിരിക്കും. മോഡിയുടെ തൊഴിൽദാന പദ്ധതി: വായ്പയ്ക്ക് അപേക്ഷിക്കേണ്ടത് എങ്ങനെ?

ഇന്‍ഷൂറന്‍സ് പോളിസി ലോണ്‍

ചില പോളിസികളില്‍മേല്‍ മാത്രമേ ലോണ്‍ ലഭിക്കുകയുള്ളൂ. എല്ലാ പോളിസികളിന്മേലും വായ്പ കിട്ടില്ല. പരമ്പരാഗത പോളിസികള്‍, യൂലിപ് പോളിസികള്‍, സിംഗിള്‍ പ്രീമിയം പോളിസികള്‍ തുടങ്ങിയവയിന്മേല്‍ വായ്പ കിട്ടും.പരമാവധി ഒരു ദിവസത്തിനുള്ളില്‍ വായ്പകിട്ടും. അക്കൗണ്ടിലേക്ക് പണം ട്രാന്‍സ്ഫറായി വരികയാണ് ചെയ്യുക. സ്വപ്‌ന ഭവനം സ്വന്തമാക്കാം, കരുതലോടെ; ഭവന വായ്പയെക്കുറിച്ച് എല്ലാം അറിയാം