സമ്പദ്വ്യവസ്ഥയിൽ പലിശ കുറയുന്നതോടെ ദീർഘകാലാടിസ്ഥാനത്തിൽ വലിയ സമ്പാദ്യം വളർത്താൻ ആഗ്രഹിക്കുന്ന നിക്ഷേപകർക്ക് പരിമിതമായ നിക്ഷേപ ആവശ്യങ്ങൾ മാത്രമാണുള്ളത്. കൂടാതെ, കഴിഞ്ഞ കുറച്ച് മാസങ്ങളായുള്ള ഓഹരി വിപണിയിലെ ചാഞ്ചാട്ടം കണക്കിലെടുക്കുമ്പോൾ, ദീർഘകാലാടിസ്ഥാനത്തിൽ ഒരു വലിയ സമ്പാദ്യം ഉണ്ടാക്കാനായി ഓഹരികളിലോ ഇക്വിറ്റി മ്യൂച്വൽ ഫണ്ടുകളിലോ നിക്ഷേപിക്കുന്നവരുടെ എണ്ണവും കുറയും. ഈ സാഹചര്യത്തിൽ ഏറ്റവും അനുയോജ്യമായ ഒരു നിക്ഷേപ മാർഗമാണ് പിപിഎഫ്.
പലിശ നിരക്ക്
7.1% പലിശ ലഭിക്കുന്ന സുരക്ഷിതവും നികുതി രഹിത വരുമാനവും വാഗ്ദാനം ചെയ്യുന്ന മികച്ച നിക്ഷേപ മാർഗമാണ് പബ്ലിക് പ്രൊവിഡന്റ് ഫണ്ട് (പിപിഎഫ്). പിപിഎഫിന്റെ പലിശ നിരക്ക് ഓരോ പാദത്തിലും സർക്കാർ തീരുമാനിക്കും. സാധാരണയായി മറ്റ് സ്ഥിര നിക്ഷേപ ഉപകരണങ്ങളുമായി താരതമ്യപ്പെടുത്തുമ്പോൾ പലിശ നിരക്ക് കൂടുതലാണ്. നിലവിലെ പിപിഎഫ് പലിശ നിരക്കായ 7.1 ശതമാനം പലിശ നിരക്ക് കാലാവധിയിലുടനീളം നിലനിന്നാൽ, 25 വർഷത്തിനുള്ളിൽ ഒരു കോടി രൂപ സമാഹരിക്കാം.
പിപിഎഫ്, എഫ്ഡി, ഇപിഎഫ് എന്നിവയില് നിന്ന് പണം പിന്വലിക്കും മുമ്പ് അറിയണം ഇക്കാര്യങ്ങൾ
നിക്ഷേപ പരിധി
7.1% പലിശയ്ക്ക് 25 വർഷത്തേക്ക് എല്ലാ മാസവും തുടക്കത്തിൽ 12,500 രൂപ പിപിഎഫിൽ നിക്ഷേപിക്കുന്നതിലൂടെ, പിപിഎഫ് കോർപ്പസ് 25 വർഷം അവസാനത്തോടെ 99,94,812 രൂപയായി വളരും. ഒരു സാമ്പത്തിക വർഷത്തിൽ ഒരാൾക്ക് പിപിഎഫ് അക്കൗണ്ടിൽ പരമാവധി 1.5 ലക്ഷം രൂപ വരെ നിക്ഷേപിക്കാം.
പിപിഎഫ് നിക്ഷേപ സൗകര്യം വാഗ്ദാനം ചെയ്യുന്നതിനായി ഇപ്പോള് കൂടുതല് പോസ്റ്റ് ഓഫീസുകള്
കാലാവധി
പിപിഎഫ് അക്കൌണ്ട് 15 വർഷത്തിനുള്ളിൽ പക്വത പ്രാപിക്കുമെങ്കിലും പണം നിക്ഷേപിച്ചും അല്ലാതെയും കാലാവധി പൂർത്തിയായ ശേഷവും അഞ്ച് വർഷത്തേയ്ക്ക് കൂടി നീട്ടാൻ നിങ്ങൾക്ക് ഒരു ഓപ്ഷൻ ഉണ്ട്. പിപിഎഫ് വഴി ഒരു കോടി രൂപ സ്വരൂപിക്കുന്നതിന്, നിങ്ങളുടെ പിപിഎഫ് അക്കൌണ്ടിന്റെ കാലാവധി കഴിഞ്ഞതിന് ശേഷവും നിക്ഷേപ കാലയളവ് അഞ്ച് വർഷം വീതം രണ്ട് തവണ കൂടി നീട്ടണം.
പിപിഎഫ്, മറ്റു ചെറുകിട സമ്പാദ്യ പദ്ധതികള്ക്കായി ഇപ്പോള് പൊതുഫോമുകളും ലഭിക്കും: ഇന്ത്യ പോസ്റ്റ്
നിക്ഷേപവും പലിശയും
നിങ്ങൾ ഓരോ മാസവും 12,500 രൂപ പിപിഎഫ് അക്കൌണ്ടിൽ 20 വർഷത്തേക്ക് നിക്ഷേപിക്കുകയാണെങ്കിൽ 7.1% നിരക്കിൽ 20 വർഷത്തിനുശേഷം തുക 64,55,980 രൂപയായി വളരും. നിങ്ങളുടെ സ്വന്തം സംഭാവനയായ 30 ലക്ഷം രൂപയും 20 വർഷത്തിനുള്ളിൽ 34.56 ലക്ഷം രൂപയും. എന്നിരുന്നാലും, നിങ്ങളുടെ പിപിഎഫ് കാലാവധി മറ്റൊരു അഞ്ച് വർഷത്തേക്ക് നീട്ടുന്നുവെങ്കിൽ, 25 വർഷം അവസാനത്തോടെ നിങ്ങൾക്ക് 99,94,812 രൂപ സമാഹരിക്കാം. ഇതിൽ നിങ്ങളുടെ സ്വന്തം നിക്ഷേപം 37.5 ലക്ഷം രൂപയും ബാക്കി തുക പലിശയും ആയിരിക്കും.
നികുതി ഇളവ്
ദീർഘകാലാടിസ്ഥാനത്തിൽ ഒരു വലിയ സമ്പാദ്യമുണ്ടാക്കുന്നതിന് ഏറ്റവും സുരക്ഷിതമായ നിക്ഷേപ ഓപ്ഷനാണ് പിപിഎഫ് എന്ന് വിശകലന വിദഗ്ധർ പറയുന്നു. പിപിഎഫ് 'എക്സംപ്റ്റ് എക്സംപ്റ്റ് എക്സംപ്റ്റ് (ഇഇഇ)' നിക്ഷേപ വിഭാഗത്തിൽ പെടുന്നു. അതായത് നിങ്ങൾ ഓരോ വർഷവും നിക്ഷേപിക്കുന്ന തുക (പരമാവധി 1.5 ലക്ഷം രൂപയ്ക്ക് വിധേയമായി), ഈ അക്കൗണ്ടിൽ നിന്ന് ലഭിക്കുന്ന വാർഷിക പലിശ, മെച്യൂരിറ്റി തുക എന്നിവ ആദായനികുതിയിൽ നിന്ന് ഒഴിവാക്കിയിട്ടുണ്ട്.