പാന്‍ കാര്‍ഡിലെ തെറ്റുകള്‍ എങ്ങനെ തിരുത്താം?

ഇന്ത്യയില്‍ ഇപ്പോള്‍ പാന്‍ കാര്‍ഡ് നിര്‍ബന്ധമാണ്. അതു കാരണം എല്ലാവരും പാന്‍ കാര്‍ഡ് എടുക്കുകയും ചെയ്തു. എന്നാല്‍ അതിലെ തെറ്റുകള്‍ തിരുത്തുന്നതിനെ കുറിച്ച് പലര്‍ക്കും അറിവില്ല. എന്നാല്‍ തെറ്റുകള്‍ തിരുത്താന്‍ കുറച്ചു സമയം മതി.

ഇന്‍കം ടാക്സ്സ് ഡിപ്പാര്‍ട്ടുമെന്റ് പാന്‍കാര്‍ഡ് നല്‍കുന്നതിനായി NSDL (നാഷണല്‍ സെക്യൂരിറ്റീസ് ഡെപ്പോസിറ്ററി ലിമിറ്റഡ്), UDI ITSL (UDI ഇന്‍ഫ്രാസ്ട്രക്ചര്‍ ടെക്‌നോളജി ആന്‍ഡ് സര്‍വ്വീസ് ലിമിറ്റഡ്) എന്നിവര്‍ക്കാണ് അനുമതി നല്‍കിയിട്ടുളളത്.

ഈ പറയുന്ന ലിങ്ക് വഴി അപേക്ഷകര്‍ക്ക് ഓണ്‍ ലൈന്‍ വഴിയോ നേരിട്ടോ അപേക്ഷ സമര്‍പ്പിക്കാം. NSDL ന്റെ ലിങ്ക്,  UDI യുടെ ലിങ്ക്. അപേക്ഷകര്‍ പാന്‍കാര്‍ഡ് നമ്പര്‍, പേര്, വേല്‍വിലാസം തുടങ്ങിയ വിവരങ്ങള്‍ ശരിയായി പൂരിപ്പിക്കുക. അതിനു ശേഷം 107 രൂപ പുതിയ പാന്‍ കാര്‍ഡിന് അടയ്‌ക്കേണ്ടതാണ്.

അതിനോടൊപ്പം 3.5cmX2.5cm വലുപ്പത്തിലുളള രണ്ട് ഫോട്ടോയും ഹാജരാക്കേണ്ടതാണ്. ഒപ്പ് അപ്‌ലോഡ് ചെയ്യാന്‍ മറക്കരുത്. ഈ അപേക്ഷ നേരിട്ട് സമര്‍പ്പിക്കുമ്പോള്‍ അതാത് ജില്ലകളിലെ UTI യുടേയോ NSDL ന്റേയോ ഓഫീസില്‍ നല്‍കണം. അപേക്ഷയില്‍ പറഞ്ഞിരിക്കുന്ന തിരിച്ചറിയല്‍ രേഖകള്‍ ഹാജരാക്കേണ്ടതാണ്. പുതിയ കാര്‍ഡ് ലഭിക്കാന്‍ ഒരു മാസം വരെ സമയം എടുക്കുന്നതാണ്.