പെൻഷനായാലും ടെൻഷനില്ലാതെ ജീവിക്കാം; റിട്ടയര്‍മെന്റിന് മുമ്പ് ചെയ്യേണ്ട 10 കാര്യങ്ങൾ

റിട്ടയര്‍മെന്റ് കാലത്ത് എങ്ങനെ ജീവിക്കുമെന്ന് അമ്പത് വയസ്സുവരെ അധികമാരും ആലോചിക്കാറില്ല! വരവും ചിലവും കൂട്ടിമുട്ടാത്തത് കൊണ്ട് ഒന്നും കരുതിവെക്കാതെ അതേക്കുറിച്ച് ചിന്തിച്ചുതുടങ്ങുമ്പോഴേക്കും കാലംകൈവിട്ടുപോയിട്ടുണ്ടാവും. ദീര്‍ഘകാല ലക്ഷ്യങ്ങളില്‍ ആദ്യത്തേത് റിട്ടയര്‍മെന്റ്കാല ജീവിതമാകണം. അതിനുള്ള നിക്ഷേപം ജോലി ലഭിക്കുമ്പോള്‍തന്നെ തുടങ്ങുകയുംവേണം. റിട്ടയര്‍മെന്റിനു മുന്‍പ് ചെയ്യേണ്ട 10 കാര്യങ്ങളിതാ..

റിട്ടയര്‍മെന്റ് പ്രായം

ഏത്രാമത്തെ വയസ്സില്‍ റിട്ടയര്‍ ചെയ്യണമെന്ന് ആദ്യമേ തീരുമാനിക്കണം. എങ്കിൽ മാത്രമേ റിട്ടയര്‍മെന്റ് കാലത്ത് അധിക ചെലവുകള്‍ മുന്‍കൂട്ടി കാണാനാവൂ.

നാണയപ്പെരുപ്പം

നാണയപ്പെരുപ്പം റിട്ടയര്‍മെന്റ് പ്ലാനിംഗില്‍ പലരും ശ്രദ്ധിക്കാറില്ല. പിഎഫില്‍ നിക്ഷേപിക്കുന്ന തുക ഉയരുന്ന പണപ്പെരുപ്പ നിരക്കുകള്‍ കണക്കിലെടുത്ത് വിശകലനം ചെയ്യണം.

ചെലവുകള്‍ കണക്കാക്കുക

ചെലവുകള്‍ കണക്കാക്കി അധിക ചെലവുകള്‍ കുറക്കുക. ഷോപ്പിംഗിനു ഒരുപാട് പണം പൊടിപൊടിക്കാതിരിക്കുക. ജോലിയുള്ള സമയത്ത് പരമാവധി നിങ്ങളുടെ സമ്പാദ്യം വർദ്ധിപ്പിക്കാൻ ശ്രമിക്കുക. ഇത് ഭാവിയിൽ ഉപകാരപ്പെടും.

മെഡിക്കല്‍ പരിരക്ഷ

നിങ്ങള്‍ ജോലി ചെയ്യുന്ന കബനി മെഡിക്കല്‍ പരിരക്ഷ ഉറപ്പാക്കുന്നുണ്ടോ എന്ന ശ്രദ്ധിക്കണം. പങ്കാളി ജോലി ചെയ്യുന്നില്ലെങ്കില്‍ ഫാമിലി ആരോഗ്യ പ്ലാനുകളും നോക്കാം. കാരണം പ്രായം കൂടുന്നതിന് അനുസരിച്ച് ആരോഗ്യ പ്രശ്നങ്ങളും കൂടി വരും.

നികുതി വഴി നേടാം

നികുതി ഇളവുകള്‍ സമ്പാദിക്കാന്‍ ഏറ്റവും നല്ലത് പിഎഫും അനുബന്ധ നിക്ഷേപങ്ങളുമാണ്. ഇവയിൽ നിർബന്ധമായും നിക്ഷേപം നടത്തുക.

പ്രായത്തിനനുസരിച്ച് നിക്ഷേപിക്കാം

ചെറിയ പ്രായത്തില്‍ സമ്പാദ്യത്തിന് ഓഹരികളും മ്യൂച്ചല്‍ഫണ്ടുകളുമാണ് അനുയോജ്യം. മധ്യവയസ്സില്‍ മ്യൂച്ചല്‍ഫണ്ടുകളും ബ്ലൂ ചിപ്പ് സ്റ്റോക്കുകളുമാണ് നല്ലത്.

ഇന്‍ഷുറന്‍സ് വേറെ നിക്ഷേപം വേറെ

ഇന്‍ഷുറന്‍സും നിക്ഷേപങ്ങളും തമ്മില്‍ യോജിപ്പിക്കരുത്. ഇന്‍ഷുറന്‍സും യുലിപ്‌സ്, എന്‍ഡോവ്‌മെന്റ് പോളിസികള്‍ മണിബാക്ക് പോളിസികള്‍ എന്നിവ കൂട്ടിക്കുഴക്കരുത്.

കടങ്ങൾ തീർക്കുക

വിരമിക്കലിന് മുമ്പ് നിങ്ങൾ നിങ്ങളുടെ എല്ലാ കടങ്ങളും തീർക്കുന്നതിന് പ്രധാന്യം നൽകണം. കാരണം വിരമിക്കലിന് ശേഷം പരിമിധ വരുമാനം മാത്രമുള്ള നിങ്ങൾക്ക് കടക്കെണി ബുദ്ധിമുട്ടുണ്ടാക്കും.

ദീർഘകാല നിക്ഷേപം

സമ്പത്ത് വർദ്ധിപ്പിക്കുന്നതിൽ ദീർഘകാല നിക്ഷേപങ്ങൾക്ക് വളരെയേറെ പ്രാധാന്യമുണ്ട്. ഭാവിയിൽ സാമ്പത്തിക സംരക്ഷണം ഉറപ്പു വരുത്തുന്നതിന് ഇത്തരം നിക്ഷേപങ്ങൾ സഹായിക്കും.

സ്വപ്ന ഭവനം

സ്വന്തമായി ഒരു വീട്, വസ്തു ഇവയൊക്കെ നിങ്ങളുടെ സ്വപ്നമാണെങ്കിൽ അതിന് വേണ്ടി നേരത്തേ തന്നെ പദ്ധതികൾ ആസൂത്രണം ചെയ്യുക. വിരമിക്കുന്നതിന് മുമ്പ് തന്നെ വീട് വാങ്ങുകയോ നിർമ്മിക്കുകയോ ചെയ്യുന്നതാകും നല്ലത്. ബാങ്കുകളിൽ നിന്നും മറ്റും വായ്പകൾ ലഭിക്കാനും ഇത് സഹായിക്കും.

malayalam.goodreturns.in